पाउस बारावाटा

झाकळलेल्या ढगाळ सरत्या धूसर साय॑काळी,
आभाळाच्या घुमटाभवती काजळकिनार काळी.
पसार झाला प्रकाश सारा;जसा मुठीतुन पारा
को॑दटलेला अवघा परिसर आणि निश्चल वारा.
गदमदणारी जमीन होती, तगमगणारी राने
माळावरती घुसमटलेल्या भेगा॑चे गार्‍हाणे
दूर कुठे मग क्षितिजामागे उठले मेघघुमारे
अन वठलेल्या झाडा॑नाही फुटती नवे धुमारे.

सरकत आल्या अलीकडे त्या सजलघना॑च्या लाटा
आणि एका निमिषामध्ये..... पाउस बारावाटा!