मायबोली मास्टरशेफ - भरत. - मिर्चीवडा

साहित्य : जाड्या मिरच्या (खरं तर जाड्या बुटक्या सुबकठेंगण्या मिरच्या, पण मला नेमक्या जाड्याच पण चांगल्या उंचनिंच मिरच्याच मिळाल्या)
बटाटे, आलेलसूणमिरची वाटण, जिरे, कोथिंबीर, जिरे
बेसन, ओवा, फ्रुट सॉल्ट
मक्याच्या लाह्या
मीठ, तेल
मुख्य कलाकार :

कृती : एकेका मिरचीला उभी चीर देऊन आतल्या बिया काढून, त्या मीठ घातलेल्या गरम पाण्यात थोडा वेळ बुडवून ठेवल्या.
बटाटे उकडून सोलून कुस्करून त्यात आलेलसूणमिरचीचे वाटण, चिरलेली कोथिंबीर, जिरे, आमचूर, मीठ घालून नीट एकत्र करून घेतले.
मक्याच्या लाह्या मिक्सरमध्ये भरड वाटून घेतल्या. ही भरड एका ताटात पसरून ठेवली.
बेसनात मीठ, कडक तेलाचे मोहन, ओवा, फ्रूट सॉल्ट घालून भज्याच्या पिठासारखे भिजवून घेतले.
बटाट्याचे मिश्रण मिरच्यांमध्ये भरून त्या नीट बंद केल्या.

आता त्या बेसनाच्या पिठात बुडवून मग लाह्यांच्या भरडीत घोळवून घेतल्या.
त़ळून घेतल्या.
सोबत लसणाची चटणी आणि टमाटो केचप.