इथे आसवांना कुठे भान होते

Submitted by निलेश वि. ना. शेलोटे on 18 July, 2020 - 09:05

उरी पेटलेले जरी रान होते
कसे काय ओठी हसू छान होते

पुसावे कशाला उगा गाल कोणी
इथे आसवांना कुठे भान होते

कुणी लाजले का गळे कापतांना
कुणी फार कोणा दिले मान होते

लिहू लागलो मी जरी भावणारे
खरे सांगणारे रिते पान होते

कशी धार झाली कमी लेखणीची
कुठे शब्द माझे अता म्यान होते

निलेश वि. ना. शेलोटे
वृत्त:- भुजंगप्रयात
(लगागा लगागा लगागा लगागा)

विषय: 
साहित्य
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

"लिहू लागलो मी जरी भावणारे
खरे सांगणारे रिते पान होते" ----> घेऊन टाक यार माझ पण चार पाच वर्षांच आयुष्य आणि लिहीत रहा ... लिहीत रहा...

Submitted by प्रगल्भ on 18 July, 2020 - 09:43

बापरे बेफि तुमचा प्रतिसाद तोही दाद म्हणून.
मी गझल तुमचे लेख वाचून शिकतो आहे अजून.
तुमची वा म्हणजे गुरुजी वा.
भरून पावलो मी आज

Submitted by निलेश वि. ना. शेलोटे on 18 July, 2020 - 11:51