उंबरा मनाचा

उंबरा मनाचा

विखरून रंग प्रितिचा साऱ्या वनात होता
बेरंग विरह वाटे ओल्या दवात होता

कापून छान खुबिने तो केस त्यास गेला
गफलत गळ्यास नव्हती विश्वास घात होता

होते उभे पिठोरी का चांदणे मनाशी
हा उंबरा मनाचा जेव्हा उनात होता

होणार काय त्याचे माहीत त्यास होते
जात्यातला तसाही आधी सुपात होता

मी उखडणार नव्हतो त्या वादळातही ,,पण
गेला सुटून जोही हातात हात होता !

विलास खाडे