जग्गा जासूस - एक फ्रेश अनुभव

हा हा .. येस्स हायझेनबर्ग, वरचा माझा विकेंड प्लान लिहिताना अगदी हेच मनात आलेले
शेवटी काय, तर या जगात आपल्याला सर्वात चांगली ओळखून असणारी व्यक्ती आपण स्वत:च असतो. बाकीचे उगाचच सायकोलॉजिस्ट असल्याचा आव आणत असतात
चला शुभरात्री

रिव्हू वाचुन बघायची इच्छा होतेय पण ऑन्लाईन बघेन.

हा रिव्ह्यू बघितल्यानंतर काल चित्रपट बघितला.. आणि आवडला सुध्दा

ईथला धनि यांचा रिव्ह्यु बघून बाय्को व मुलीबरोबर काल संध्याकाळी आवर्जून पाहिला केवळ रणबीर साठी.

आणि खूप काळानंतर एक सुंदर अर्थपूर्ण चित्रपट बघण्याचा आनंद मिळाला. कथा, पटकथा मस्त आहे. चित्रीकरण तर अप्रतीम. सर्वच पात्रांचा अभिनय छान. पण हा सिनेमा फक्त आणि फक्त रणबीर चा आहे. अभिनय या माणसाच्या रक्तात नव्हे तर DNA मध्ये आहे हे अनेक द्रुष्यातून जाणवत रहाते. आणि त्याचे ते स्टॅमर होण्याचे तर फारच भन्नाट जमलेले आहे... अतीशय गंभीर वा विनोदी दृष्यात एकही शब्द न उच्चारता निव्वळ त त प प वर अख्खा सीन खाणे हे एका कसलेल्या व जाणकार अभिनेत्याचे लक्षण्/पुरावा आहे.
आणि चेहेर्‍यावरील हावभाव व ईतर सर्व अक्षरशः वेड लावणारे आहे.
चित्रपट थोडा म्युझिकल आहे हे खरे असले तरी एकंदर पटकथा व काही अनपेक्षित वळणे यांनी रंजक ठरतो.
काही ठिकाणी हा म्युझिकल डोस (तुकडे व आवाज दोन्ही!) थोडा जास्ती होतो खरा पण तेव्हडे आपण दुर्लक्ष करायला हवे.

मुख्यतः सर्व कुटुंबाबरोबर एकत्रीत बघून आनंद घेता येईल ईतका छान चित्रपट आहे. बर्‍याच ठिकाणी खास अनुराग बसू टच आहे. माझ्या आठवणीत तरी (हे खास ईथल्या आकडेमोड एक्सपर्ट्स साठी!) मणीपूर प्रदेशाला मध्यवर्ती ठेवून काढलेला दुसरा हिंदी चित्रपट आठवत नाही.

एक अख्खा नविन बाफ ऊघडता येईल ईतके काही लिहीण्यासारखे आहे.

पण रणबीर ईज बॅक.. हा त्याचा आजवारचा सर्वात ऊच्च चित्रपट असावा. व्यावसायिक यश किती मिळेल माहित नाही... पण एकूणात सकस व सजीव कलानिर्मिती साठी व हिंदी चित्रपट सॄष्टि साठी व रसिक प्रेक्षकांसाठी ही खूप आनंदाची बाब आहे. अशा प्रकारचे चित्रपट प्रेक्षकांनी उचलून धरायला हवे. नाहीतर पुन्हा तेच ते खान कं चे फालतू मसालापट आपल्या माथी पडत रहातील. तेव्हा हा चित्रपट चुकवू नकाच.

आणि आता सर्वात महत्वाचे:
युके मधिल एका छोट्या गावात गुरुवारी सं ५ चा शो बघायला संपूर्ण चित्रपट्गृहात आम्ही (फक्त) तीघे हजर होतो. माझ्या आयुष्यात (आकडेमोड वाले कान बंद करा!) हा प्रथमच अनुभव...! विचीत्र पण गमतीशीर अनुभव... कुठे बसू कुठे नको असं झालं होत. तर चित्रपटातील गाण्यांवर मुलीने मस्तपैकी अगदी पिटात, मोकळ्या जागेत, हवे तिथे मस्त नाच करून घेतला. सुखी संसारासाठी अजून काय हवे?
[आम्ही तीनच प्रेक्षक असूनही ईथल्या शिस्तप्रीय व कर्तव्यदक्ष कर्मचार्‍यांनी संपूर्ण चित्रपटाचा खेळ दाखवला म्हणून त्यांचे अनेक आभार!]

छान लिहिले आहे. चित्रपट पाहण्यात येईल.

मला रणबीर कपूर काही फार आवडत नाही, अरिजीत तर अजिबात आवडत नाही. प्रितम चाल ढाप्या असला तरी तो आवडतो. >> याला +१

बर्फी फारच आवडलेला. बरेच सीन ढापलेले आहेत हे माहित झाले तरीही अजूनही अवडतोच.

रणबीर निर्माता पण आहे या मुव्हिचा!

आज बघितला. सुरुवातीचे dialogues कळलेच नाहीत. नंतर नंतर मजा आली. आणखी रंजक बनू शकला असता.

पाहिला काल, आवडला.
रणबीर तर अफाट!
गाणी हल्ली चित्रपटात कमीच असलेली बरी वाटतात. पण यात एकही गाणे ऐकायला बघायला जीवावर आले नाही हे विशेष. दोन विशेष आवडली. एक ते गलतीसे मिस्टेक दोनेक वेळा ऐकल्याने माहीत होते. चित्रपटात रणबीर प्रेमात पडल्याच्या सिच्युएशनला असल्याने जास्त आवडले. ईतरवेळी उठून नाचलोही असतो, पण एकटाच गेलेलो बघायला. नंतर ते एक सब दारू पिके खाना खाके चले गये. हि लाईन आणखी काही दिवसांना डोक्यात असेल की नसेल माहीत नाही, पण कालपासून तोंडात मात्र आहे. गर्लफ्रेंडचा काल रात्री दिड वाजता फोन आला, काय रुनम्या, झाली का गटारी? ,,, मी म्हणालो, हो तर.. सब दारू पिके खाना खाके चले गये.. बस्स रामूकाका रह गये, बोलवू का

चित्रपट खरेच एक वेगळा अनुभव देणारा होता, नेमके वर्णन करता येणार नाही, पण जे काही होते बघायला मजा आली. उत्तरार्धात मात्र ईंटरनॅशनल कांड दाखवायच्या नादात जरा गाडी सरकली असे वाटले. पण ठिक आहे, आफ्रिकेतील चित्रण छान वाटले. आणि मणिपूरमधील तर क्लास. त्या कारणासाठी चित्रपट थिएटरातच पाहिला याचे पैसे वसूल झाले.

कतरीनाच्या जागी कोणीतरी अभिनय करणारी असती तर दोघांमधील दृश्ये आणखी रंगतदार झाली असती. तिच्या भुमिकेला अभिनय करायला खूप वाव होता. दिसली मात्र ती नेहमीसारखीच अफाट, किंबहुना यात जरा जास्तच. त्यामुळे चालून गेले. तरी विचार करतोय, एखादी आलिया भट्ट भारी दिसली असती.

अवांतर - तो रणबीरचा बाप झालेला ईसम चला हवा येऊ द्या मधील त्या विदर्भ विदर्भ करणार्‍या कलाकारासारखा दिसतो ना? कि मलाच तसे वाटले..

शूम्पी, बर्फी मलाही कंटाळवाणा वाटला होता. पण हा तसा अजिबात वाटला नाही. 'गलती से मिस्टेक' आणि 'उलू ले' ही दोन गाणी आधी अनेक वेळा बघितली होती. माझ्या लहान मुलीने हसत, टाळ्या पिटत, बघितला.

मला पण आवडला .रणबीर छा गया एकदम ! शुक्रवारी सिनेमा पहिला . हाउसफुल्ल होता शो . पुढच्या २ रांगेतल्या लोकांना बघायला त्रास होता तर ४,५ लोक पायऱ्यांवर येऊन बसले व सिनेमा एन्जॉय करत होते . त्याची मजा वाटली .
बर्फी जास्त आवडला होता पण !

एकही शब्द न उच्चारता निव्वळ त त प प वर अख्खा सीन << अरेरे तुषार कपुर आठवुन मुड गेला..