साधारणपणे रात्रीचे ११ वाजलेले असावेत. गार हवा सुटलेली होती. त्यात या दुमजली इमारतीचं बांधकामही दगडी होत. आजूबाजूला अगदी निरव शांतता होती . आज अमावस्या वगैरे नव्हती पण आकाशात त्यामानानं चांदणं तसं कमीच होत किंवा मला तरी तसं जाणवत होत. मी इथं आत्ता एकटाच होतो.मला कुणीतरी येण्याची चाहूल लागली,पण तिकडं लक्ष न देता मी तिथंच खिडकीत उभा होतो.ती खिडकी लाकडी होती आणि खूप जुनी होती.
पुढच्या काही मिनिटांमध्येच तिथं जवळपास १० ते १२ लोक जमले.त्या सगळ्यांचा पोशाख साधारण एकसारखाच होता म्हणजे सदरा-लेंगा आणि त्यातल्या काही जणांनी पांढऱ्या रंगाची टोपी घातलेली होती.सगळे साधारण एकसारखेच वाटत होते.
मी खिडकीजवळून मागे आलो. दारातून बरोब्बर समोर एक कबरीएवढ्या उंचीचा एक दगडी चौथरा होता.मी त्यावरच जाऊन बसलो.मी बसल्यावर ते सगळे पण खाली बसले. ते सगळे माझ्यासमोर बसलेले होते. मी काहीवेळ त्या सगळ्यांकडं दुर्लक्षच केलं आणि पुन्हा खिडकीजवळ जाऊन उभा राहिलो.
पुन्हा जेव्हा माझं लक्ष गेलं तेव्हा त्या सगळ्यांच्या हातात भाकऱ्या होत्या आणि ते एकमेकांना ते भाकऱ्या वाटत होते आणि तेव्हा ते काहीतरी बोलतदेखील होते पण मला त्यातलं काहीच ऐकू यात नव्हतं.मला ते ऐकून घेण्यात रस नसावा किंवा रस असूनही ते मला कळत नव्हतं.
आणि पुन्हा जेव्हा मी त्यांना पाहिलं त्यावेळी ते अचानक उठून उभा राहिले आणि त्यातले काही उठून बाहेरदेखील गेले.मला इथे नक्की काय घडतंय ते कळत नव्हतं.
मला इथून घरी जायचं होत.मी मला एका माणसाला घरी जाण्याबद्दल विचारल्याचं आठवत होत आणि त्याने त्यावर "आपण एक काम करू आज रात्री इथेच थांबू आणि पहाटे पहाटे इथून बाहेर पडू" असं म्हणलेला आणि मी त्याच म्हणणं मान्यही केलेलं होत मला वाटत तो माणूस ह्या माणसांपैकीच होता बहुतेक किंवा नसेलही !
मी तिथंच त्या चौथऱ्याच्या मागे पहाट होण्याची वाट बघत आडवा झालो.
जेव्हा मला जाग आली तेव्हा त्यांच्यापैकीही काहीजण तिथंच आडवे झालेले होते,साधारण मध्यरात्र झालेली असावी,हवेतला गारवा वाढतच होता,आजूबाजूची झाडी त्या गारव्यात भरच टाकत होती. तेवढ्यात त्या दरवाजातून एक चेंडू आत आला आणि त्याच्या पाठोपाठ एक अवघ्या ३-४ वर्षांची,फिकट निळ्या रंगाचा फ्रॉक घातलेली एक चिमुरडी येताना मला दिसली. एरवी लहान मुलांना बघताना मलाही कौतुकच वाटत पण आत्ता असं अनपेक्षितपणे तिला बघताना मला कसलीतरी भीती वाटायला लागली होती . ती माझ्या डोळ्यात बघत होती. मला तिला असं बघून काहीच सुचत नव्हतं.मला खरतर किंचाळून त्या सगळ्यांना उठवायचं होत,त्यांना हि मुलगी दखवायची होती. कोण आहे हि मुलगी? हि आत्ता इथं काय करत असेल ? ती माझ्याकडचं का चालत येतीये ? आणि हे सगळं ह्या झोपलेल्याना कळत का नाहीये ?मी इतका किंचाळून सुद्धा हे सगळे इतक्या शांतपणे कसे झोपू शकतात ? का माझा आवाज त्यांना ऐकूच येत नाहीये ? मी का आलोय इथं ? हे सगळे कोण असतील,मी आत्ता घरी झोपण्याऐवजी इथं काय करतोय? माझ्या डोक्यात विचारांचा गोंधळ उडालेला होता.
तोपर्यंत ती मुलगी अगदी माझ्या जवळ येऊन पोचलेली होती. ती गरजेपेक्षा जास्तच गोरी होती तिचे ते डोळेपण पांढरे होते. मी बोलायचं,ओरडायचा प्रयत्न करताना ती मला मानेनंच नको म्हणत होती. ती जवळ यायला लागल्यावर माझे हातपाय थंड पडायला लागले.माझ्या तोंडातून शब्दच फुटेनात.ती माझ्यापासून काही हातांच्या अंतरावर उभी होती आणि....
.......मला जाग आली
मी माझ्या बेडवर अस्ताव्यस्त पडलेलो होतो,शेजारी ठेवलेलं गजराच घड्याळ वाजत होत,समोर टीव्ही तसाच चालू होता,मी कदाचित एखादा हॉरर मूवी बघत झोपी गेलेलो होतो,मी माझ्यावरच हसायला लागलो,माझ्या भित्रेपणाची मलाच कमाल वाटली मी तसाच माझ्या कुशीवरून वळलो...
माझ्या बेडशेजारी एक अवघ्या ३-४ वर्षाची चिमुरडी हातात चेंडू घेऊन माझ्याचकडे पाहत बसलेली होती....
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
मस्त जमलीय भयकथा. पुलेशु
मस्त जमलीय भयकथा. पुलेशु
>>> ती गरजेपेक्षा जास्तच गोरी
>>> ती गरजेपेक्षा जास्तच गोरी होती--- हसु आले या वाक्याला भितीऐवजी.
>>>>गाजराचा घड्याळ - हे सुधाराल का?
जमलीये.
जमलीये.
सादर-लेंगा>>> पण बदला म्हणजे सुधरा
घाबरलो ना .
घाबरलो ना .
छान आहे कथा,शुद्धलेखनाच्या
छान आहे कथा,शुद्धलेखनाच्या चुका तेवढ्या सुधारल्या तर बरे होईल.
छान आहे कथा,शुद्धलेखनाच्या
छान आहे कथा,शुद्धलेखनाच्या चुका तेवढ्या सुधारल्या तर बरे होईल.>> +११
भारी जमलीय भयकथा. शेवटही मस्त
भारी जमलीय भयकथा. शेवटही मस्त घाबरवणारा... नेहमीच्या भयकथांपेक्षा वेगळी आहे. छान वाटलं वाचून.
पुलेशु
जमलीय
जमलीय
जमलीय!
जमलीय!
धन्यवाद द्वादशांगुला,सस्मित
धन्यवाद द्वादशांगुला,सस्मित,सायुरी,च्रप्स,वेदराजे,मयुरी चवाथे-शिंदे,अॅमी
इंग्लिश ते मराठी कन्व्हर्ट करण्यातच शुद्धलेखनाचा गोंधळ होतोय तरी प्रयत्न केलाय एकही चूक न ठेवू देण्याचा...
छान आहे..
छान आहे..
थँक यु @Shraddha
थँक यु @Shraddha
छान आहे..
छान आहे..
थँक यु कोमल १२३४५६
थँक यु कोमल १२३४५६