नास्तिक असणे एक शाप असतो का?

आता वाटतंय, ज्ञानेश्वर, तुकारामादी संतांना खरंच काही कळत नसावे,नाही का?????>>> अगदी अगदी...श्रद्धा व अंधश्रद्धा यात काहीच फरक नसतो असा नास्तिकांचा समज असतो का? कारण बहुसंख्य नास्तिक लोक आस्तिकांना अंधश्रद्धाळू समल्यासारखे हिणकस उपदेश करताना दिसतात...

ज्ञानेश्वर महाराजांवरुन आठवले दाभोलकर सरांनी एक मस्त किस्सा सांगितला होता जेव्हा ते आमच्या काँलेजात आले होते. एकदा एका आस्तिकाने सरांना विचारले ज्ञानेश्वर महाराज एकेठिकाणी म्हणतात भुत आहे तुम्ही म्हणता भुत नाही आम्हि कुणाचे ऐकायचे तुमचे की त्यांचे. तेव्हा सर त्याला म्हणाले की एकदा एक बाप मुलाला घेउन जत्रेत जातो. एके ठिकाणी खुप गर्दी जमलेली असते लोकांचा घोळका असतो बापाला काय चालले ते दिसत नाहीत. तो मुलाला खांद्यावर घेतो मुलगा आत काय चालले आहे ते त्याला सांगतो . याचा अर्थ असा नाही की बापाला काही कळत नाही फक्त त्याला ते दिसत नाहीत. ज्ञानेश्वर हे महान होते मात्र त्या काळात त्यांना जे दिसत नव्हते ते विज्ञानाची शिडी वापरुन वर चढलेल्या आम्हा लेकरांना दिसते असाच काहीसा सांगण्याचा मतितार्थ होता आता निटसे आठवत नाही.

संत ज्ञानेश्वर व तुकाराम महाराज ह्या धाग्यावर आणलेच आहात तर ज्ञानेश्वर महाराजांनी भिंत चालवली, रेड्याच्या तोंडुन वेद म्हणवले, तुकाराम महाराजांना न्यायला पुष्पक विमान आले ह्या गोष्टिंवर तुमचा विश्वास आहे का?

सचिनजी, दाभोळकरांचे आचार विचार समाजाच्या कल्याणासाठी नक्कीच महत्वाचे ठरलेले आहेत तरीही ते विचार प्रमाणभूत किंवा अंतिम नाहीत!! त्या व्यक्तीविषयी आदर आहे कारण भोंदूगिरीतून होणार्या फसवणूकींना काहिसा लगाम बसला आहे. जातपंचायतींचा समाजाला असलेला वेढा मोडण्याचे प्रयत्न प्रशंसनीय आहेत.
पण तो मुद्दा येथे नाही.
आपण म्हणता,
>>> ज्ञानेश्वर हे महान होते मात्र त्या काळात त्यांना जे दिसत नव्हते ते विज्ञानाची शिडी वापरुन वर चढलेल्या आम्हा लेकरांना दिसते असाच काहीसा कथेचा मतितार्थ होता आता निटसे आठवत नाही.>>>
याला माझं उत्तर,
ज्ञानेश्वरांना जे दिसत होतं ते दाभोळकरांना, तुम्हा आम्हाला दिसणं कधीच शक्य नाही, तोपर्यंत जोपर्यंत आपण त्यांच्या ज्ञानेश्वरीत सांगितलेल्या सहाव्या आध्यायातील योगसाधनेच्या मार्गावर चालणार नाहीत.
योगसाधनेच्या मार्गावर चालायला सुरूवात करायला आस्तिकच असावं लागतं असंही नाहीये. शरीर हे माध्यम आहे. जे शरीर चमत्कार करणार्यां ज्ञानेश्वरांना मिळालं होतं तेच तुम्हाआम्हाला मिळालं आहे, काहीच कमी नाही! मार्ग दिलेले आहेत. चालून तर बघा एकदा. सातत्य असू द्या. मग एक एक धागा उलगडत जाईल! आणि नंतर आपले स्वत:चे नास्तिकतेविषयीचे विचार तपासून बघा... चमत्कारही दिसतील, फसव्या निसरड्या वाटाही दिसतील, चमत्कार करताही येतील आणि जर योग्य मार्गावर राहिलांत तर ज्ञानेश्वरादीकांच्या पंगतीतही जाऊन बसाल!
(मी कोणत्याही धार्मिक संस्थेशी संबंधित नाही. स्वत:च्या प्रज्ञेनं,मिळालेल्या साधनमार्गानं अभ्यास करू पहाणारा आहे. कृपया लेबल मारू नये.)
वर आपण उल्लेखलेले चमत्कार मी स्विकारतही नाही आणि नाकारतही नाही कारण ते मी स्वत: बघितलेले नाहीत. (स्थूल चक्षूंनी अगर आंतरचक्षूंनी)

ज्ञानेश्वर महाराजांनी भिंत चालवली, रेड्याच्या तोंडुन वेद म्हणवले, तुकाराम महाराजांना न्यायला पुष्पक विमान आले ह्या गोष्टिंवर तुमचा विश्वास आहे का?>> याचे (सध्याच्या काळात) सारासार विचार करुन मला तरी वाटणारे उत्तर 'नाही' असेच आहे. परंतू यामुळे माझी त्यांच्यावरील व त्यांनी वर्णिलेल्या निर्गुण निराकार (व सगुण साकारही) एका शक्तीवरील 'श्रद्धा' जराही कमी होत नाही. हीच माझ्यासाठी तरी माझी आस्तीकता. याच शक्तीला काही लोक परमेश्वर मानतील, काही परमात्मा मानतील, काही निसर्ग मानतील तर काही असलं काही नसतंच मानतील. त्याने काय फरक पडतो? काहींना हवेचे अस्तित्व जाणवण्यासाठी पंख्याची वा एखाद्या झुळुकेची गरज भासते. तसेच काहींना (आस्तिकांना) प्रार्थनाग्रुहांमध्ये देवाचे अस्तीत्व जाणवते. असे वाटणार्यांना चूक म्हणणे मला तरी पटत नाही.

<<<संत ज्ञानेश्वर व तुकाराम महाराज ह्या धाग्यावर आणलेच आहात तर ज्ञानेश्वर महाराजांनी भिंत चालवली, रेड्याच्या तोंडुन वेद म्हणवले, तुकाराम महाराजांना न्यायला पुष्पक विमान आले ह्या गोष्टिंवर तुमचा विश्वास आहे का?>>>

आत्ता!
अहो गांधीजी आस्तिक होते हे तुम्हाला पसंत नाही, त्यांचे इतर गुण बघा म्हणता. अहो तुमच्या डोक्यात जसा गांधीजींबद्दल विचार येतो तसे विचार इतरांच्या मनात येतच नाहीत का?
मग इतरांनी संतांच्या या गोष्टींवरच विश्वास ठेवला नि त्यांनी सांगितलेले इतर काही ऐकलेच नाही असे समजता की काय? कदाचित आस्तिक पण असल्या गोष्टींवर विश्वास ठेवण्या ऐवजी इतर गोष्टींकडे बघून संतांना आदर्श मानत असतील. असे वाटले नाही तुम्हाला?

कसले हुषार तुम्ही नास्तिक! किती ढोंगी पणा करावा, असलेच नास्तिक का सगळे?
जरा शास्त्रज्ञांची चरित्रे वाचा नि मग कळेल आस्तिक असले तरी तुम्ही सरसकट सगळ्या आस्तिकांबद्दल म्हंटले ते खरे नाहीये.

मी इथे अनेकदा लिहीले होते - चांगले वाईट सगळ्यात असते, जसे चिखलातून सुंदर कमळ उगवते. फक्त काही लोक चिखलाकडे बघून घाण घाण म्हणतात तर काही लोक त्यातले सुंदर कमळ बघून छान आहे म्हणतात - तुम्ही यातले कोण?

"ते" "सुंदर" कमळ बघूनच बोलताहेत पगारे.

आता धागा राजकीय चर्चा समुहात हलवावा लागणार की काय?

महात्माजी, संत सर्व ह्या धाग्यावर आणले गेलेत.
पण एक गोष्ट नक्कि वाटते की देशाला संतांपेक्षा समाजसुधारकांची जास्त गरज आहे.

आपण ज्या आकाशगंगेत आहोत तिथे आपल्यासारख्या अनेक सूर्यमाला आहेत. अशा अनेक सूर्यमाला आणि तारे (अब्जावधी) मिळून एक आकाशगंगा बनते. अशा अब्जावधी आकाशगंगा मिळून हे विश्व बनते. आता समजा हे विश्व भौतिक शास्त्राच्या नियमाने चालत नसून कुणी जगन्नियंता हे सगळे चालवत आहे असे समजू या. तर अशा अब्जावधी आकाशगंगांतील एक, त्यातील अब्जावधी तार्‍यात एक, त्या तार्‍याच्या अनेक ग्रहांपैकी एक ग्रहावर एक प्रगत प्राणी आहे. तो प्राणी आपल्या नावाचे गुणगान करतो का, आपल्यावर विश्वास ठेवतो का, आपल्या नावाने व्रतवैकल्ये, उपास, गंडेदोरे, यज्ञ, बळी वगैरे उपचार करतो का ह्याचा हिशेब हा जगन्नियंता का बरे ठेवेल? तमाम विश्वाच्या घडामोडीत ह्या कुण्या एका ग्रहावरील कुण्या एका प्राण्याची श्रद्धा काय स्थान आहे? त्याकरता एक सेकंद तरी हा विश्व चालवणारा का घालवेल? बरे ह्या जगन्नियंत्याविषयी माहिती देणारे प्रेषित, महंत इतके वेगवेगळ्या प्रकारे माहिती का देतात? कुणी म्हणतो अहिंसा हाच धर्म तर कुणी अमक्या सणाला चार पायांचा प्राणी बळी द्या असे सांगतो. कुणी म्हणतो मानवाला अनेक जन्म आहेत तर कुणी सांगतो हा जो आहे तो एकमेव जन्म. एकदा मेलात की न्यायदानाच्या दिवसाची वाट पहात रहा. कुणी सांगतो की क्ष हा देवाचा शेवटचा प्रेषित तर कुणी सांगतो य हा देवाचा खरा प्रेषित. मानव जात पृथ्वीवर येऊन २ लाख वर्षे झाली. पण प्रेषित मंडळी २००० ते ३००० वर्षे पूर्वी पाठवण्यात आली. जगन्नियंत्याच्या दरबारीही अशी सरकारी दिरंगाई का? प्रगत मानवजात निर्माण होताच त्या परमेश्वराची साद्यंत माहिती देऊ शकेल असा प्रेषित का नाही धाडला? आणि इतके वेगवेगळे प्रेषित आमचाच देव खरा असे ठासून कसे सांगतात? त्यांच्यात एकवाक्यता का नाही?

>>किंबहुना तुम्ही म्हणत आहात तो विश्वाचा पसारा ईतका अफाट असूनही व्यवस्थित चालतो म्हणजेच कोणीतरी देव आहे हे सिद्ध नाही का होत ?
विश्वाचा कारभार व्यवस्थित चालतो? मग रोगाच्या साथी येऊन असंख्य लोक मरतात, प्रचंड ज्वालामुखी होऊन जगातील अर्धी जीवसृष्टी नष्ट होते, कुठे उल्का आदळून कोट्यावधी जीव कायमचे नष्ट होतात. भूकंप, सुनामी, वादळे, आगी, वणवे, दुष्काळ, पूर हे सगळे भौतिकशास्त्राच्या नियमाप्रमाणे होतेच. ते होते तेव्हा कुठल्या धर्माचे, किती संख्येने, किती श्रद्धा पाळणारे लोक रहातात हे बघितले जात नाही. ह्या नैसर्गिक आपत्तीचा वरवंटा सगळ्या लोकांवर सारखाच फिरतो. शिवाय आमचाच देव खरा म्हणणारे हिंस्र टोळ्या घेऊन अन्य समूहावर तुटून पडतात त्यांची श्रद्धास्थाने उद्ध्वस्त करतात, लोकांना ठार मारतात, बायकांवर अत्याचार करतात, लहान मुलांवर अत्याचार करतात, मुंडक्यांचे मनोरे रचतात, त्यांच्या मते अश्रद्ध असणार्‍या लोकांची मालमत्ता लुटतात, लोकांना गुलाम करतात, भोगदास्या बनवतात, त्यांची एखाद्या वस्तुप्रमाणे वाटणी करतात हे ही त्या जगन्नियंत्याच्या मर्जीनेच होते काय? असेल तर त्याला व्यवस्थित कारभार असे म्हणवत नाही.

वैश्विक पातळीवरही ग्रहतार्‍यांच्या उलाढाली चालूच असतात. हे सगळे कुण्या अती बुद्धीमान देवाच्या देखरेखीखाली चालत असेल असे वाटत नाही. निव्वळ भौतिक शास्त्राच्या नियमावर चालते असे दिसते आहे.

शेंडेनक्षत्र, तुम्ही कितीही कठीण प्रश्न विचारले तरी त्याचे एकच ऊतर आहे जे मी आस्तिकांतर्फे देऊ ईच्छितो, आणि ते म्हणजे श्रद्धा Happy
>>> रुन्मेषभाऊ, तुम्ही आस्तिक का नास्तिक ते आधी कलेयर करा... एकदा इकडे, एकदा तिकडे ... नॉट गुड भाऊ

shendenaxatra, तुम्ही नास्तिकतेतून आर्ग्युमेंट केलंत तर धागाकर्ता विरोधी झेंडा घेऊन येणार. नारसिसिस्ट व्यक्ती आहे ही. आपल्या भोवती चर्चा फिरवत राहिली पाहिजे या नादात धाग्याच्या मूळ गोषवाऱ्याच्या संपूर्ण विरोधी मत दिले तरी चालते.

अर्थात नास्तिकता हा शाप आहे का काय असले प्रश्न फक्त आणि फक्त मनोमन आस्तिकालाच पडतात. असो.

आस्तिक असणारी व्यक्ती स्वतंत्र विचार करू शकणारी नसते म्हणजे काय? काही नास्तिक कंपूमधून आस्तिकांची टवाळी तर नेहमीचीच. जणू काय आस्तिक म्हणजे विचारशून्य माणसे आणि जगात नास्तिकच काय ते प्रगल्भ विचारवंत. दुसरीकडे काही आस्तिक मंडळी तर नास्तिकांना अशा विचित्र नजरेने पाहतात की नास्तिक असणे गुन्हा आहे. शेवटी नास्तिक-आस्तिकतेपेक्षा मनुष्याची सद्सद्विवेकबुद्धी महत्वाची होय. समाजसुधारकांचे म्हणणे तरी यापेक्षा काय वेगळे होते? आणि हो, नास्तिक असणे हा काही शाप नव्हे. बाकी हमीद दलवाईंच्या नास्तिकतेवरची नास्तिकांची मते काय आहे हे वाचायला आवडेल.

सचिनजी, आपल्या प्रतिसादात एक फार फार महत्त्वाचा शब्द आहे बघा. "कंपू."
सारे फसाद की जड हा कंपूच आहे.

वैचारिक रग जिरवायला असे धागे फार उपयोगाला येतात.

खूप लिहिलंय रे याच्यावर.. परत परत तेच तेच टंकत बसायचा कंटाळा येतो.
थोडक्यात सांगतो. मनुष्य हा प्रचंड अहंकारी प्राणी आहे. (बाकीच्या प्राण्यांबद्दल आपण काहीच बोलु शकत नाही, षडरिपु त्यांच्यातही असतीलच)
अहंकारी असल्याने प्रत्येक गोष्टीला नियंत्रण करु पाह्तो, आपल्या म्हटल्याप्रमाणे गोष्ट झाली पाहिजे असे त्याला वाटते, सगळी कायनात आपल्या इशार्‍यावर चालली पाहिजे असे वाटते. जेव्हा असे होत नाही तेव्हा आपल्यापेक्षा ताकदवान कोणाच्या तरी इशार्‍यावर कायनात चालत असेल असं वाटतं. तीच ती देवाची संकल्पना. सांप्रत देवाबद्दल लोक जे जे विचार करतात तो मनुष्याच्या अहंकाराचेच विस्तृत स्वरुप आहे.

वाह.. नाना जबरी प्रतिसाद.. जियो !!!

प्राण्यांमध्ये देव, भगत नसतात. याचा अभ्यास झाला आहे. ते अगदी लगेच काय घडणार आहे / घडु शकते या व्यतिरीक्त भविष्याचा विचार, योजना करु शकत नाहीत. त्यांचा मेंदू तेवढा विकसीत झालेला नाही. त्यामुळे त्यांना गरज नसल्याने त्यांच्या मेंदूत श्रद्धा उत्पन्न झाली नसावी असे मानतात.
संदर्भ: संभव असंभव - निरंजन घाटे.

होय. सद्सद्विवेकावर नास्तिकास्तिकतेचा प्रभाव पडतो.

वैचारिक रगासोबतच 'धग' जिरवायलाही असे धागे उपयोगी.

मनुष्याने प्राण्यांनाच देवस्वरूप मानले आहेत तिथे माणसांतील बाबा, बुवा, फकीरांची गोष्टच वेगळी.

रिप्लायसाठी काय सेटींग आहे हे माहीत नाही. त्यामुळे एकत्र पोस्ट केले. सेटींग सांगावी.

ऋ, मी जे लिहिलंय ते उथळपणे वाचून विचार केलात तर पटणार नाहीच. तेव्हा असो.

काही प्रतिसाद तर्कविसंगत अथवा व्यंगोक्ती आहेत ते सोडून देतो.
स्वानुभव विचार करण्यासारखे आहे. नास्तिक आस्तिक वादात पडण्याइतके तत्त्वज्ञान नसल्याने मी बाहेर. एका चुकीच्या प्रसंगावरचे मंथन आहे.