दरवळ

Submitted by राजेंद्र देवी on 9 November, 2019 - 13:47

दरवळ

शामसुंदर रूप मनोहर
अर्धोन्मीलितं नेत्र रात्र अनावर

विझल्या वाती पडले दहिवर
पूर्व दिशेला किरणांचा वावर

रेंगाळतो आहे अजुनी दरवळ
किती चुरगाळलेस तू अत्तर

किती दंग होता नरवर
गोळा करता करता मधुकेसर

उमलता कमल दल
हळूच निसटला हा भ्रमर

राजेंद्र देवी

शब्दखुणा: 
Group content visibility: 
Public - accessible to all site users