Submitted by बेफ़िकीर on 26 December, 2016 - 11:13
सफर संपायला आली, उदासी व्यापते आहे
कधी संपेल ही शिक्षा, असेही वाटते आहे
किनारा शोधतो आहे कधीचा 'खास' लाटेला
तसे प्रत्येक उर्मीला कुणी शांतावते आहे
'अरे हा व्यर्थ गेला रे' असे माझेच मत नाही
निराळा जन्म आता लेखणीही मागते आहे
न काही वाचणे हा थोर दुर्गुण लेखकाचा पण....
न काही वाचणार्याचेच दुनिया वाचते आहे
'जिथे बुडशील तेथे थांबतो' कंत्राट सूर्याशी
जिथे राहीन तेथे ह्यामुळे अंधारते आहे
क्षितीजाएवढी अप्राप्य तू झालीस आताशा
नवल म्हणजे मनाला ही अवस्था सोसते आहे
नको त्या माणसाशी मी घरोबा ठेवला होता
असे प्रत्येक व्यक्ती बोलताना भासते आहे
खरे सांगायचे तर तो तसा कोणीच नाही पण
खरे तर जग तरी कोठे कुणी त्याच्यामते आहे?
==================================
-'बेफिकीर'!
विषय:
शब्दखुणा:
Groups audience:
Group content visibility:
Public - accessible to all site users
शेअर करा
व्वाह!
व्वाह!
>>>क्षितीजाएवढी अप्राप्य तू
>>>क्षितीजाएवढी अप्राप्य तू झालीस आताशा
नवल म्हणजे मनाला ही अवस्था सोसते आहे<<<लाजवाब शेर!
शेवटचा शेरही खूप आवडला!
व्वा...... !!!!
व्वा...... !!!!
क्षितीजाएवढी अप्राप्य तू
क्षितीजाएवढी अप्राप्य तू झालीस आताशा
नवल म्हणजे मनाला ही अवस्था सोसते आहे
...........
अप्रतीम सर...
तुम्ही हल्ली हे असे गंभीर,
तुम्ही हल्ली हे असे गंभीर, जड, दु:खी वगैरे वगैरे का लिहिता? काहीतरी विनोदी लेख लिहाल का? तुमचे जुने लेख वाचले आहेत ('राजश्री, कवी संमेलन, बायकोशी भांडण कसे काढावे वगैरे वगैरे). ---तुमचे सगळे लेख मला फार आवडलेले पण तेव्हा रोमात असल्याने प्रतिसाद दिले नाहीत. काहीतरी हलकेफुलके होउन जाउदे.
व्वा
व्वा