मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by Anjali2020 on 9 May, 2020 - 09:58
माणसामाणसांच्या लगदयातुन
ऊतू जाणारे आकार
मनाच्या बंदिस्त चौकटीत
मावतील तरी कसे?
फुफ्फुसातून फुटू पाहणारे
संवेदनांचे श्वास उच्छवास
मर्मबंधाच्या टाचेखाली
राहतील तरी कसे?
संस्करणाच्या नावाखाली
ताणलेले बाह्योपचार
संकोचणाऱ्या पापण्यांत
ठिबकतील तरी कसे?
आंदोळणाऱ्या ठोक्यांबरोबर
झुलणारी ध्येय वगैरेंची ठिगळे
टीचभर आश्वासनांवर
विसंबतील तरी कसे?
Groups audience:
Group content visibility:
Public - accessible to all site users
प्रत्येक कडवे परत वाचावे
प्रत्येक कडवे परत वाचावे लागले मग अर्थ लागला. अर्थवाही कविता आहे.