मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by vishal maske on 20 November, 2016 - 09:54
----------( शिवार स्वप्न )----------
बीज पेरल्या मातीमधी
अंकुर लागलं फूटायला
हिरवा शालु नेसुन जणू
धरणी लागली नटायला
देऊन मायेचं खात आज
नजरेनं ठोंबांना गोंजारलं
खुशी-खुशीने डोले पीक
पाहून जीवाचं मन भरलं
मना-मनातील आशेमधलं
शिवार लागलं फूलायला
उदार मनातील हेरलेलं हे
सपान लागलं जुळायला
या स्वप्नाचे माणिक मोती
शेता-शेतात चमकतील
पाहूनी यांना नजरेचे झोत
मनाच्या मनात ठुमकतील
शिवार पाहून खुलु लागले
सारे धरणी आईचे लेकरं
नशिबातल्या दारिद्र्याची
म्हणे चुकेल आता ठोकरं
विशाल मस्के
सौताडा,पाटोदा,बीड.
मो. ९७३०५७३७८३
* कविता नावासह शेअर करण्यास परवानगी
* सदरील कविता ऐकण्यासाठी आणि डेली वात्रटिका मिळविण्यासाठी व्हाटस्अप नंबर :- 9730573783
Groups audience:
Group content visibility:
Public - accessible to all site users
शेअर करा
छान
छान