Submitted by संतोष वाटपाडे on 8 May, 2016 - 06:39
पुसून ओठ शेवटी प्रिया निघून जायची
बराच वेळ पावले नशेत अडखळायची...
म्हणून सांगतो व्यथे रडायचे शिकून घे
सहीष्णुता तुझी इथे कुणास ना कळायची...
जळून जायचा जरी पतंग ज्योत चुंबुनी
समर्पणात त्या मिजास केवढी असायची...
असेल त्या घरात फ़ास घेतला कुणीतरी
म्हणून भाकरी घरास पोटभर मिळायची..
तिला रफी उदास अन किशोर आवडायचे
तरी समोर माझिया गुलाम गुणगुणायची..
लबाड एवढी कशी असेल ओढणी तिची
मला समोर पाहुनी उगाच फडफडायची...
जखम हवीच एक.. जीवनास कैफ़ यायला
अशक्त वेदना मनातली किती पुरायची...!
-- संतोष
विषय:
शब्दखुणा:
Groups audience:
Group content visibility:
Public - accessible to all site users
शेअर करा
व्वाह, अनेक शेर आवडले पतंग
व्वाह, अनेक शेर आवडले
पतंग सुपर
वाह वा उदास कि उधास हो?
वाह वा
उदास कि उधास हो?
धन्यवाद जयदिपजी आणि
धन्यवाद जयदिपजी आणि वैवकू.....उधास कि उदास मलाही मैत नै....
उधास* - पंकज उधासचा उल्लेख
उधास* - पंकज उधासचा उल्लेख असल्यास.
ओळी ओघवत्या आहेत काही.
पतंग आणि ओढणी व्वा मस्त शेर
पतंग आणि ओढणी
व्वा मस्त शेर