...तुला भेटल्यानंतर

Submitted by महेश मोरे स्वच्छंदी on 3 September, 2020 - 22:14

..तुला भेटल्यानंतर
- महेश मोरे (स्वच्छंदी)

आयुष्याचे गाणे झाले..तुला भेटल्यानंतर
हे जगणे सोन्याचे झाले..तुला भेटल्यानंतर

जे जे माझे होते ते ते..ते दोघांचे झाले
आणि तुझे ते माझे झाले..तुला भेटल्यानंतर

समोर आल्या नंतर अवचित जे ओठांचे व्हावे
ते ते या देहाचे झाले..तुला भेटल्यानंतर

बोलायाला बंदी होती तुला भेटण्याआधी
हसायचेही कोडे झाले..तुला भेटल्यानंतर

तुझ्या अदेवर दुनिया वेडी आहे माहित होते
मन माझेही वेडे झाले..तुला भेटल्यानंतर

Group content visibility: 
Public - accessible to all site users