खंत राखीला वाटते

Submitted by र।हुल on 7 August, 2017 - 07:32

दादा म्हणोनी बाप्पास हाक मारते
कान्हा म्हणोनी भावास साद घालते
अबोल हे शब्द भावना मनांत दाटते
का नसे दादा मला,मनांत खंत वाटते

दुर त्या सिमांवरती मृत्यू सोबतीनं खेळे
बसुनी घरांत आपुल्या काढणे सोपे गळे
शस्त्र हातांत घेऊनी दिवस रोजच मावळे
झाडांत त्या गर्द साजरे राख्यांचे सोहळे

माया काळजांत दाट नात्यांची घर करते
मानल्या भावाची मी मनांत वाट बघते
पांचालीस राखणार्या कृष्णास मी आठवते
भावाबहिणीचे हे बंधन सार्यांत ओढ लावते

―₹!हुल / ७.८.१७

शब्दखुणा: 
Group content visibility: 
Public - accessible to all site users

काय भारी लिहिलस रे...
रडवणार बहुतेक मला आज.. मी आजच्या दिवशी तरी कधी रडत नाही..पण....