आज मी असे रडून घेतले

Submitted by निलेश वि. ना. शेलोटे on 23 April, 2020 - 14:50

रंग जे तुझे बघून घेतले
आज मी असे रडून घेतले

प्यायलो जसे कधी नसेल मी
जामही तसे भरून घेतले

टाळणे मला जमेल का अता
श्वासही तुला स्मरून घेतले

लागतो कसा कलंकही तुला
नाव मी नसे अजून घेतले

आसवे निलेश का उगाच रे
तूच हे तुला फसून घेतले

निलेश वि. ना. शेलोटे
वृत्त :- वारकामिनी
(गालगाल गालगाल गालगा)

Group content visibility: 
Public - accessible to all site users
नवीन प्रतिसाद लिहा