Submitted by @गजानन बाठे on 13 October, 2019 - 02:24
मधु आणि चंद्र
ओशाळूनी का लपला शशि ?
खुदकन हसला मेघां आडूनी.
निशा सावळी सुरेख यौवन,
रक्तवर्णीली लाज वाटूनी.
कोजागिरी चा मुहूर्त ठरला,
प्रस्ताव धाडीला शरद चांदणी.
रूप गोजिरे रेखीव काया,
मिलनाशी आतुर सृजन यामिनी.
क्षिरस्नान यथोचित केले,
चंदन ,केसर,अत्तर लेपूनी.
माळूनी गजरा शुभ्र फुलांचा,
शृंगार साज ते उचित करुनी.
आकंठ मग ती प्रणय साधना,
शितल शशि अन रम्य रजनी.
दुग्ध शर्करा योग निरंतर,
मधुचंद्राची अमर कहाणी.
© गजानन बाठे
विषय:
शब्दखुणा:
Groups audience:
Group content visibility:
Use group defaults
शेअर करा
रज शब्द बरोबर नाही वाटत.
>>>>>>>> मिलनाशी आतुर रज यामिनी.>>>>>>>>>
रज शब्द बरोबर नाही वाटत.
रज = धूळ
रज = रक्त
____________
बाकी कविता छान.
धन्यवाद सामो..
धन्यवाद सामो..