वसुबारस

*वसुबारस*

अश्विन कृष्ण द्वादशीला
वसुबारस सांगत आली
दिवाळीची सुरुवात झाली
सवत्स धेनु आज ओवाळी

घरी-दारी आली दिवाळी
अंगणी काढा आज रांगोळी
पूजा गोमातेची सायंकाळी
नैवेद्य भरवून पुरणपोळी

आरोग्य वसु मिळे सर्वदा
कृष्णरूप गाऊली पूजिता
कपिला जणू शेतकऱ्याची
समृद्धी देईल मनी इच्छिता

वसुबारस सण गाय वासरांचा
पशुधन वाढवा श्वेतक्रांती घडवा
दूध पूर्णान्न असे अमृत ठेवा
अशक्त भारत सशक्त बनवा

- प्रा.अरुण सु. पाटील (असु)
(दि.04.11.2018)
© सर्व हक्क स्वाधीन
https://www.facebook.com/AsuChyaKavita