मुक्तहस्त चित्र स्पर्धा - ऋन्मेऽऽष - परी वय वर्षे सहा

Submitted by ऋन्मेऽऽष on 31 August, 2020 - 18:49

हे असे भेंडी बटाट्याचे काप आणि दोरी रंगात बुडवून चित्र काढणे मीच कधी लहानपणी केले नाही, तर पोरीला काय समजावणार होतो. त्यामुळे उगाच भाज्यांची नासाडी करण्यापेक्षा हाताच्या बोटांनी काहीतरी कलरफुल कर म्हणालो. जे तिचे फार आवडते आहे, फक्त कागदावर नाही तर तिला अश्या भिंती रंगवायला आवडतात Happy
तुझे साहित्य तूच ठरव म्हटले. तर तिने टूथब्रश मागितला. म्हटले छान आयड्या आहे. त्याचा तुला फवाराही ऊडवता येईल.

चित्र सुरू करायच्या आधीच तिला सांगितले की कदाचित स्पर्धेची तारीख काल रविवारीच संपली असेल त्यामुळे आपण फक्त टाईमपास म्हणून काहीतरी वेगळे करायचे म्हणून हे करतोय. जेणेकरून प्रयोगाच्या नादात चित्र गंडलेच तर तिला वाईट वाटू नये.

पण सुरुवात तरी छान झाली. टूथब्रशचा कलर ब्रशसारखा वापर करून तिचे आधी नीचे धरती उपर अंबर रंगवून झाले. मग त्या आकाशावर टूथब्रशनेच फवारा मारताच छान चांदण्या अवतरल्या. बोटांनी एक छानशी नाजूक चंद्रकोरही काढली. आणि चित्र जमतेय म्हणत मी पहिला फोटो काढला Happy

प्रचि १

Pari Drawing 1.jpg

त्यानंतर टेनिसचे रॅकेट घेत त्याच्या जाळीवरून कलर मारला. छान हलकासा जाळीदार टेक्चर असलेला चौकोन तयार झाला. हे काय आहे म्हणून मी विचारले तर गार्डनमधील बेंच असे उत्तर मिळाले. आम्हाला समजावे म्हणून लगोलग बोटाने त्याचे पायही काढले. दोन पाय डाऊन टू अर्थ, तर दोन अहंकाराने हवेत होते. आपले चित्र पुर्ण व्हायच्या आधीच हा माणूस उगाच कश्याला फोटो काढतोय म्हणून मला एक लूक सुद्धा देऊन झाला. कारण तिला तिचे चित्र पुर्ण तयार झाल्यावरच लोकांना दाखवायला आवडते. अध्येमध्ये सल्ले लुडबूड नको असते.

प्रचि २

Pari Drawing 2.jpg

प्रचि ३

Pari Drawing 3.jpg

त्यानंतर मग झपझप आजूबाजूला हिरवे गार्डन आले. उगाचच त्या बेंचवर बोटाने काळी जाळी काढून आधीचे जमलेले टेक्चर बिघडवून टाकले. त्यानंतर बोटाने आणि टूथब्रशने काढायला बोअर झाले असावे म्हणून कलर ब्रशने छान काळेकुट्ट डोंगर काढले. मी लगेच नियमावर बोट ठेवले आणि तो ब्रश अलाऊड नाहीये असे म्हटले. तर लगेच तिने तावातावाने आपले बोट वापरून पाऊस पाडून झाला. डोंगर का काळे केले? असे विचारले असता रात्र आहे असे उत्तर मिळाले. रात्रीचा विषय निघताच माझी नजर वर चंद्रावर गेली, सुरुवातीच्या चंद्रकोरीचा पुर्ण चंद्र झाला होता. तसेच तो ही थोडासा काळवंडला होता. कदाचित चंद्रावरही रात्र असावी. क्वाईट पॉसिबल. पण काही का असेना, झाले एकदाचे चित्र पुर्ण म्हणत बिचारा स्माईल करत होता Happy

प्रचि ४

1598953885315.jpg

तर हा तोच पसारा जो मी तिच्या मदतीने आवरला. त्यातच वापरलेले साहित्यही सापडेल - टूथब्रश, कलरब्रश, हातांची बोटे, टेनिस रॅकेट आणि वॉटर कलर

प्रचि ५

Pari Drawing 5.jpg

आणि हा आमच्या परंपरेला अनुसरून
प्रचि ६
आर्ट अ‍ॅण्ड आर्टिस्ट Happy

Pari Drawing 4.jpg

तिच्या मम्माला तिच्या ईतर चित्रकारीच्या मानाने हे चित्र फारसे आवडले नसावे, ती उत्सुक नव्हती हे प्रकाशित करायला. पण मी मात्र माझी पसारा आवरायची मेहनत आणि धागा काढायची संधी वाया जाऊ देणार नव्हतोच, त्यामुळे एंट्री टाकलीच Happy

- ऋन्मेऽऽष

विषय: 
Group content visibility: 
Public - accessible to all site users

चित्राचा अजून एक जवळून फोटो काढ ऋ. बाकी प्रोसेस, वर्णन आणि परी सगळंच गोड. चित्र ही छान आहे पण नीट दिसत नाहीये.

चित्राचा अजून एक जवळून फोटो काढ ऋ.
>>>
हो हे नंतर लक्षात आले. पण पहाट होत आलेली. आता शोधून काढतो आणि टाकतो

क्लोज फोटो अपडेट केला, सुचवल्याबद्दल धन्यवाद धनुडी, पसार्‍यातून मोठ्या मुश्कीलीने शोधावा लागला Happy

वर्णनाच्या मदतीने चित्र समजलं. बाकडं, पाऊस , रात्र, भर पावसातला चंद्र इत्यादी परीच्या नजरेतून पाहायला मजा आली >>>>>>> +१.
लेक क्यूट आहे.

वर्णनाच्या मदतीने चित्र समजलं. बाकडं, पाऊस , रात्र, भर पावसातला चंद्र इत्यादी परीच्या नजरेतून पाहायला मजा आली ..."+1

रॅकेटचा वापर करून जाळीदार बेंच..मस्त डोकं चालवलंय परीने. आणि भाज्यांची नासाडी न केल्याबद्दल एक्स्टा् मार्क्स Happy एंड प्रोडक्टही छान

खूप खूप धन्यवाद सर्वांचे मनापासून आभार Happy

खरे तर तिला आम्ही वॉटर कलर कधी देत नाहीत कारण हात पाय कपडे सारे घर रंगवून ठेवते Happy
आणि तिलाही फारसे ते आवडत नाहीत, कारण पाणी टाकून बनवायचे कष्ट कोण घेणार, त्यापेक्षा आयते क्रेयॉन झपझप मारता येतात Happy

बाकी क्रेयॉन असले की मग तिला कुठलाही कॅनव्हास छोटा वाटतो, या लॉकडाऊन काळातच एक दिवस भिंतीवरचा पोस्टर निखळलेला, तो उलटा करून तिने लगेच असा हात साफ केला. माझी चहा पिऊन संपेपर्यंत चित्र तयार होते Happy

1598968668930.jpg

..

1598968701788.jpg

@ देवकी,
नव्या घरात शक्य्ता कमी आहे. कारण आता परीची भिंती रंगवायची हौस फिटली आहे. आणि रुनूला तो छंद नाहीये. असता तर अडवून त्यावर अन्याय होऊ दिला नसता Happy

@ ब्लॅककॅट, त्या भिंती तर आमच्या दर फोटोत बॅलग्रांऊडला असतातच. मुद्दाम त्यांचेच फोटो काही काढले असतील तर शोधावे लागतील. सापडल्यास तो नवीन लेखाचा विषय होईल Happy

आमच्यातही सेम एक असेच चित्र काढले होते , झाड , 90 अंश कोनात मोडकी फांदी , त्यावर पक्षी

हे झाड , मुले , हे कागदाच्या त्याच कोपऱ्यात तसेच रंगवले आहेत,

तुमच्या झाडावरचे आंबे खाऊन सम्प्ले वाटते

झाड आंब्याचे आहे की कसले कल्पना नाही. त्यावरच्या घरट्यातील पक्ष्यांना विचारयला हवे.

Pages