होळी

सर्व रसिकांना व मित्र परिवारास होळीच्या खूप खूप शुभेच्छा!

होळी

रंगभेद विसरून या रे !
गाऊ नाचू आज सारे
तोडून सारे जातीबंध
नाचू आज होऊन धुंद
पुरणाची गोड पोळी
नैवेद्य देऊ, पेटवू होळी
लावून आज गुलाल भाळी
देऊ समतेची हाळी
दुख-दुष्टांची बांधून मोळी
जाळून टाकू, खेळू होळी
लिंगभेद, श्रद्धा भोळी
विषमतेला मारू गोळी
वाईट-साईट, कळकट-मळकट
वाहू होळीस तिमिरांचे घट
स्वच्छ करून समाज तनमन
घडवू भूवर नंदनवन
होळी माते त्रिवार वंदन !
होळी माते त्रिवार वंदन !

- प्रा.अरूण सु.पाटील (असु)
© सर्व हक्क स्वाधीन
https://www.facebook.com/AsuChyaKavita