प्रेमात असंच का होतं ?

साधना, ईथेच तर तुमची गल्लत होतेय. तो त्रास आहे की नाही हा वेगळा मुद्दा झाला. पण त्याला कोण ईथे मिटक्या मारत वाचतेय का किंवा त्या कॅरेक्टरला वाचकांनी हिरो म्हणून गौरवले आहे का? खुद्द लेखकाने तसे केले आहे का? किंबहुना कथेत त्याचे मित्र त्या मुलीला विसरायचे सल्ले देत आहेत. कोणी असेही बोलत नाही की भिड भावा, वहिनी पटलीच पाहिजे वगैरे वगैरे..

विचार करतोय जर व्यासांनी मायबोलीवर महाभारत लिहायला घेतले असते तर कश्या प्रतिक्रिया आल्या असत्या. द्रौपदी वस्तहरणाच्या भागानंतर तर महाभारत बंदच पाडले असते. किंबहुना मागे वळून पाहता असा आचरट सीन व्यासांना का लिहावासा वाटला हा प्रश्न आता मलाही पडू लागलाय. ते आवडलेल्या राजकन्येचे हरण करणे हे तर अचाट होते. तर्हेतर्हेच्या रासलीलांबद्दल बोलायलाच नको. आणि कहर म्हणजे यांना आपण धार्मिक ग्रंथांचा दर्जा देत ते लहान मुलांनाही वाचायला देतो.

ऋ +१
अगदी हेच लिहायला आलेलो. एखादा अतंगवादी असल्यासारखं फायरिंग चालू केलंय.

ऋन्मेष यांच्या प्रतिसादाला अनुमोदन. कथेच्या पुढील भागा विषयी उत्सुकता.

लिखाणावर प्रतिसाद देतांना चांगलं/वाईट असे प्रतिसाद येणारच याचा वाचकांना अधिकार आहे. पण "लेखकाने यापुढे लिखाण करूच नये" हे सांगण्याचा अधिकार माझ्या मते तरी वाचकांना नाहीये.

जेव्हा मुलगा तिच्या कपड्यांवर मेसेज करतोय तेव्हा तिने हरकत कुठे घेतली आहे? आणि हो प्रपोज नंतरचा पहिला फोन तिने केलाय त्याला ते पण एक आठवड्यानंतर त्याला ओरडायला.

पुढच्या भागाची वाट पाहू...होईल सगळं क्लियर...

१) एकाच भागावरून मत तयार करणे म्हणजे, "शितावरून भाताची परीक्षा करणे"

२) कथेतलं पात्र आवडलं नाही म्हणून लेखकाला दोष देणे, त्याला नायलक ठरवणे, जाहीरपणे त्याचा अपमान करणे हे अत्यंत दुर्दैवी आहे.

३) कथा आवडली नाही, राग आला, तर तो योग्य शब्दात तुम्ही लेखकापर्यंत पोहचवू शकता, त्याला फडतूस म्हणून त्याचा तिरस्कार करणे, त्यावरून आदर्श मतवादी असल्याची आगपाखड करणे, ही इंटरनेट वरील दादागिरी वाटते.

४) तुम्ही एका ओळीत लेखकाची लायकी काढता आणि तुमच्या त्याच ओळीला कोणी नाव ठेवली की तो माणूस "विकृत" ठरतो !!

लेखकाला नालायक, वाचकांना विकृत ठरवून तुम्ही स्वतःला आदर्श समजता?
का तर त्याने तुम्हाला आवडेल असे लिखाण केलं नाही म्हणून?
तुम्ही जसा जाहीर अपमान केला आहे, तशी जाहीर माफी मागण्याची वेळ आली आहे

कथेतलं पात्र आवडलं नाही म्हणून लेखकाला दोष देणे, त्याला नायलक ठरवणे, जाहीरपणे त्याचा अपमान करणे हे अत्यंत दुर्दैवी आहे.
+११११११

कथा वाचून जर एकतर्फी प्रेमाला वाव मिळत असेल तर "रमण राघव" सिनेमा बघून काय झाले असते??

टकमत टोक यांच्याशी सहमत. नुसत्या प्रोमो वरून पुढची सिरीयल कशी असेल हे आपण लगेच सांगू शकत नाही. त्या साठी पुढचे दोन तीन भाग बघणे गरजेचे असते. तसच लिखाणाच आहे. एका भागा वरून पुढच लिखाण लिहूच नका हे सांगणे बरोबर नाही.

वाचतेय. पुभाप्र.

कथा ही कथा म्हणुन वाचायचं कधी कळणार लोकांना?
एखाद्या कथेत एकतर्फी प्रेमात मुलीवर अ‍ॅसिड फेकलंय तर तीही कथा फडतुस आणि लिहिणारा त्या घट्नेचं समर्थन करतोय असा अर्थ निघतो काय?
खरंतर एखाद्या कथेवर फड्तुस, फालतु, आपल्या मुली बहिणीवर वेळ आली तर मजा बघा हे प्रतिसादच त्या कथेतल्या कंटेंट पेक्षा अतिशय गंभीर आहेत.
दिसला नवोदित लिहिणारा की आला ह्यांच्या कीबोर्डाला हुरुप काहीतरी बेक्कार बिनालॉजिकच्या कमेंटी लिहायचा.

ही केवळ कथा म्हणून वाचावी इतकीच माफक अपेक्षा आहे...
Submitted by अजय चव्हाण on 28 July, 2017 - 02:07>> हेच काही विचक्षण लोकांना कळत नाही इथे.

हम्म! बरेच प्रतिसाद आहेत म्हणून कथा वाचायला आले तर इथे वेगळाच वाद सुरु आहे.
आत्तापर्यंत जी कथा लिहिलेय ती कथा आवडली नाही तर तसा प्रतिसाद द्यावा पण पुढे लिहूच नका हे सांगणे मला तरी योग्य वाटत नाही.
एकतर्फी प्रेमातून ज्या दुर्घटना घडतात ते लक्षात घेता अशी एकतर्फी प्रेमाची कथा वाचून मनात कटूता दाटून येणे आणि अशी कथा इथे नको वाटणे अगदी साहाजिक आहे पण तरीही लेखक एका विशिष्ठ वयोगटातल्या, साधारण परीस्थितीतल्या , प्रेमाबद्दल चुकीच्या कल्पना असलेल्या मुलाचे मनोगत मांडतोय असा विचार केला तर त्याने उभे केलेले कॅरॅक्टर अगदी सुसंगत आहे. खरे तर 'यक्क! काय फालतू वर्तन आहे या मुलाचे! ' असे आपल्या मनात येतेय म्हणजे कथा नायक/न -नायक चांगला उभा केलाय. कथेत जे काही सुरु आहे ते योग्य नाही म्हटले तरी अशा प्रकारच्या कथेच्या ओघात हे असेच वर्णन येणार ना? लेखक जर का सत्य घटनेवर आधारित म्हणत आहेत तर त्यांना त्यांची कथा पूर्ण करु द्या. अमुक कारणांसाठी ही कथा आवडली नाही असे प्रतिसादकर्त्याने जरूर सांगावे पण एकदम पुढे लिहूच नका असे सांगणे मला तरी योग्य वाटत नाही. मायबोलीवर लेखनात जर का काही मजकूर आक्षेपार्ह, अश्लिल वाटला तर तसे अ‍ॅडमिनना कळवल्यास ते त्यावर योग्य ती कारवाई करतात. त्यामुळे वाचकांना तो मार्ग उपलब्ध आहेच.

'सामुहिक बलात्कार' वगैरे शब्दं वापरतांना जी सेन्सिटिविटी, जबाबदारपणा अपेक्षित आहे त्याचं मातेरं केलेलं आहे आणि वर 'त्रास झाला असल्यास क्षमा मागतो' वगैरे अघळपघळ बोलत टोलवाटोलवी केलेली आहे. तुम्ही हा शब्दं एवढ्या कॅजुअली वापरतांना तुमच्या विचारांच्या कुवतीचं केलेलं केलेलं प्रदर्शन खटकू नये अशी तुमची अपेक्षा आहे का? पात्रं,कथा सत्य किंवा काल्पनिक असले तरी शब्दांची जबाबदारी तुमचीच आहे ना?

तुमचे आधीचे लेखन बरे आहे पण ईथे तुम्ही चुकलात. हा शब्द/वाक्यं काढून टाकावा ही तुम्हाला विनंती..

मला वाटते काही वाचक एखाद्या बाबतीत हळवे वा परखड असतात. यामागे कदाचित त्यांना आलेले वा आसपास पाहिलेले कटू अनुभव असू शकतात. एखादी जहाल प्रतिक्रिया या कारणानेही येऊ शकते. एखाद्या लेखकाला झोडपायचेच असा हेतू क्वचितच कोणाचा तरी असतो. त्यामुळे असे प्रतिसाद देणारयांबद्दलही लगेच टोकाचे मत देता कामा नये.

मी स्वत: दारू या विषयाबाबत सेन्सिटीव्ह आहे. अमिताभने शराबी केला किंचा शाहरूखने देवदास केला म्हणून त्यांच्यावर चिडत नाही, उलट त्यांनी योग्य तोच संदेश पोहोचवला असतो. मात्र कुठल्या लेखात वा कोणाच्या प्रतिसादात दारूची तरफदारी दिसली तर मात्र मी देखील परखड प्रतिसाद देतोच. कारण दारू, जुगार या गोष्टी कसे आयुष्य उध्वस्त करतात हे पाहिलेय जवळून..

एकदा ही बाजू, एकदा ती बाजू.. नक्की काय करताय रूनमेश भाऊ...

मी एकाच बाजूला आहे च्रप्सभाऊ, फक्त मला जेव्हा समोरचा चुकीचा वागला असे वाटते तेव्हा मी त्याला झाडण्याऐवजी त्याची चूक लक्षात आणून देतो आणि त्यानंतर ती चूक त्याने का केली असावी, वा कोणत्या परीस्थितीत त्याकडून झाली असावी याचे कारण शोधायचा प्रयत्न करतो ईतकेच

मायबोलीवर प्रतिसाद देणारे काही जण घरी प्रचंड भांडून वगैरे आलेले असतात का? की काहीच जमत नसल्यामुळे उपद्रव तरी करून बघू अशी वृत्ती झालेली असते? ह्या अजय चव्हाणांनी एक कथा सुरू केली आहे. पन्नासच्या आसपास प्रतिसाद पोचले म्हणून धागा उघडला आणि अजिबात अपेक्षाभंग झाला नाही. फालतू, फडतूस, बंद करा लेखन हे सुरुवातीचेच अभिप्राय! म्हणजे आपल्याला इतके निगेटिव्ह बोलायचेच असेल तर किमान इतर चारचौघे आधी काही वेगळे बोलतायत का हेही बघायला थांबायचे नाही. विरोधी प्रतिसाद देणारे अल्पमतीचे असतात हेही ठरवून मोकळे व्हायचे. की आता लेखकाने प्रत्येकवेळी टीप द्यायची की 'ही काल्पनिक कथा आहे'? ही असली कथानके रस्तोरस्ती प्रत्यक्षात होताना आपण पाहतो तेव्हा त्यातील मुलांना जाऊन सांगतो का, तू फडतूस आहेस, फालतू आहेस, तिच्या मागे लागणे बंद कर? तो एखाद्या गुंठामंत्र्याचा पोरगा असला तर काय करेल त्याची कल्पना असेलच. इथे आपलं प्रोटेक्टेड वातावरणात झापडता येतंय तर झापडा बिचार्‍याला!

अतीआक्रमक प्रतिसाद दिवसातून एकदाच देता येतील असा नियम असायला हवा.

बेफिकीर + 1

>>की काहीच जमत नसल्यामुळे उपद्रव तरी करून बघू अशी वृत्ती झालेली असते? --
हीच वृत्ती बोकाळलेली आहे सध्या इथे. अजय चव्हाण, तुम्ही बिनधास्त लिहा, आम्ही वाचु. आवडले, नाही आवडले ते सांगु.

इथे आपलं प्रोटेक्टेड वातावरणात झापडता येतंय तर झापडा बिचार्याला!>>१११•+++
.
अतीआक्रमक प्रतिसाद दिवसातून एकदाच देता येतील असा नियम असायला हवा. >> खरेच ह्या अपडेट चा सुद्धा विचार करावा लागेल बहुतेक प्रशासनाला

लेखकराव,लिहीत रहा.
इथल्या मराठी मध्यमवर्गिय पांढरपेशांची संस्कृतीची गळवे कशानेही ठसठसू लागतात,इग्नोर करा.

थर्ड क्लास कथा. आशय आणि शैली, भाषा सगळेच....

अजय, चांगला प्रयत्न.
तोंडचे संवाद वेगळ्या ओळीत लिहिले जातात. पण इतर वाक्ये सरळ एकापुढे एक लिहिली नाहीत तर तुटक तुटक वाटतं वाचताना. जे इथे होत आहे. तसच प्रत्येक वाक्याच्या शेवटी तीन टिंब दिल्यानेही रसभंग होतो. पुढे काय होईल याची मला उत्सुक्ता वाटली सो तुमची स्टोरी टेलिंग चांगली आहे. लिहित रहा. पुलेशु.

ही कथा आहे. सत्यघटनेवर आधारित असली तरी 'कथा' आहे.
कथा हाय मोराल असलीच पाहिजे आणि त्यातून चांगली शिकवणच दिली पाहिजे असं मला अ_जि_बा_त वाटत नाही. 'नो मीन्स नो' ला आणि या 'कथेला' दोघांना पाठिंबा.

कथा आवडली आहे. आजकालच्या तरुण-किशोरांची भाषा व भावविश्व अचूक टिपले आहे, सत्यघटनेवर आधारित असल्याचा चांगला गंध आहे कथेला. पुढचा भाग टाका. अशा कथा जास्तीत जास्त पुढे आल्या पाहिजेत. दाबून ठेवल्याने काही सुर्य उगवायचा राहत नाही.

वाचकांना आपल्या प्रतिक्रिया देण्याचा अधिकार आहे. पण लेखकाने पुढे लिहूच नये असे म्हणणे सर्वथा गैर आहे.

--- शेवटच्या वाक्यामुळे थेट अ‍ॅसिड हल्ल्यापर्यंत चिथावणी देणारी कथा आहे असे वाटावे हे जरा जास्तच ताणले आहे, या वयात असे फिल्मी विचार आणि डायलॉग असतातच आयुष्यात. पण त्या वाक्यांचे इथल्या काही वाचकांनी आपल्या सोयीने इन्टरप्रिटेशन केले आहे, कथेत असे काही आढळलेले नाही आतापर्यंत, पुढचे माहित नाही. जर पुढचे माहित नाही तर आत्ताच तांडव करण्यात हशील नाही -----

<<<बट मी फक्त युज होत राहलो... बट तरीही मी हार नव्हती मानली.>>>>
हे "बट"काय? म्हणजे इथे दुसरा शब्द कथालेखनाच्या तंत्रात बसत नाही म्हणून का?
कधी कधी इतर भाषेतील शब्द जास्त चपखल रीत्या बसतात कथेत, पण इथे तसे काही असेल असे वाटत नाही. मग बट काय?

बट म्हणजे पण.
चालतात असे फ्रेक्वेन्ट use वाले शब्द...

लेखक... नाउमेद वायचे नाही... येऊ देत अजून लिखाण

च्रप्स

"पुढे आमची मैत्री तर कायम राहीली बट मी फक्त युज होत राहलो...तिच्यावर माझं खुप प्रेम आहे हे सिद्ध करण्यासाठी
ती आणि तिच्या मैत्रिणीच्या हातातलं बाहुल बनलो होतो मी.."
मी काय म्हणते ह्या वाक्यावर काय मत आहे?? म्हणजे मुलाच एकतर्फी प्रेम यावर ईतके प्रतिसाद पण त्याच मुलाचा वापर केला गेला यावर एकही प्रतिसाद नाही. अस का??

वाचकांना आपल्या प्रतिक्रिया देण्याचा अधिकार आहे. पण लेखकाने पुढे लिहूच नये असे म्हणण खरच चुकिच आहे.