प्रेमात असंच का होतं ?

छान लिहिलय

फालतू गोष्ट आहे. मुलगी नाही म्हणतेय तर त्याचा अर्थ नाही असाच होतो हे शिकवा आता असल्या पुचाट पोरांना. पुढचा भाग नाही आला तरी चालेल.

अगदीच फडतूस आहे गोष्ट. कंटेंट आणि भाषा दोन्ही.
साधनाशी सहमत. प्लीज नका टाकू पुढचा भाग.

कथा वाचल्यावर एकतर्फी प्रेमाचा प्रकार आहे असं दिसत,
लेखक या प्रकारचं समर्थन करतो की नाही हे लेखकाने स्पष्ट करावे.
लेखकाने या कथेबद्दलची भूमिका स्पष्ट करावी.
माझ्या मते लेखकाने दुसरा भाग टाकावा.

निस्तुला +१

कथेचं शिर्षक सांगतंय की निगेटिव आहे कथा. लेखक नायकाची व्यथा सांगतोय हे अगदी स्पष्ट आहे...मग एकदम फालतू आणि फडतूस लेबलं आपण कसे लावू शकतो?...
जुनं माहीत नाही अगदी अलिकडलं सांगतो, कॉलेजजिवनात (ज्युनिअर कॉलेजेस आणि सिनीयर कॉलेजची पहिली एकदोन वर्ष) मुलीला प्रपोज केल्यावर त्यांच्यातील बहुतांश जणी सुरूवातीला नकार देतात आढेवेढे घेतात..नंतर काहीजणांचं सुत जुळूनही येतं.. अनेकदा मुलींकडून मुलांचा वापरही होतो..बिचारी मुलं ऐकत राहतात.. प्रत्यक्ष पाहीलंय... भाषेचं म्हणाल तर आज सर्रास ही भाषा (हि तरी खुप संयत लिहीली गेलीय प्रत्यक्ष यापेक्षा खुपच फालतू असते) वापरली जातेय कॉलेजलाईफमध्ये..जे बघण्यात येतंय ते तसंच लेखकाने लिहीलेलं दिसतंय....आणि शेवटी ही कथा आहे काही अनपेक्षित वळण पुढील भागांमध्ये देताही येईल...
एकदम लिहूच नका म्हणून लिहीणार्याला निरूत्साहि करण्यात काही अर्थ नाहीये...

अजय, तुम्ही लिहीत रहा...पुढील भागाच्या प्रतिक्षेत..

लेखकाने या कथेबद्दलची भूमिका स्पष्ट करावी +१११११
अशा प्रेमाने जर मुलीला मानसिक त्रास होत असेल तर, मी सुद्धा एकतर्फी प्रेमाच्या पूर्ण विरोधात आहे.
माझ्या मते एकच भाग वाचून लेखकावर बहिष्कार टाकणे योग्य वाटत नाही

अशा प्रेमाने जर मुलीला मानसिक त्रास होत असेल तर, मी सुद्धा एकतर्फी प्रेमाच्या पूर्ण विरोधात आहे. >>>+१
पण नाण्याला दोन बाजू असतात. मी एकतर्फी चं अजिबात समर्थन करत नाहीये..
कथेचं शिर्षक, 'प्रेमात असंच का होतं?' म्हणजे नायक असलेल्या मुलाला मानसिक त्रास होतोय आणि तो लेखक आपल्याला उलगडून दाखवतोय..

माझ्या मते लेखकच हा गुंता सोडवू शकतो , दुसऱ्या भागाच्या प्रतीक्षेत!!

सत्यकथा असेल तर असो बापडी. पण हल्ली मराठीत गोष्टी लिहिताना हिंदी शब्द वापरायची फॅशन आली आहे की असाच ट्रेण्ड आहे? हे असे लेख, कथा वाचल्या की विरस तर होतोच आणि चीडही येते.
तुमच्या गोष्टीत चकणाचुर, परदे, रब, विचारायची देरी वगैरे शब्द सापडले.

वैदर्भीय असतील त्यांचे मित्र. हिंदीचा बराच प्रभाव असतो तिथे भाषेवर.

त्या मुलीने इतकं स्पष्ट सांगूनही ते तो शाब्दिक मानसिक सामूहिक बलात्कार की काय तो ओढवून घेत आहेत आणि वर परावृत्तही होणार नाही असंही म्हणत आहेत हे विचित्र वाटतं खरं वाचायला. सत्यघटनेवर आधारित म्हटल्यावर आणखीनच. त्या मुलीची काळजी वाटते. कथेत काहीही होवो, प्रत्यक्षात तुमच्या मित्राला सद्बुद्धी झाली असेल अशी आशा करते.

कथेचं मुख्य पात्र नकारात्मक असेल म्हणून कथा "फडतूस" ठरते आणि लेखक भंगार होतो, किंवा लेखक त्या पात्राचं समर्थनच करतोय, अशी बाष्पळ विधान कोणी करत असेल, तर दुर्लक्ष करावे
याच मुद्द्यावर आलेला "ए दिल है मुश्किल" हा सिनेमा सुद्धा "फडतूस" ठरतो, त्या सिनेमात तर "एकतर्फी प्रेमाचा" सत्कार केला आहे.

कथा जर नकारात्मक पात्राच्या दृष्टीकोनातून लिहली गेली असेल, तर ती कथा वाईट ठरत नाही, कारण कथा वाचताना ते पात्र चुकीचं वागत आहे, याची जाणीव आपल्याला पदोपदी होत असते आणि हेच कदाचित सांगण्याचा लेखकाचा प्रयत्न असू शकतो

मुलगी नाही म्हणतेय तर त्याचा अर्थ नाही असाच होतो हे शिकवा आता असल्या पुचाट पोरांना.
>>>>>
नो मीन्स नो.. हा विचार योग्य आहे.
पण प्रॅक्टीकली पोरगा प्रेमात पडला, पोरीला प्रपोज केले, ती नाही म्हणाली, पोरगा तिला विसरला... हे ईतके सोपे नसते. किंबहुना हे असे सहजपणे होत नाही.
पण प्रेम कायम राहिले म्हणून प्रत्येक पोरगा डर वा अंजामच्या शाहरूखसारखाच वागला पाहिजे असे नाही. कभी हा कभी ना च्या शाहरूखसारखाही वागू शकतोच.

एकतर्फी प्रेम मनात तसेच तेवत ठेवून तिच्या सुखात आपले सुख हे समजून घेणे ही या केसेसमध्ये मला आदर्श स्थिती वाटते.

असो, ही कथा आहे. अर्धवट कथेवर काय भाष्य करणार. लेखक पुढच्या भागात कशीही फिरवू शकतो. मला शेवटचे पॅराग्राफ पाहता वेगळीच शंका येतेय. त्या मुलाच्या एकतर्फी प्रेमाचा मुलीने फायदा उचलला वगैरे..

अर्थात या कथेत त्या मुलाचे जसे रोड रोमिओ टाईप कॅरेक्टर उभे केलेय ते पाहता असे झाले तरी त्याला फारशी सहानुभुती द्यावी वाटणार नाही.

पण यानिमित्ताने माझा एक स्कॉलर मित्र आठवला. तितकाच तो सज्जन देखील होता. त्याचे वर्गातल्याच एका मुलीवर प्रेम होते. अखेरपर्यण्त करत राहिला. आणि तिने त्या प्रेमाचा कसा फायदा उचलला यावर आता मलाही लिहावेसे वाटू लागलेय... पण आधी झोप पूर्ण करतो

आणि हो, त्यांना पुर्ण कथा लिहू द्या. निगेटीव्हिटीचे उदात्तीकरण आढळले तर नक्कीच निषेध करूया. पण त्या आधी त्यांची बाजूही ऐकूया. कारण लेखकाला जे मांडायचे आहे ते नेमके तसेच न पोहोचण्याची शक्यताही असतेच. जसे ते म्हणाले की मित्राची सत्यकथा आहे, आणि मी म्हणालो मला ते कॅरेक्टर रोडरोमिओ टाईप वाटले. पण प्रत्यक्षात त्यांचा मित्र तसा नसावा आणि त्यांच्या लिखाणातील दोषामुळे तसे वाटले असावे. किंवा माझ्या वाटण्यातही गल्लत असू शकते. हुशार मुलगा म्हटले की सज्जन आणि अभ्यासात गती नसलेला म्हटले की दुर्जन हे आपले साधारण फर्स्ट ईंप्रेशन असते.

तर लिहू द्या त्यांना. एखादी सत्यघटना असेल तर नक्कीच लिहू द्या. कारण मगच त्यावर काय बरोबर काय चूक याची चर्चा करून योग्य ते विचार लोकांपर्यंत पोहोचवता येतात.

जबरदस्त कथा... अत्यंत फालतू कंमेंट्स...लेखक आहे.. उपदेश द्यायला नाही लिहिलंय कथा... येऊ द्या पूर्ण कथा...

मग मी त्यांना माझी सासुरवाडी असल्याचं सांगितल्यावर कुठे ते शांत झाले..

हा हा हा

फालतू गोष्ट आहे. मुलगी नाही म्हणतेय तर त्याचा अर्थ नाही असाच होतो हे शिकवा आता असल्या पुचाट पोरांना. पुढचा भाग नाही आला तरी चालेल.
Submitted by साधना on 27 July, 2017 - 09:08
अगदीच फडतूस आहे गोष्ट. कंटेंट आणि भाषा दोन्ही.
साधनाशी सहमत. प्लीज नका टाकू पुढचा भाग.
Submitted by सायो on 27 July, 2017 - 09:36
>>>>>>>>
@ Admin - नवीन लेखकांना नाउमेद करतायत लोक इथं...

अजय.. पुढचा भाग नक्की येऊ द्या... निगेटिव्ह कंमेंट्स इग्नोर करा...

च्रप्स, तुम्हांला आवडली आहे तर तुम्ही वाचा ना. नाही कुणी म्हटलंय? माझं मत मी लिहिलंय आणि गोष्टीच्या खालीच लिहिलं आहे. लेखकाने गोष्ट पब्लिश केली आहे तर चांगल्या वाईट प्रतिक्रिया येणारच ना?

>>>कथेचं मुख्य पात्र नकारात्मक असेल म्हणून कथा "फडतूस" ठरते आणि लेखक भंगार होतो, किंवा लेखक त्या पात्राचं समर्थनच करतोय, अशी बाष्पळ विधान कोणी करत असेल, तर दुर्लक्ष करावे. >>>+१
मायबोलीवर ' पुढचा भाग टाकु नका ' अशा प्रतिक्रिया योग्य नव्हेत. वाचणे - न वाचणे आपण ठरवू शकतो ना ?

वाचणे न वाचणे आपण ठरवा, बघणे न बघणे आपण ठरवा... मुलींनी 10 दा नकार दिला तरी त्या नंतर होकार देणार हे आपण ठरवा.. तिने तरीही नकार दिला तर तोंडावर ऍसिड फेकायचा विचार करा...

कसं असतं ना, जोवर हे आपल्या बाबत होत नाही तोवर आपण व्यक्ती स्वातंत्र्य, तौलनिक विचार, योग्य अयोग्य हे सगळे विचार आरामात सुरक्षितरीत्या करु शकतो. आपण हे करताना कशाचं समर्थन करतोय हे कळत नाही आपल्याला.

अशाच एका पॅनेलवर लोक असेच अतिशयच उदारमतवादी होऊन अशाच आदर्शवादी विचारांची देवाणघेवाण करत होते. जिच्या संदर्भात हे सगळे सुरू होते त्या मुलीची आईही त्या पॅनेलवर उपस्थित होती, जिने त्या घटनेनंतर कसे दिवस काढले असतील याचा विचारही मला करवत नाही. तिला हे उदारमतवादी लोक इतके असह्य झाले की तिने व्याकुळ होऊन शेवटी विचारले, तुम्हारा अपना कोई मरा नही ना?

त्यामुळे तुम्हीही जोवर तुमच्या मुलीला कोणी असा त्रास देत नाही तोवर अजीबत विरोध करू नका. मजा बघत बसा.

कथेची भुमिका नंतर काय असेल माहीत नाही पण "पुढे तिला ते घ्यावच लागेलं.." म्हणुन निगेटिव्ह वळणावरनक्कीच नेउअन ठेवली आहे.
नो मीन्स नो.. हा विचार योग्य आहे. <<< ++१११
सलमान खान ने सुलतान च्या वेळी हा शब्द वापरला होता तेव्हा मोठा गदातोळ झाला होता. आणि ईथे तर फोनवर झालेल्या कॉन्व्हर्सेशन साठी (जे थांबवण एका क्लिक ने करता येण्यासारख होत) वापरला आहे.... काही शब्द असे लुसली वापरुन त्यातील गांभीर्य घालवायला नकोत.

कितीही युक्तिवाद करा... पुढचा भाग टाकू नका प्लिज, पुढचा भाग नाही आला तरी चालेल, असे कसे म्हणू शकता एखाद्या लेखकाला तुम्ही...

तुमची पुढची कंमेंट अली नाही तरी चालेल, प्लिज यापुढे कंमेंट्स करू नका प्लिज... अशी उत्तरे चालतील का तुम्हाला...

लेखकाचा विचार करा जरा...

आपण स्वतः मोठे लेखक असल्यासारख्या प्रतिक्रिया लोकं का देतात कोण जाणे! नाही आवडली नका वाचू. कोणी आग्रह केला आहे का?
अजय चव्हाण, तुम्ही सगळ्या प्रतिक्रियांना अगदी संयमीत उत्तर दिलीत त्याबद्दल कौतुक वाटलं.

आर्च, >>नाही आवडली नका वाचू. कोणी आग्रह केला आहे का?>> हे मला वाटतं आता सोशल वेबसाईट्सवर घासून घासून गुळगुळीत झालंय असं नाही वाटत?
तू फक्त प्रतिक्रिया वाचल्यास का? गोष्ट आवडली ते नाही सांगितलंस ते?

>>अजय चव्हाण, तुम्ही सगळ्या प्रतिक्रियांना अगदी संयमीत उत्तर दिलीत त्याबद्दल कौतुक वाटलं.<< +१००
मी कधी कधी लेखावरच्या सुरवातिच्या काही प्रतिक्रिया वाचुन मग लेख वाचायचा की नाही ठरवतो. कथा / कविता आवडली नसली तरी 'लिहुच नका' असा सल्ला देण्याऐवजी मीच काही लिहित नाही. सगळे लेख कविता आपण वाचलेच पाहिजे असंही नाही ना!

त्यामुळे तुम्हीही जोवर तुमच्या मुलीला कोणी असा त्रास देत नाही तोवर अजीबत विरोध करू नका. मजा बघत बसा.
>>>>>>>

कुठला विषय कुठे नेत आहात?

मजा बघत बसा?
एक कथा आहे. अजून पुर्णही झाली नाही. पण झालीय समजा. त्यातला नायक(?) मुलीला त्रास देत आहे. आणि वाचक विकृतपणे मजा घेत मिटक्या मारत त्या प्रसंगाचे वर्णन वाचत आहेत........ असे काहीतरी चित्र आपल्या वरच्या एकूणच पोस्टने उभे होतेय.

रस्त्यावर एखादा रोडरोमिओ मुलीच्या मागे लागला असताना त्याला हटकणे वेगळे झाले. पण कथेत असे काही घडताना कथालेखकाला झोडपणे हे मला जरा अजीब वाटते.

त्यातला नायक(?) मुलीला त्रास देत आहे. आणि वाचक विकृतपणे मजा घेत मिटक्या मारत त्या प्रसंगाचे वर्णन वाचत आहेत.......>>>>>

माझया मते exactly हेच होतेय.

मुलीने नको mhantanahi तिला भेट घ्यायचा आग्रह करणे, रोज तू छान दिसतेस हे मेसेज करणे हा त्रास देणे नसेल तर त्रासाची व्याख्या नेमकी कधी सुरू होते? आणि काय केले म्हणजे त्रास दिला हे समजले जाते? आणि त्रास होतोय की नाही हे ज्याला होतोय तो ठरवणार की जो देतोय तो ठरवणार?

असो. इथल्या सुजाण वाचकांना हे प्रश्न पडत नाहीयेत. डोळ्यावर कातडे ओढून बसलेत. बसा.

एक रुका हुआ फैसला मधल्या पंकज कपूर ची आठवण झली...

अजयजी तुम्ही लिहित रहा..
एक गोष्ट आवर्जून सांगाविशी वाटते,
निगेटीव प्रतिसाद आले तरी कुठ ल्याही लेखकाने नाउमेद होऊ नये...निगेटीव प्रतिसाद देण्यामागे कोणाला दुखवण्याचा उद्देश नसतो... उलट अशा प्रतिसादंमधून बरेच काही शिकता येतं... अशी भुमिका ठेवा...

चिप्स ,राहुल +१११११११११११