Submitted by सुप्रिया जाधव. on 24 May, 2018 - 03:44
तुझ्या खिडकीतले झाले जरी बोन्साय माझे
तसे होवूनही होणार होते काय माझे ?
नको पाहूस स्वप्ने व्यर्थ तू उद्यापनाची
तुझे वाचून नाही व्हायचे अध्याय माझे
मुघलशाही म्हणू की इंग्रजांची राजवट ही ?
गुन्हे अक्षम्य ज्यांचेे तेच करती न्याय माझे
जशी दटवायचे तपकीर बाबा ओढताना
तसे त्रासून संबोधायचे ते... माय माझे !
तुला देते सही, घे जीवना तू फारकत घे
कशाला सोसतोे आहेस हे अन्याय माझे ?
विनाकारण अशी नाही बदलली चाल माझी
बुटामध्ये तुझ्या मी घातलेले पाय माझे
दुरावे राखतो आहेस मृत्यो, दे मिठी दे !
तुझ्यावाचून हे झाले जिणे असहाय माझे
सुप्रिया
विषय:
Groups audience:
Group content visibility:
Public - accessible to all site users
शेअर करा
भारीच!
भारीच!
नको पाहूस स्वप्ने व्यर्थ तू उद्यापनाची
तुझे वाचून नाही व्हायचे अध्याय माझे
वा वा!
सगळेच शेर भारी.
छान,
छान,
पण आवरता आले नाही ☺️
https://www.maayboli.com/node/66237
<<< दुरावे राखतो आहेस मृत्यो,
<<< दुरावे राखतो आहेस मृत्यो, दे मिठी दे !
तुझ्यावाचून हे झाले जिणे असहाय माझे >>>
छान, पण इतके निराशावादी लिहू नका हो नेहमी.
रावसाहेबांची कलाकृती जास्त आवडली मात्र...
सगळेच शेर भारी !!!
सगळेच शेर भारी !!!
सर्वांना धन्यवाद
सर्वांना धन्यवाद
गुन्हे अक्षम्य ज्यांचेे तेच
गुन्हे अक्षम्य ज्यांचेे तेच करती न्याय माझे ....
खूपच छान .
खूपच छान .
छान लिहिली आहे. शुभेच्छा!
छान लिहिली आहे. शुभेच्छा!
आभार मंडळी
आभार मंडळी
वाह !
वाह !
तुला देते सही, घे जीवना तू
तुला देते सही, घे जीवना तू फारकत घे
कशाला सोसतोे आहेस हे अन्याय माझे
सुंदर