उजेड

Submitted by नीधप on 13 March, 2019 - 10:56

भरपूर उजेड आहे इथे.

इतका उजेड मला झेपेल का?
इतका उजेड मला पुरेल का?

हा उजेड माझा व्हायला हवा.
करू अशी आशा?
आहे मला परवानगी?

की नकोच?
जराशी तिरीप आणि
कुणीतरी तारस्वरात भुंकू लागतो.
कुणी हिडीस नाचत ती तिरीप कापून टाकतो
बरेचसे चोची मारतात

तरीही उजेड हवाय मला.
माझा माझा.

तळघराचा तळ गाठून झाला असावा.
आता बाहेर यायचंय.

हवा, पाणी, उजेड सगळ्यांचाच असतो.
माझा वाटा हवाय.

- नी

(लिखाणातून)

विषय: 
काव्यलेखन
शब्दखुणा: 
उजेड
नीधप
कविता
Groups audience: 
गुलमोहर - कविता
Group content visibility: 
Public - accessible to all site users
शेअर करा

तळघराचा तळ गाठून झाला असावा.
आता बाहेर यायचंय >>> वाह... ही स्थिती किती परीचीत ... मन नुस्त्या विचराने घाबर घाबर झालं

Submitted by पेशवा on 15 March, 2019 - 03:02