दंगलच्या निमित्ताने - चित्रपटात दाखवली जाणारी भ्रष्ट सरकारी यंत्रणा !

जर एखादा विद्यार्थी गणितात कच्चा आहे का, अशी शंका उपस्थित केली गेली असेल. तर त्याला ईतिहास भूगोलात पैकीच्या पैकी मार्क आहेत हे त्या शंकेचे कसे समाधान असू शकेल.
या पठडीतल्या प्रतिसादांना पास करत ईतर प्रतिसादांना सावकाश उत्तरे देतो.

सिनेमा बघून असे लाईफ डिफायनिंग निर्णय नाही घेत कुणी / किंबहूना घेऊ नये.
>>>>
सहमत. निव्वळ चित्रपट बघून कोणीही निर्णय घेत नाही. पण चित्रपट प्रभावशाली असेल, त्यात जे दाखवले गेलेय त्यावर विश्वास बसला असेल, तर ते कुठेतरी डोक्यात राहतेच. आणि त्याचा इन्फ्लुअन्स आपल्या निर्णयावर होऊ शकतो.
आणि हा तर सत्यघटनेवर आधारीत चित्रपट आहे अशी याची जाहीरात झाली आहे ना.
जेव्हा आपण सीआयडी सारखी मालिका बघतो तेव्हा आपल्या डोक्यात फिट्ट असते की आपण एक मनोरंजनाचा कार्यक्रम बघतोय. यातल्या गोष्टी अतिरंजित असतात.
पण तेच क्राईम पेट्रोल बघत असू तर हे भारतात खरेच कुठेतरी घडलेले आहे, असे आपल्याशीही घडेल हे डोक्यात ठेवून बघतो. त्यामुळे उद्या त्यात अधूनमधून काहीही खोटेनाटे पेरायला सुरुवात केली तरी आपण ते ओळखू न शकल्याने त्यावर भक्तीभावाने विश्वास ठेवणारच. त्यात कोणाचीही खोटी बदनामी केली तर ती खरीच वाटणार.

चित्रपट हे दिग्दर्शकाचं माध्यम आहे. त्यात त्याने काय दाखवावं, काय नाही हा सर्वस्वी त्याचा प्रश्न आहे. निर्माता करोडो रूपये खर्च करतो, त्यामुळे त्याचा ROI सुद्धा तितकाच महत्वाचा असतो.
>>>>
जराही सहमत नाही. पैसे खर्च करतो म्हणून ते वसूल करायला ईतरांबद्दल काहीही दाखवू शकतो का. मुळात पैसे खर्च करतो ते व्यवसाय म्हणून कमवायलाच, किंवा आपली कला दाखवायला. दोन्हीमागे स्वार्थच झाला. त्या स्वार्थातूनच मग हे असे खोटे चित्रण होते.

चित्रपटात जे दाखवलय ते आवडलं का हा प्रश्न एक प्रेक्षक म्हणून माझ्यापुढे असतो आणी ह्या चित्रपटापुरतं त्याचं उत्तर होकारार्थी आहे.
>>>>>
अर्थात मलाही चित्रपट आवडलाच आहे.
कारण ना मी बबिता फोगट आहे ना तुम्ही सरकारी कोच आहात. आपल्या पुढचा प्रश्न त्यामुळे होकारार्थी उत्तर द्यावे असाच आहे.

या पठडीतल्या प्रतिसादांना पास करत >>> थँक्स !!!! नाहीतर विपूत उत्तर द्यावे लागले असते.
>>>
सपना मी आपल्या प्रतिसादापर्यंत अजून पोहोचलो नाहीये. यूट्यूबवर गाण्यांचा आस्वाद घेता घेता सावकाश रिप्लायतोय. आपला प्रतिसाद मी त्या पठडीत टाकलाय हे ठरवायची कृपया घाई करू नका. तो तसा नाहीये. आपली पोस्ट आवडलीय

वशिल्याच्या तट्टूंची वर्णी वगैरेही दाखवलंय का? मला डुलकी लागली असावी तेव्हा नेमकी.
>>>>>
सायो, हे मी खेळाडूबद्दल नाही तर कोच बद्दल म्हणालोय.
आणि हो, हे माझे वाक्य नाहीये, तर आशूचॅम्प यांच्या दंगल धाग्यावरच त्या कोचबद्दल ही मते काही मायबोलीकरांकडूनच व्यक्त करण्यात आली आहेत.
म्हणजे बघा, लोकांना ते खरे वाटून त्या कोचला ईथेही नावे ठेवली गेली आहेत.
नंतर त्या पोस्ट मी ईथे कॉपीपेस्टतो.

पिक्चर बघणं, खायला, फिरायला बाहेर जाणं ही मौजमजा दाखवली आहे त्याबद्दलच बोलतोयस ना?
>>>>>
ती मौजमजा कशी दाखवलीय दिग्दर्शकाने ते बघा.
तिथे अशी मौजमजा चालते, नाचतात, गातात, पिक्चर बघतात, गोलगप्पे खातात, केस वाढवतात....... एकंदरीत कोणी ट्रेनिंगबाबत सिरीअस नसते, आणि यामुळे गीताचा परफॉर्मन्स घसरतो.
पण तेच महावीर फोगट सूत्रे हातात घेतात. गीता खेळावर फोकस करायला केसही कापून टाकते आपल्या कारकिर्दीबाबत सिरीअस होते आणि मग ईतिहास घडतो.

सपना,
तो धागा काळजीपूर्वक वाचला असतास तर आकडेवारी न पाहता गीताच्या कोचची कामगिरी पहायला हवी असे मी लिहील्याचे तुला दिसले असते.
>>>>
सपनाजी आपला काहीतरी गैरसमज होतोय. आपल्या कोणत्या पोस्टला वा विचारांना खोडायला मी हा धागा काढला नाहीये.

कोचने जरी प्रत्यक्षात गीताच्या वडिलांना कोंडून ठेवले नसले तरीही प्रत्यक्षात या कोचमुळेच सुवर्णपदके मिळाली आहेत का हे मला तरी नाही सांगता येणार.
>>>>>
एक्झॅक्टली, हे तर मी देखील सांगू शकणार नाही. ज्याने त्यांना जवळून पाहिले नाही असा कोणीच सांगू शकणार नाही की या कोचमुळे च मिळाली आहेत की नाही. भले नसेलही समजा तो तितक्या ताकदीचा कोच, पण व्हिलन होता का? हा प्रश्न आहे. का दाखवला? कोच नव्हे तर सिस्टीमच... ज्यांचा कुस्तीत भारताला सर्वाधिक पदके मिळवून देण्यात वाटा होता..

बाकी आपली ईतर पोस्ट, वर म्हटल्याप्रमाणे ईतिहास भूगोलाचे कौतुक आहे. अर्थात दंगल हा माझा आजवरचा दुसर्‍या क्रमांकाचा क्रिडा चित्रपट झाला असल्याने त्या पोस्टलाही प्लस वन

पहिला क्रमांक आजही चक दे ईंडियाचा आहे !

हे राम,, एवढा मोठ एक्सप्लेनेशन का ?????
मला गरज वाटते मी धागा काढला.बस्स एवढच लिहायच की रे.
>>>
अंकु, मी पर्ररफेक्शनिस्ट आहे

चित्रपट पहिल्यानंतर कोच इव्हिल आहे असे कोणाला वाटले असेल तर ते थोडे हास्यास्पदच आहे
>>>>>
सुमुक्ता, मी शोले बघून अमजद खानला किंवा मिस्टर इंडिया बघून अमरीश पुरीला इव्हिल समजत नाहीये.
फरक आहे

एक प्रश्न सर्वांनाच -

मायबोलीवर गडकरी प्रकरणावरून दोन धागे चालू आहेत.
पुस्तकांमध्ये थोर पुरुषांचा योग्य उल्लेख न केल्याने (मग ते खरे असो वा खोटे हे देखील महत्वाचे नाही) त्यावरून दंगे घडत आहेत.
तेच चित्रपटामध्ये एखाद्याबाबत तो प्रत्यक्षात तसे नसताना दाखवले जातेय, पण तो महापुरुष म्हणून नावाजलेला नसल्याने ते दिग्दर्शकाचे स्वातंत्र्य झाले. त्याने मुकाटपणे गप राहायचे.
असे का?

हे महापुरुषांवर पुस्तक लिहिणारे नाही का घेऊ शकत लिबर्टी?

दंगल चित्रपटाच्या परीक्षणाच्या आणि चर्चेच्या धाग्यांवर प्रतिसाद येताहेत आणि तिथे श्री यांनी हा "असली दंगल" वर धागा काढलाय तिथे कोणी लिहित नाहीये.... आणि तरी लोकं म्हणताहेत अमुक तमुक घडलेय हे दंगलचे यश

लोकं म्हणताहेत की चित्रपटाला व्यावसायिक यश मिळावे म्हणून सिनेमॅटीक लिबर्टी वापरावी लागते म्हणून कोचला व्हिलन रंगवले,
याचा अर्थ कोचची केलेली बदमानी हा सिनेमाचा सेलिंग पॉईंट असे समजायचे का

असं मला पिक्चर बघून वाटलं.
>>>>
एखाद्याला असे वाटणे शक्य आहे, पण दिग्ददर्शकाला वर मी नमूद केलेय तसेच दाखवायचे होते. हे वर्षानुवर्षे चालत आलेले सिंपल फिल्मी फंडे आहेत.

फेरफटका,
खेळात राजकारण चालते म्हणून तुम्ही प्रत्यक्षात प्रामाणिक माणसालाही त्याच पातळीचे दाखवणार का?

समजा जर महावीर फोगट यांनाच व्हिलन ठरवले असते. स्वत: कुस्तीपटू असून त्यांनी आपल्या मुलींना केवळ मुलगी आहे म्हणून कुस्ती खेळू दिले नाही. तरी मुलींनी कसे वडिलांचा अत्याचार न जुमानता त्यांच्या नाकावर टिच्चून मेडल मिळवले. असे दाखवले असते तरी ते चालले असते का?

किंवा बबिता फोगटने आपली बहिण गीता फोगटच्या यशावर जळून तिचा काटा काढायचे ठरवले असे दाखवले असते. तर ते देखील चालले असते का?

हे सारेच समाजात घडतेच

पैसा कमावणे हा माझ्यामतेही स्वार्थ नाही. पण अतिरीक्त पैसा कमवायला गैर मार्ग अवलंबणे, एखाद्याला खोटेच बदनाम करणे याला मी स्वार्थ समजतो.

प्रतीकात्मक गोष्टींना एक विशिष्ट चेहरा नसतो. ईथे तो आहे हा फरक आहे.

बरं, बरं, आता तुला सगळ्यातलं सगळं कळतं म्हटल्यावर प्रश्नच मिटला, नाही का?
>>>>
सॉरी फॉर लेट रिप्लाय सायो, काल आपली एक ओळीची पोस्ट नजरेतून निसटलेली.
चला ईतर सर्व सोडूया, एक प्रतीकात्मक उदाहरण घेऊया.
मला सांगा चित्रपटात आधी तिचे केस कापलेले दाखवणे आणि अकादमीत तिने ते वाढवणे आणि मग क्लायमॅक्स जवळ येताच पुन्हा ते कापणे हे नेमके कशाचे प्रतीक असावे? चित्रपटात हे नक्की का दाखवले असावे? तिचे केस छोटे असतानाचा परफॉर्मन्स चांगला आणि वाढलेले असतानाचा वाईट हा योगायोग होता की दिग्दर्शकाला यातून काही सुचवायचे होते?
(बाकी केस वाढवल्याने खेळावरून फोकस कमी होतो हे एक गंडलेले लॉजिक आहे हे महेंद्रसिंग धोनीने सप्रमाण सिद्ध केले आहे ती गोष्ट वेगळी.)

तसेच,
<<<<तिच्या वडिलांनी शिकवलेली टेक्निक्स आणि कोचने शिकवलेल्या वेगळ्या टेक्निक्समध्ये कन्फ्युज होऊन तिचा परफॉर्मन्स घसरतो असं मला पिक्चर बघून वाटलं.>>>>>>

हे नाही पटले. ती कन्फ्यूज नाही दाखवली. तर ती ठामपणे कोचच्या टेकनिकला फॉलो करते आणि हरते असे दाखवलेय. कोचच्या टेकनिक सिद्ध करायला खुद्द आपल्या वडिलांशी कुस्ती करते तिला कन्फ्यूज कसे बोलू शकता?

ओके नो प्रॉब्लेम, आपला प्रतिसाद धाग्यासाठी मोलाचा. त्यानिमिताने मला माझे विचार मांडता आले