एकांत

पायदळी वाट काटेरी होती
ति काटेरी वाट चालताना
अनवाणी माझ्या पायाची
वहाण बनुन साथ दिली

रडताना चेहर्‍यावरचे अश्रु
ओघळत गालावर यायचे
आले तरी अलगद पुसताना
हसवुन साथ दिली

उपाशी भटकंती भरकटताना
खळगी पोटाची भरण्या-
इतपत साथ दिली

थंडीत कुडकुडत असताना
स्वतः थंडीच्या कचाट्यात
आणि मला कवटाळत
साथ दिली

कपडे मळलेलं अंगावरचं
केसास्नि तेल नाही
पाय अनवाणी, पोट निकामी
अशात भिकारी म्हणत
साथ दिली

उन्हाची घामाद्वारे
पावसाची चिंबवुन
थंडीची कूडकूडण्यात
साथ दिली

असताना मि एकटा
भावनांना माझ्या, शब्दांत
भावनिक डोळ्यांच्या पाण्यात
कागदाच्या पानावर टिपत
साथ दिली, कवितेद्वारे