चारचौघात शालजोडीतले मारणारी गाणी

खुसखुशीत लेख आणि प्रतिक्रिया.
"शीशा नही सागर नही, मंदीर सा एक दिल ढाया है" >> हे असं नुसतं गाऊन पब्लिकला समजणार नाही म्हणून "शीशा नही" नंतर काचेचं झुंबर दाखवतात... मग ओळ पूर्ण करा... पब्लिकला समजलं पाहिजे!
नायिकाही मागे नाहीत बरं का! >> ह्यात सगळ्यांची बाप म्हणजे स्मिता पाटील! आपण जाऊन "दुश्मन न करे दोस्त ने वो" गायचं तर गायचं पण हुकमी अश्रू इ इ आणून राजेश खन्नाला आपला 'व्हिडीयोग्राफर' जॉब प्रोफाईल सोडून 'असिस्टंट सिंगर' व्हायला भाग पाडायचं... कुणा नायकाला पण जमत नाही बरं असं....

कभी खोले ना तिजोरी का ताला - बिदाई

किसी बात पर मै किसी से खफा हूं... हे गाणं पण याच कॅटेगरीत येईल का ?

शैली खुसखुशीत आहे. पण ही विरहगीतं आहेत. वाभाडे काढणारी म्हणून खालील गाणी जास्त शोभली असती..

यक चतुर नार , करके शृंगार

राज की बात कह दूं तो... (तेरी औकात क्या है, ये पहले तू बता दे)

कालीरामा का खुल गया पोल, बीच बजरिया फट गया ढोल, हो गया उसका डब्बा गोल

जा जा जा रे, तुझे हम जान गये, कितने पानी मे हो पहचान गये

भाग्यश्री - बहारों ने मेरा चमन लूटकर
या गाण्यातल्या धर्मेंद्र शर्मिला यांचंच
देखा है जिंदगी को कुछ इतना करीब हे
दोन्ही गाण्यात रकीब (स्पर्धक) हा शब्द आलाय

शालजोडीतले न मारता रोखठोक डिस्क्लेमर म्हणायचे तर हरीहरन
ची गझल आहे:
'कोई मौसम हुं तेरे रंग मे ढल जाऊंगा
मै कोई वक्त नहीं हुं जो बदल जाऊंगा..
मै तेरे हाथ की रेखा हुं, मुझे गौर से पढ
कम हुई मोहब्बत तो बदल जाऊंगा'
फुल ऑन नव्या नवऱ्याने आपल्या थोड्या डोमीनेटिंग बायकोला सुनावावे तसे ☺️☺️

शिवाय दुसरी गझल
'जब कभी बोलना, वक्त पर बोलना..
मुद्दतो सोचना, मुख्तसर बोलना..'
एखाद्या कडक नवऱ्याने बायकोला 'वेळेवर सांगायचं मी गाडी थांबवायची असेल तर.ऐनवेळी भर ट्रॅफिक मध्ये सांगायचं नाही.काय भाजी घ्यायची आधी विचार करून मगच गाडी थांबवायची.लांबड लावलेली चालणार नाही.' अशी तंबी दिल्याप्रमाणे वाटतं.(किंवा कॉल मध्ये एखाद्या कामाची मुदत साहेबाला सांगितल्यावर तो सुनावतो तसं.(काय इश्यू असले तर आधीच बोलायचं.सांगून ठेवतो.डेडलाईन च्या 2 दिवस आधी राडा चालणार नाय.)

अनु

राज कपूर सभ्य म्हणायला हवा. तो एकाच वेळी दोन्ही कन्सर्न्ड पार्टीजचे वाभाडे काढतो, पण प्रायव्हेटमध्ये!

मस्त लिहिले आहे अगदी. शिरीष कणेकरांच्या फिल्लमबाजी आठवण झाली. हे नक्की ऐका

"हे लोक खानदान ची इज्जत गेली कि भली मोठी पार्टी देतात आणि मग भर पार्टीत हिरोईनचा बाप हिरोच्या थोबाडीत मारतो आणि विचारतो 'पूछ... पूछ इस भरी मैफ़िल में मैंने थप्पड़ क्यों मारा....'"

>> 'तेरे दर्द से दिल आबाद रहा' पण असेल काय यात.

अगदी अगदी. मला सुद्धा हेच आठवले.

>> कोणाच्या मंगनीमधे जाउन त्यांना "आँसू" चे विविध प्रकार सांगणे, मी कसा येडचाप आहे याचे वर्णन करणे असला आचरटपणा तेव्हाची हिंदी गाणीच करू शकत Happy

विशेष म्हणजे अशा दृश्यातल्या लग्नातल्या वधू(हिरोईन)चे नवरे मात्र बावळटच दाखवले जायचे. तिचा प्रियकर तिला उदेश्यून सरळ सरळ "मी तुला खूप खूप मिस्स करीन" असे गाणे म्हणतोय आणि हा ते ऐकून त्याच्याकडे बघून स्मितहास्य करतोय. प्रेक्षक मनातल्या मनात म्हणायचे "इतका माठ कसा रे तू?" बर गाण्यातून त्याच्या मनातल्या भावना पोचवण्यासाठी निदान फक्त चेहऱ्यावरचे भाव दाखवा ना. पण नाही. इथे ओठांच्या हालचालीसहित तो कोकलून कोकलून गाणे म्हणतोय हे स्पष्ट दाखवलेय प्रत्यक्षात मात्र एखाद्याने प्रेयसीच्या लग्नात जाऊन मै खूष हू मेरे आसूओंपे ना जाना मै तो दिवाना दिवाना असे काही बाही ओरडून गायिले तर त्याला बकोटीला धरून हाणत हाणत बाहेर काढतील

दोस्ताना (जुना) मधले "मेरे दोस्त किस्सा ये क्या हो गया" हे गाणे पण ह्याच कॅटेगरीमधे येईल.

हे कसय,

वादा करो कभी छोडोगे ना तुम मेरा साथ, जहा तुम हो, वहा हम भी है
छुवो नही देखो पिचे रखो हात...

नाहितर,
तुम किसि और को चाहोगी, तो मुश्किल होगी

नाहितर,
खुषी कि ये रात आयी है

आणि हे एक,
दिल के झरोखे मे तुझको बीठाकर

हि अजून काही....

खूष रहे तू सदा ये दुवा है मेरी:
(यात संजीवकुमारचे हे गाणे ऐकून शत्रुघ्न आपल्या नववधूच्या कानाखाली हाणतोय का काय असे वाटते इथे, पण तसे होत नाही)
https://youtu.be/ayGc5A6X9Go?t=47

तकदीर का फसाना:
(तरी यात शांतारामानी त्याला सुरवातीला बाहेरच रडत बसवले आहे. पण कसचे काय, नंतर तो "तुम तो रहो सलामत" असे खच्चून ओरडत ओरडत लग्नघरात येतोच)
https://youtu.be/hcZaFMbAb4Y?t=184

बाकी, वरच्या दोन्ही गाण्यांत "रफी/लताच्या मखमली आवाजाने एक वेगळीच गुंगी येते" हे मात्र खरेच अनुभवायला येते. अन्यथा असली दृश्ये बघून प्रेक्षक नक्कीच वैतागले असते.

मेरे दुश्मन तू मेरी दोस्ती को तरसे:
https://www.youtube.com/watch?v=ClOyNlOzBRQ

पत्थर के सन्म तुझे हमने तुझे हमने मुहोब्बत का खुदा जाना:
https://www.youtube.com/watch?v=Ij20-IEUTjg

या दिल की सुनो दुनिया वालों
(हे भारी आहे. सरळ सरळ सांगतोय "मला तोंड उघडायला लावू नका. जे चाललंय त्यात मला ख़ुशी अजिबात नाही")
https://www.youtube.com/watch?v=poXBa76JNKk

तू प्यार है किसी और का तुझे चाहता कोई और है:
https://www.youtube.com/watch?v=U0qBRoeQa-g

हमेशा तुमको चाहा , चाहा , चाहा...
शारूक आणि रायची पोरगी अ‍ॅशवार्या

जुन्या गुमराह मधलं चलो एक बार फिर से अजनबी बन जाये हम दोनो हे गाणे जुने प्रेम प्रेयसीच्या नवऱ्यासमोर उघड करणारे, पण वाभाडे काढणारे नव्हे. उलट प्रेयसीची (आणि स्वतःचीही) समजूत घालणारे.

वर्तमान मधलं गाणं
तू जो मेरा यार बने
रुंबा रुंबा रुंबा रुंबा
तेरी मेरी खूब जमे
रुंबा रुंबा रुंबा रुंबा

आणि मग हिरो म्हणतो
मेरे लिये फूल बने
काटे भला कौन चुने ☺️☺️

फुल्ल हटाई.
(मी हे असे पिक्चर लक्षात का ठेवते विचारू नका, रात्रीच्या बस मध्ये पिक्चर लागतात त्यात मध्ये मध्ये ही अशी ट्रेलर्स लागायची.मी नागीन(जितेंद्र च्या डोळ्यात डिजिटल झूम ने खुन्यांच्या एच डी इमेजेस ठेवलेला तो), राम लखन, गँगस्टर, बाहुबली हे सर्व बस मध्येच पाहिलेत.)

मस्त लेख!
मोठ्या पार्टीमध्ये असे सरळ सरळ आरोप करणारे, नायिकेला ढसाढसा रडवत गाणारे नायक

नायकाला नोकरी धंदा नाही. विधवा आई कपडे शिवून गुजराण करते. पण ह्यांना सराईतपणे पिआनो वाजवता येतो.
इथे 30 dollar per 30 min rate आहे पिआनो शिकवण्यासाठी मी किती दिवस झाले विचारच करत आहे.

दोस्त दोस्त ना रहा कसं नाही आलं अजून

छान लेख. सुंदर आठवणी.

इंटरेस्टिंग धागा!

या प्रकारच्या गाण्यांचा उद्गम माझ्यामते "झूम झूम के नाचो" या १९४९ च्या अंदाज चित्रपटातील गीतामध्ये आहे. राज कपूर, नर्गिस आणि दिलीप कुमार अशी तगडी स्टारकास्ट, पॉसिबली पहिला मल्टीस्टारर ब्लॉकबस्टर. राज कपूर-नर्गिस विवाहित जोडपे आणि दिलीप कुमार दोघांत तिसरा. सीन - राज कपूर आणि नर्गिसच्या लग्नाची रात्र. रिसेप्शनची पार्टी आहे. नर्गिसच्या शीला नामक मैत्रिणीचा डान्स होणार आहे - कुकू या प्रसिद्ध कॅबरेनर्तकी नटीचा मणिपुरी डान्स. तिला पियानोवर साथ दे अशी विनंती नर्गिस दिलीप कुमारला करते. तर दिलीप कुमार सूटकेस भरता भरता "मी तुझ्यावर प्रेम करतो" असे सांगून दूर जाऊ बघतो आहे. यावर नर्गिस "तुला फ्रेंडझोनची लक्षणे समजत नाहीत का?" असे दिलीपला सुनावून आली आहे. आणि राज कपूर प्रयत्नपूर्वक चार्ली चॅप्लिनपेक्षा वेगळा काहीतरी अभिनय करण्याची पराकाष्ठा करतो आहे. अशा पार्श्वभूमिवर आधी ढोलकवर कहरव्याची लग्गी वाजते आणि मग पियानो सुरु होतो. एवढी मणिपुरी-कॅबरे-गुजराती-ढोलक-केरवा-पियानो भेळ केल्यानंतर किमान नौशादची पिलू रागातील सुंदर धून ऐकायला मिळेल अशा अपेक्षेने प्रेक्षक सरसावतो. आणि .......

मुकेश विव्हळू लागतो.

"झूम झूम के नाचो आज, नाचो आज, गाओ खुशी के गीत.
आज किसी की हार हुई हैं, आज किसी की जीत, गाओ खुशी के गीत"

पब्लिकली आपले दु:ख जाहीर करून दिलीपचे दु:ख कमी होत नाही.

"कोई किसी की, आँख का तारा,
जीवन साथी, साजन प्यारा
और कोई तक़दीर का मारा,
ढूँढ रहा है दिल का सहारा"

बरं आता तरी थांबावं पण ....

"देखो तो कितना, खुश है ज़माना
दिल में तरंगे लब पे तराना
बन्द आँख आँसू न बहाना
ये तो यहाँ का ढंग पुराना"

यावर राज कपूरसारखा ढ व्यक्ती सुद्धा सिगारेट फुकत संशयाने नर्गिसकडे बघू लागतो आणि पुढचे रामायण प्रेक्षकाला एक तास झेलावे लागते.

ता.क. ट्रॅजेडी म्हणून चित्रपट सुंदर आहे.

पायस मस्त

मुघल-ए-आझम मध्ये प्रेमाचा त्रिकोण नाहीए. पण प्यार किया तो डरना क्या या गाण्यात अनारकली , सलीम आणि अकबर दोघांना खुले आव्हान देतेय.

परदा नहीं जब कोई खुदा से , बंदो सें परदा करना

इथे शहानशहाला मी तुझी पत्रास ठेवत नाही, असं सुनावलंय.

अंदाज सिनेमात दिलीप कुमार पियानोवर गाणी वाजवताना साइड अ‍ॅक्ट्रेसने काहिही संबंध नसलेले नृत्य करणे ही थीम दिसते

दिलने पुकारामध्ये संजय खान जोशात येऊन शशीला सांगतो की असे गाणे गा की तुझ्या प्रेयसीचं चित्र त्यातून दिसायला हवे. हे सांगताना अर्थात शशीची प्रेयसी संजयच्या बाहोंमे असायला हवीच, नैतर काय मजा??

शशी जोशात येऊन गा म्हटल्यावर काय गातो? तर 'वक्त करता जो वफा, आप हमारे होते, हमभी औरोंकी तरह आपको प्यारे होते...' परिणामी दोघांची कॉमन प्रेयसी राजश्री खेटरांनी मारल्यासारखा चेहरा करून त्याच्याकडे बघत बसते आणि जोशात आलेला संजय खान 'हे कसले चित्र रेखाटतोय हा' ह्या विचाराने गोंधळून जातो. पार्टीतले इतर लोक इतके स्तब्ध उभे किंवा बसलेले दाखवलेत की माणसे आहेत की पुतळे कळत नाही.

हे गाणे पार्टीतले नाही पण तिघांचे आहे ज्यात दोघे एकमेकांना शालजोडीतले हाणताहेत आणि तिसरा माठ यातले काहीच न समजून काव्याला दाद देतोय.

प्रेम कहाणी नाव असलेल्या चित्रपटातील फुल आहिस्ता फेको

या चित्रपटावर एक उत्तम लेख पाडता येईल. पायस वगैरे मंडळींनी एकदा हा चित्रपट पाहावा, इथे लिहावे व आम्हाला उपकृत करावे.

ह्या शृंखलेतले हे एक अतिशय असह्य असे गाणे आहे:

तू औरोंकी क्यू हो गयी:
https://www.youtube.com/watch?v=bwgq6y_lA5Q

हे गाणे काहींना आवडत असेलही पण मला हे गाणे ऐकणे म्हणजे नेहमीच कानावर आणि मनावर असह्य अत्याचार वाटत आलाय. अरे किती ते एकाच सुरात Ranting? "तू ऐसी थी, तू वैसी थी, तुझ्यासाठी मी हे केलं, तुझ्यासाठी मी ते केलं" एकाच सुरातली कंटाळवाणी रट थांबतच नाही आणि शेवटी पुन्हा तेच, कि "तू दुसऱ्याची का झालीस". अरे झाली दुसऱ्याची आता सोड ना विषय गेट लॉस्ट. किशोरकुमारने बिचाऱ्याने अक्षरशः रेटले आहे हे गाणे हे जाणवते. ह्याचा व्हिडीओ मी कधी बघितला नव्हता तो ह्या धाग्यामुळे आता बघितला. तिला मध्ये बसवून सभोवती "तू दुसऱ्याची का झालीस?" म्हणत धिंगाणा घातला आहे. कसे सहन केले असेल तिने आणि ते बघणाऱ्या प्रेक्षकांनी देव जाणे.