Submitted by बेफ़िकीर on 12 July, 2018 - 04:33
गझल - जरा पाऊस पडला की
====
जरी धुंदीमधे असते, जरा पाऊस पडला की
मला पाहून ती हसते, जरा पाऊस पडला की
रजा नाही मिळाली तर सरळ मारायची दांडी
सहल काढायची असते, जरा पाऊस पडला की
बिचारी एरवी तिष्ठून असते लोचनांमध्ये
गझल पेल्यात फसफसते, जरा पाऊस पडला की
कुणी ऑफिसमधे अडके, कुणी लोकलमधे लटके
कुणी जाळ्यातही फसते, जरा पाऊस पडला की
कुणी उत्साह दाखवते नि मग कामावरी जाते
कुणी हासून आळसते, जरा पाऊस पडला की
मनाचे काय!! त्याचा मूड कोठे सांगता येतो
कुणावरही खुळे बसते, जरा पाऊस पडला की
मला ती ऐन मोक्याच्या क्षणी सांगायला बसते
असे बरसायचे नसते, जरा पाऊस पडला की
मुलायम सोबतीसाठी मुलायम वाट दिसते का
हुडकतो 'बेफिकिर'रस्ते, जरा पाऊस पडला की
-'बेफिकीर'!
विषय:
शब्दखुणा:
Groups audience:
Group content visibility:
Public - accessible to all site users
शेअर करा
आवडली!
आवडली!
आवडली.
आवडली.
अफाट!
अफाट!
सर्व शेर मस्त आहेत,
पण
मनाचे काय!! त्याचा मूड कोठे सांगता येतो
कुणावरही खुळे बसते, जरा पाऊस पडला की >> हा खासम खास आहे एकदम. आवडेशच!
पुलेशु!
दक्षिणा, सरळ दक्षे म्हणू का?
दक्षिणा, सरळ दक्षे म्हणू का? म्हणतोच. बेफींच्या कविता, गझल बघ. भारीच. पण ही नाही. तुम्हाला काही शेर अपिल झाले असतील तर असो बापडे. बेफिकीर यांचे शेर तोंडपाठ आहेत.
सर्वांचे खूप आभार. लोभ राहो.
सर्वांचे खूप आभार.
लोभ राहो.
अहा! मतला सहज खास!
अहा! मतला सहज खास!
>>>गझल पेल्यात फसफसते,जरा पाऊस पडला की>>>सुंदर!
>>>मनाचे काय? कुणावरही खुळे बसते>>>खासंच!
आवडली..
आवडली..
सहल काढायची असते, जरा पाऊस पडला की
गझल पेल्यात फसफसते,जरा पाऊस पडला की..
मनाचे काय? कुणावरही खुळे बसते, जरा पाऊस पडला की.. हे विशेष आवडले...!
सहज ..सुंदर
सहज ..सुंदर
सहज ..सुंदर
सहज ..सुंदर
अगदीच पाडगावकरी झालीये!
अगदीच पाडगावकरी झालीये!