AIB ची किड - पुन्हा एकदा - आवरा आता यांना

दीपांजली,
खरंच. तो प्रवक्ता मला अत्यंत अपोलोजेटिक स्वरात म्हणाला की माझा मुलगा एआयबीचा फॅन आहे, त्यालाच मी क्लिपबद्दल विचारलं, मला काही हिंदुत्ववाद वगैरे समजत नाही, पण आमच्या पक्षाची ती लाईन आहे.

ते मोर इक्वल आहेत. ((तेंडूल/ मंगेश) कर) आणि/ किंवा ते पक्ष.
चिन्मय, असं असेल तर मग त्याला फुल्टू सपोर्ट. काम करणारी कंपनी भुक्कड प्रोडक्ट बनवते तरी आठवड्याला पेचेक पडतोय तर मी गपपणे कित्येकदा काम करतो की!!!

आपल्या महेशचा दिवटा काय रे तो ?

हा एआयबीचा व्हिडिओ नाही. तन्मय भटचा आहे. >>> That explains a lot. एआयबीचे मी पाहिलेले बरेचसे ब्रिलियण्ट होते. विमान प्रवास, लग्न, पिक्चर पाहणारे फॅन्स वगैरे. हा अगदीच भंकस आहे.

चिनूक्स +१.

हा व्हिडिओ टुकार आहे आणी त्याकडे दुर्लक्ष करावे हा साधा उपाय आहे.

राजकिय पक्ष व टीव्ही चॅनेल वाले यांना चघळायला विषय.

वरचे काही प्रतिसाद वाचले तरी मी तो जोक का टाकला हे कळेल. असा काही व्हिडियो आहे हे सचिन पगारेंच्या गावीही नव्हते. पण हा धागा वाचून यू टयूब वर जाऊन सर्च वगैरे मारून तो पहाणे हे सारे या धाग्यामुळेच. लोकांनी दुर्लक्श केले असते तर ते स्नॅपचॅट इतर लाखो स्नॅअपचॅट प्रमाणे विसमरणातही गेले असते. आता पोलिसांना तपासाचे काम !

मुंबई पोलिसांनी गूगलला हा व्हिडिओ ऑर्कुटवरून काढून टाकण्याची विनंती केली आहे

मुंबई पोलिसांनी गूगलला हा व्हिडिओ ऑर्कुटवरून काढून टाकण्याची विनंती केली आहे >>

विकू काल तुमच्या जोकला हसलो पण इथे हसायचं राहिलं.
नशीब, भारतात सर्विस देताय तर सेक्युरिटी की द्या नाही सांगितलं.

विनोदाचं वावडं आपल्याला नाहीच. लता मंगेशकर, सचिन यांच्यावर आधीसुद्धा कितीतरी कॉमेडी शोज मध्ये जोक्स केलेले आहेत. त्यांच्याविरुद्ध कधी कोणी बोलल्याचे आठवत नाही. असल्यास जरा संदर्भ द्या.

बऱ्याच स्टँड अप कॉमेडी शोज मध्ये आजकाल बऱ्याचदा अश्लीलच विनोद आढळतात. अश्लीलता आणि चिपनेस टाळून विनोद करता येत नाहीत का ?

The great Indian comedy circus मध्ये पण कित्येक सेलिब्रेटीज वर विनोद होते.

हिडीस विनोद करणे किंवा हीन पातळीवर विनोद करणे हे आक्षेपार्ह आहे. पण नेहमीप्रमाणे हा मुद्दा येतो कि अश्लीलता आणि हिडिसपणाची व्याख्या कोण आणि कशी ठरविणार ?

Orkut? I thought Orkut doesn't exist anymore
Snapchat story can stay online only for 24 hrs after publishing , vanishes after that !
Well, of course one can record , take screen shots and user can download own stories during 24 hrs .
Tanmay has posted his Snapchat download on his Facebook that's why it's going viral .

मागे एकदा एआयबी रोस्ट वरुन वान्दग माजले होतेच पण तेव्हा रोस्ट करुन घेणारे पण त्याला तयार होते त्यामुळे सगळा समन्तिचा आपखुशीचा मामला होता पण जे तन्मयने स्नॅपचॅट वापरुन केलय त्याला ना शेन्डा ना बुडुख,

वादाला दोनच बाजू असतात असे कशाला गृहीत धरतोस स्मित तू एखाद्या तिसर्‍या चौथ्या बाजूलाही असशील. >>> मी कोठे गृहीत धरले? उलट मीही असेच म्हणतोय की (इथे जरी तसे नसले तरी) विषयाच्या व्याप्तीप्रमाणे अनेक बाजू असतील.

माझा ईथेच आक्षेप आहे. हे कसले नक्की स्वातंत्र्य? एखाद्यावर संबंध नसताना अश्या भाषेत टिका करायचे? >> हो. कारण ते कंट्रोल करायला जाणे हा स्लिपरी स्लोप आहे. हे स्वातंत्र्य कोठपर्यंत अलाउड आहे आणि त्याच्या पुढे नाही हे कसे ठरवणार? साधा विनोद सुद्ध न खपणारे अतिसंवेदनशील लोकही अनेक असतात.

ॠन्मेष,
आवडत नाही तर बघु नका हा गंडलेला युक्तिवाद नाही, खरच उपाय आहे.
आवडत नसताना बघून / पब्लिसिटी देउन तुम्ही इनडायरेक्ट्ली जे आवडत नाहीत त्यांचा फायदा करून नक्कीच देताय, साधी गोष्ट लक्षात ठेवा : social media celebrities get paid based on number views/followers /hits .
झालच तर काँट्रोव्हर्सीमुळे बिग बॉस मधे स्थान मिळायची संधी , थोडक्यात भरभक्कम रक्कम मिळावून द्यायला तुम्हीच इनडायरेक्ट्ली मदत करताय.
़केवळ हा बीबी आल्यामुळे शोधून पाहिला मी तन्मयचा व्हिडीओ, त्यावर त्याची भूमिका काय पहाण्यासाठी स्नॅपचॅट वर फॉलो पण केलं मी तन्मय भट्ला :).
इतरही बर्याच लोकांनी या बीबी मुळे पाहिला असणार हा व्हिडीओ .
देशातल्या न्युज वाचून समज्तय कि अनेकांना स्नॅपचॅट म्हणजे काय हे पण माहित नाही, आता उत्सुकतेमुळे बर्याच लोकांनी स्नॅपचॅटही डाउनलोड केलं असणार !
सांगा , फायदा कोणाचा झाला ?

नुकताच न्यायालयाने निर्णय दिला आहे कि प्रधानमंत्र्यांना मूर्ख वा मंदबुद्धी म्हणणे हा देशद्रोहाचा गुन्हा असू शकत नाही. यावरून काय ते समजून घ्या.

>>कारण ते कंट्रोल करायला जाणे हा स्लिपरी स्लोप आहे. हे स्वातंत्र्य कोठपर्यंत अलाउड आहे आणि त्याच्या पुढे >>नाही हे कसे ठरवणार?

अगदी बरोबर. सरकार लोकांच्या अभिव्यक्तीस्वातंत्र्यावर अंकुश ठेवू पाहिल तर तो उपाय रोगापेक्षा भयंकर ठरेल. उदा. उद्या शिवसेना सत्तेवर आली आणि कुणी बा़ळासाहेब ठाकर्‍यांविरुद्ध ब्र जरी काढला तरी असला कायदा वापरून त्याला आत घालतील.

मी हा व्हिडियो पाहिलेला नाही, बघणार नाही. जे काही वर्णन ऐकले ते शिसारी आणणारे होते. लता मंगेशकर हे माझ्या लेखी एक श्रद्धास्थान आहे. एक वेळ लताबाईंचा आवाज तितकासा सुरेल नाही असे म्हणणे ऐकून घेईन. पण जवळपास ९० ला पोचलेल्या बाईच्या रुपाची टिंगल ही अत्यंत असंस्कृतपणाची आहे. मी जर ह्या इसमाचा बॉस असतो तर येन केन प्रकारेण काही तरी कायदेशीर खुसपट काढून त्याला नोकरीवरून अर्धचंद्र दिला असता. जर घरमालक असतो तर त्याला काही तरी कारण काढून जागा खाली करायची नोटिस दिली असती. रेस्टॉरंट मालक असतो तर त्याला सेवा नाकारली असती.

पण तरी खास असल्या नालायक लोकांकरता वेगळा कायदा बनवून त्यांना अडकवावे असे मला वाटत नाही.

शेंडेनक्षत्र +१.

>>हे म्हणजे बसस्टॉपवर एक बेवडा येतो. तिथे उभ्या असलेल्या महिलांसमोर काही अश्लील हावभाव करतो. आणि आपण त्यावर आक्षेप न घेता आपली मान वळवून बस कुठल्या नंबरची येतेय ते बघायचे. कमाल आहे.

ऋन्मेष, हे उदाहरणच मुळात गंडलेले आहे. एखाद्या बेवड्यने असे अश्लील हावभाव करून आपल्या फेसबूक वर टाकले आणी लोकांनी तो व्हिडोयो अगदी सर्च करून पाहिला व मग आमच्या भावना दुखावल्या हो ! असे म्हणून डोळ्याला पदर लावला हे जास्त योग्य उदाहरण आहे.

मी तो पाहिला नाही, पहाणरही नाही.

हे भावना दुखवणे जरा कमी करून घेतले तर बरे. मद्यंतरी कुणा रिकामटेकड्या माणसाने शिवाजी महाराजांचा फोटो मॉर्फ करून टाकला. ते पाहून "भावना दुखवल्या गेलेल्या" काही तरुणांनी मुसलमानांच्या झोपड्या जाळल्या. आपण असला मूर्खपणा करत असू तर पाकिस्तान ला आपल्यावर हल्ला करायचीही जरूरी नाही. अधून मधून असले फोटो टाकयचे, आपणच आपलादेश जाळून टकू.

ऋन्मेऽऽष | 1 June, 2016 - 02:41 च्या पोस्टला + हजारो.

मुर्खांचा असंस्कृतपणा बाजार आहे सगळा.

यापुर्वी तन्मय भट कोण हे किती लोकांना माहित होते? आता तो किती लोकांना माहित झाला? त्याला जे हवे ते साध्य झाले.

ऋन्मेष, मी तुझ्या मतांशी सहमत आहे.
>>>> मला व्हिडीओ आवडला नाही. काही शेरे आक्षेप घेण्यासारखे आहेत. पण जो बनवतो त्याचेही स्वातंत्र्य आहे - सचिन व लताला राग आला तर त्यांनी केस करावी. ती ग्राह्य वाटली तर न्यायालय काय ते करेल. <<<
फारेन्डा, तुझे हे वाक्य वाचल्यावर मला नुकताच आलेला एक फॉर्वर्डेड मेसेज आठवला. त्यानुसार, आशय असा की, जगात दुष्ट दुर्जन प्रवृत्तींकडुन होणारी हिंसा हा चिंतेचा विषय नसुन त्याबाबत सज्जनांनी मुक्याने शांत बसणे हे जास्त धोकादायक चिंताकारक आहे.
काये ना, की पुर्वी चौकाचौकात नुक्काड/अड्ड्यावर चार टवाळ मवाली पोरे बसलेली असायचीच, आजही असतात, मग येता जाता कुणालाही छेडछाड कर, घाणेरड्या बिभत्स अश्लिल कॉमेंट कर असे उद्योग चालायचे, आजही चालतात. फक्त फरक इतकाच पडलाय, की तथाकथित व्यक्तिस्वातंत्र्याच्या नावाखाली या भिकार** धन्द्यांना हल्ली "व्यासपीठ व प्रतिष्ठा" मिळवुन देण्याचा ठेकाही समाजातीलच काही हुच्चभ्रू विचारवंतांनी घेतलाय.
आदर्श, योग्य, नैतिक अशा शब्दांचा तिटकारा असलेले हे लोक चांगल्या वाइटाबद्दलची कसलीही चिकित्सा खपवुन घेऊ शकत नाहीत अन लगेच आले "संस्कृती रक्षक" म्हणून बोम्बा मारु लागतात. अन तेव्हा मात्र त्यांना लगेच "कायद्याचे राज्य" आठवते....
शेवटी समाजात येनकेनप्रकारेण अराजक माजावे अशाच हेतुने कोणत्याही कसल्याही वृत्ती/प्रवृत्तींना उत्तेजन देणारे हे समाजघटक, प्रत्यक्षात मात्र त्यांचे वेगळ्याच अजेंड्याकरता काम करीत असतात, व अशाप्रकारे श्रद्धास्थानांवर हल्ले करणे, हल्ला करणार्‍यांना संरक्षण देणे, त्यांच्या पाठीशी व्यक्तिस्वातंत्र्याच्या नैतिकतची(?) झुल पांघरुन उभे रहाणे, वेळेस असलेल्या कायद्यांचा सोईस्कर आधार घेणे इत्यादी गोष्टी करणे हे त्यांच्या इतिकर्तव्यतेतच असते. असो.

वर कोणतरी म्हणलय की कायद्यामार्फत काही होणार नाही - खटले टिकणार नाहीत. काय आधाराने म्हणलय काय की, पण हा सरळ सरळ "अ‍ॅब्युस" की कायसे से आहेच, व कोर्टात टीकू शकेल.
फक्त कॉन्ग्रेस गवताप्रमाणे माजत चाललेल्या अशा दु:ष्प्रवृत्तींविरुद्ध कोर्टात जाणे वगैरे वेळखाऊ बाबी करायच्या व त्यांना कोर्टामार्फत कायद्याने ठेचून काढायचे वा नाही , व ते कुणी करायचे हा प्रश्न आहे.

http://www.saamana.com/mainpage/shirish-kanekar-vinodch-naslela-vinod
हा शिरीष कणेकरांचा लेख वाचा. कणेकरांच्या लताभक्तीबाबत कुणाला शंका असायचे कारण नाही. त्यांनीही अशा तथाकथित विनोदाबद्दल घृणा व्यक्त केली आहे. पण ह्यावर चर्चा करून, त्याविरुद्ध कोर्टात केस करुन आपण असल्या नालायक लोकांना संजीवनी देत आहोत. ह्या क्षुद्रपणाकडे दुर्लक्ष हाच एक उपाय असेच म्हटले आहे.

रस्त्यात उभे राहून टिंगल, कॉमेंट करणे आणि हे प्रकरण ह्यात मोठा फरक आहे. रस्त्याने येणे जाणे आपण टाळू शकत नाही. रोजचे व्यवहार करायला ते करावेच लागते. पण ह्या हीन लोकांनी तोडलेले तारे हे कुठल्याशा वेब साईटवर आहेत. अगदी यूट्युबवर असली तरी अन्य लाखो, करोडो व्हिडियोपैकी एक अशी ती क्लिप आहे. ती साईट जोरजबरदस्तीने आपल्या समोर आणली जात नाही. आपल्या रोजच्या कामात ब्राउजर उघडला की ती क्लिप बघावीच लागेल असा काही व्हायरस ह्या हलकट लोकांनी बनवलेला नाही. त्यामुळे ह्या क्लिपकडे पूर्ण दुर्लक्ष करणे सहज शक्य आहे.

shendenaxatra +1

शेंडेनक्षत्र - सहमत.

लिंबू - तुझी पोस्ट म्हणजे दिशाभुलीचे उत्तम उदाहरण आहे. मी लिहीले आहे काय आणि तू आरोप कसले करतोयस. असंबद्ध व चुकीची उपमा वापरून मूळ मत कसे चुकीचे आहे हे दाखवण्याचा प्रयत्न - यालाच स्ट्रॉमॅन आर्ग्युमेण्ट म्हणतात.

पहिले म्हणजे सर्वात सिरीयस - "विचारस्वातंत्र्याच्या कायद्याचा सोयीस्कर आधार"- मी विचारस्वातंत्र्याच्याच बाजूने कायम मत दिलेले आहे. वाहते बाफ सोडले तर बाकी सगळ्या पोस्ट्स माबोवर सहज सापडण्यासारख्या आहेत. कोठे दिसले तुला उलटे मत?

दुसरे म्हणजे चौकातली मवाली पोरे. त्याचा इथे काय संबंध. हा तन्मय भट काही हातात फोन धरून तुमच्या समोर येताजाता आलेला नाही की माझी ही क्लिप बघा. इंटरनेट च्या कोणत्यातरी कोपर्‍यात ती फिल्म आहे. आवर्जून ती बघितली नाहीत तर तुम्हाला कसलाही उपद्रव नाही. त्यामुळे मवाल्यांचे उदाहरण पूर्ण चुकीचे आहे.

दुष्ट प्रवृत्तींकडून होणारी हिंसा व सज्जनांनी शांत बसणे - पुन्हा एकदा पूर्ण असंबद्ध.

हे लोक चांगल्या वाईटाची चिकित्सा खपवून घेउ शकत नाहीत? कोणी रोखले आहे. उलट मीच म्हणतोय की तो व्हिडीओ भंकस आहे. तुम्ही निघालात त्यांना "अद्दल" वगैरे घडवायला, तो ही सरकारी/कायदेशीर मार्गाने नाही. त्याला विरोध केलाय.

शेवटी समाजात येनकेनप्रकारेण अराजक माजावे अशाच हेतुने कोणत्याही कसल्याही वृत्ती/प्रवृत्तींना उत्तेजन देणारे हे समाजघटक, प्रत्यक्षात मात्र त्यांचे वेगळ्याच अजेंड्याकरता काम करीत असतात, व अशाप्रकारे श्रद्धास्थानांवर हल्ले करणे, हल्ला करणार्‍यांना संरक्षण देणे, त्यांच्या पाठीशी व्यक्तिस्वातंत्र्याच्या नैतिकतची(?) झुल पांघरुन उभे रहाणे, वेळेस असलेल्या कायद्यांचा सोईस्कर आधार घेणे इत्यादी गोष्टी करणे हे त्यांच्या इतिकर्तव्यतेतच असते. असो. >>> महान आहे हे. विचारस्वातंत्र्य हे अराजक, तर जनरल पब्लिक ने इतर लोकांना "अद्दल घडवणे" हे नैतिक व समाजहितकारक! नागरिकशात्रातील एक दोन धडे मी गाळलेले दिसतात.

ह्या क्षुद्रपणाकडे दुर्लक्ष हाच एक उपाय असेच म्हटले आहे.>> नाही पुर्ण वाचा!
पण काहीच अ‍ॅक्शन घेतली नाही तर तन्मय भट्टच्या वृत्तीचे आणखीही विनोदवीर (?) पुढे येतील व मन चाहेल ते बकतील. तन्मयला मोकळं सोडल्यावर या मंडळींना कुठल्या तोंडानं तुम्ही वेसण घालणार? हे असंच चालू राहणं देशाच्या संस्कृतीला घातक नाही का? वेळीच ही विषवल्ली चेचून टाकली की ती फोफावणार नाही. तन्मय भट्ट महत्त्वाचा नाही पण त्यानं दाखवलेली वृत्ती हाणून पाडलीच पाहिजे. आपापल्या क्षेत्रात शिखरावर पोहोचलेल्या व त्यासाठी उभं आयुष्य वाहून घेतलेल्या महामानवांच्या अंगावर विनोदाच्या आवरणाखाली कोणाही भडभुंजानं चिखलफेक केलेली खपवून घेता कामा नये. म्हातारी मेल्याचं दु:ख नाही पण काळ सोकावतो. तन्मय भट्ट सुटल्याचं दु:ख नाही पण ही वृत्ती सोकावते.

सोशल मिडियाचं प्रोलिफरेशन एव्हढं झालंय कि कोणतीहि वादग्रस्त बातमी (टेक्स्ट, क्लिप, ट्विट) तुमच्यापर्यंत पोचतेच, ती उघडु नका, बघु नका म्हणणे हा भाबडेपणा आहे. पण एक सुजाण नागरीक म्हणुन तुम्ही अशा बातम्यांना काडीचीहि किंमत न देता दुर्लक्श जरुर करु शकता...

लिंबू - तुझी पोस्ट म्हणजे दिशाभुलीचे उत्तम उदाहरण आहे. >>>

वाचली वाटतं

वाचली वाटतं >>>>

....

चिनूक्स्, तो पॅरा कणेकरांच्या लेखात आहे.