जर बायकोला घटस्फोट नको असेल तर नवरा जबरदस्ती मिळवू शकतो का?

Submitted by निल्सन on 8 April, 2019 - 08:38

नमस्कार!

जर बायकोला घटस्फोट नको असेल तर नवरा जबरदस्ती मिळवू शकतो का? याबद्दल आणि घटस्फोट कायद्याबद्दल थोडी माहिती हवी होती.
पण त्याआधी पुर्वपरिस्थितीची माहिती देते. इथे मी कोणाचीही नातेवाईक म्हणून नव्हे तर न्युट्रल माहिती सांगते त्यामुळे तुम्हीही दोन्ही पक्षाच्या बाजुने माहिती देऊ शकता.
तर, दोघांच्या लग्नाला ७ वर्षे झाली आहेत. मुल नाही. नवरा/मुलगा गॅरेज चालवतो (त्याच्या वडिलांच्या नावाने आहे व धंदा खूप कमी आहे असे त्यांचे म्हणणे आहे) घर म्हणजे बंगला आहे (आजोबांच्या नावाने आहे) तीन पिढ्या एकत्र राहत आहेत. घरात कामाला कुणीच नाही. इन्कम सोर्स - २-३ घरे भाड्याने दिलीत त्यांचे भाडे येते.
बायको/मुलगी - दहावी शिक्षण. housewife. no income.

सहा महिन्यांपुर्वी अजितने अनुला (नावे बदलली आहेत) तिच्या माहेरी आणुन सोडले. आणि २ दिवसांपुर्वी घटस्फोटासाठी नोटीस पाठविली आहे.
मुलाची बाजू -
१) अनुने लग्नाच्या सुरवातीच्या ४ वर्षे शारिरीक संबंध ठेवण्यास नकार दिला.
२) ती सतत त्याच्यावर संशय घेऊन त्याला शिवीगाळ करते. तिच्या या संशयामुळेच तो वैतागून बाहेरख्यालीपणा करू लागला असे त्याचे म्हणणे आहे.
३) त्याचा मोबाईल चेक करते/ गुपचुप त्याच्यावर पहारा ठेवते.

मुलीची बाजू -
१) अजितचे बाहेर संबंध आहेत. याआधीही तीने ३ वेळा त्याला पकडले आहे. आता ४ थे प्रकरण सुरू आहे आणि हे सर्व त्याच्या घरातही माहित आहे.
२) तो घरी आल्यावरही तिच्याशी नीट बोलत नाही त्यामुळे संबंध तर दूरच राहिले (३ वर्षापूर्वी तिची एक छोटीशी शस्रक्रिया झाली तेव्हापासून त्यांचे शारिरीक संबंध सुरू झाले होते)

आता हे सगळं वाचल्यावर बरेचजण या दोघांनी घटस्फोट घेणेच योग्य आहे अशी बाजू मांडतील आणि अर्थातच तेच योग्य आहे पण अनु आणि तिची आई मात्र यासाठी तयार नाहीयेत (कारणे बरीच आहेत)

कोर्टाबाहेर सेटलमेंटसाठी मुलाकडील तयार होते पण मुलीकडच्यांनी नकार दिल्यामुळे कोर्ट नोटीस पाठविली.
सेटलमेंट रक्कम २ ते ३ लाख देतील असे मुलाच्या वकीलाने सांगितले होते. (मुलाचा वकील त्यांचा मित्रपरिवारातील असल्यामुळे मुलीलाही ओळखतो)
मुलीकडे वकील नेमायला पैसे नाहीयेत.

तर मला विचारायचे आहे की वरील कारणांमुळे अजितला घटस्फोट मिळू शकतो का?
जर अनु तयार नसेल तर पुढे काय करावे लागेल?
६ महिन्यांसाठी एकत्र राहून कॉन्सिलरची मदत हे कोणत्या केसमध्ये शक्य असते?
आणि जर अनु घटस्फोटासाठी तयार झालीच तर तिला पोटगी काय आणि किती मिळू शकते व त्यासाठी काय करावे लागेल?
आता जरी ती घटस्फोटासाठी तयार नसली तरी आलेल्या नोटीसचे उत्तर द्यावेच लागेल ना?

तुम्ही म्हणाल हे सगळे इथे सांगण्यापेक्षा चांगला वकील गाठा पण आधीच सांगितल्याप्रमाणे महिना १५ हजार कमावणार्‍या मुलीच्या बापाला वकील कसा परवडणार. तरीही वकील शोधावा तर लागेलच पण त्याआधी उपयुक्त माहिती आणि कायद्याचे नियम माहित व्हावेत यासाठी हा खटाटोप चालला आहे.

कॄपया मार्गदर्शन करावे.

Group content visibility: 
Public - accessible to all site users

चांगला पर्याय अॅमी.
मलातरी वाटतं की तिने सोडून द्याव अशा काम न करणाऱ्या अन् ज्यांना ति नकोय अशा माणसांना. डिव्होर्स द्यावा आणि काम करण्यात अडचणी न आणण्याची समज द्यावी त्या लोकांना अथवा तसं लेखि लिहून घ्यावे. आशा आहे याने तिचं आयुष्य मार्गी लागेल. आईला ही समजवावे तिच्या मुलीचं भलं कशात आहे ते.

लग्न हे जसे aayushatil सर्वात महत्वाची घटना आहे त्या मुळे जोडी दाराची निवड योग्य असायला हवी कारण जोडीदार पसंत नसेल तर बदलने सोपे नसते मुलांच्या भवितव्याची भीती सुधा असते .
हया case मध्ये पती पत्नी मध्ये खूपच कटूता
आली आहे असे दिसतय त्या मुळे ते परत aiktra premani राहतील ह्याची शक्यता खूप कमी आहे .
चुक कोणाची आहे त्रयस्थ माणूस ठरवू शकत नही .
पण मुलीला मारहाण किंवा छळ झाल्याचे दिसत नाही .
पण आपल्या च मतावर ठाम राहून आड्गे पणाने वागणे हेच न पटण्या च कारण आहे .

ह्या केसमधे मुलिच्या माहेरच्या लोकाना काउन्सिन्ग करणे अत्यत महत्वाचे आहे , लग्न झाल्या झाल्या सुरवातिचा काळच पति-पत्नीच नात इस्टॅब्लिश करतो पण इथे ते झालच नाही त्यामूले हे नात पुन:प्रस्थापित करण्यात काय हशिल आहे? मुलिने तिची आर्थिक बाजु कमजोर आहे म्हणून मन मारुन सासरी राहावे ही अपेक्षा इनह्युमन आहे. नवरा बाहेरख्याली आहे ही गभिर बाब आहे .
म्युच्यल घटस्फोट घेवुन मिळेल ती जास्तित जास्त पोटगी घेणे, त्यातली ठ्रराविक रक्कम भविष्याची तरतुद म्हणून ठेवावी. बालवाडि शिक्षक किवा टेलरिन्ग, ब्युटी पारर्ल असे कोर्सेस करुन तिला एखादी नोकरी सहज मिळु शकेल...
ठराविक काळ गेल्यावर मुलगी निरोगी आणि मनाने तयार असेल तर दुसर लग्नही करु शकते.

मुलीच्या बाजूनी विचार केला तर
ती मुलगी कोणत्या ही परिस्थितीत सासरी राहू शकते तशी तिच्या मनाची तयारी असेल तर सासरी जावून राहणे बायको म्हणून ती त्या gharat हक्कानी राहू शकते .
छळ केला तर kotumbik अत्याचार प्रतिबंध कायद्या चा उपयोग करू शकते त्या कायद्या नुसार पोलीस ना सासरच्या मंडळीना अटक करण्या चा अधिकार आहे .
नाहीतर घटस्फोट मुळे होणारे नुकसान म्हणून podgi किंवा rok रकमेची मागणी courtat करू शकते ती रक्कम पतीची आर्थिक स्थिती काय आहे त्यावर अव्लम्बुन आहे घरचा aiktrit इनकम हे पतीचे उत्पन्न मानता येणार नाही .नोकरी असेल तर ठराविक रक्कम podgi म्हणून मिळेल .
case चालू असेपर्यंत दुसरे लग्न करता येणार नाही

असतो ना पण अशा परिस्थिती मध्ये सहजासहजी कोण्ही देणार नाही .
आणि दिवाणी खटले किती वर्ष चालतील हे काही सांगता येणार नाही
case चा निकाल लागेपर्यंत वयाची सत्तरी सुधा ओलांडली जाईल .
आपल्या न्याय व्यवस्थेत हाच तर सर्वात मोठा दोष आहे
तया मुळे कोर्ट बाहेर च प्रकरण सोडवणे जास्त शहाणपणा च अस्ते

Pages