डोनट्स!

पूनम बाकि तोंपासु पाकृ टाकणार्‍यांना मी एकवेळ माफ करीन, पण तु ही डोनट ची पाकृ आणि असले किलिंग फोटो टाकून फार मोठं पाप केलं आहेस.
माझ्या नावची चित्रावळ लवकरात लवकर काढून ठेव नाहीतर तुझं पोदु नक्की.

डोनट हा भयंकर आवडता पदार्थ आहे. कोल्हापूरला भारत बेकरीचा डोनट अशाच आकाराचा आणि आत गोड लोणी/क्रिम लावलेलं असायचं. बाबा अजूनही येताना डोनट आणू काय विचारतात. पण इथे येईतो ते बर्‍यापैकी शिळे होतात. पण चव अस्सल...

उम्म! सगळ्या जुन्या आठवणी ताज्या झाल्या.

फेसबुक वर विडीओ येतात त्यात रेनबो केक चे बॅटर सारखे घेउन डोनट बनवले आहेत. फारच रंगीत दिसतात ते. आणि एकात एका बाईने मटारा एवढे गोळे घेउन डोनट बनवले आहेत व चमच्याएव ढी कढई गरम करून त्यात तळलेतनी. काय गंमत. खाली गॅस म्हणून टीलाइट ठेवला आहे.

हेच बरे.

मी करून पाहिले डोनट ...छान झाले फक्त किती जाड ते नक्की न कळल्यामुळे थोडे बारीक झाले .... नेक्स्ट टाईम चूक सुधारेन ... रेसिपीसाठी खूप खूप धन्यवाद ☺

हो पूनम. आता आला अंदाज पुरीच्या जाडीचा. बघते करून. डिट्टेल शंकानिरसनासाठी आणि रेसिपीसाठी धन्यवाद

ह्यावेळी परफेक्ट जमले

लेक तिच्या शाळेत घेवून गेलेली .. सगळे फ्रेन्ड्स खूश... थॅन्क यु अगेन

तुम्ही सगळे जबरदस्त कलाकार आहात. एकदम दुकान डोनट बनवता

वॉव विनार्च! काय मस्त दिसत आहेत डोनट्स.

हायला !! सहीच

वॉव, विनार्च, काय दिसतायंत डोनट्स !!
त्या छोट्या चांदण्या भारतात कुठे मिळतात ? आम्ही युकेत छोटे फेअरी कपकेक्स खायचो त्यावर असायच्या अशा चांदण्याच चांदण्या

विनार्च, यम्मी दिसतायत डोनट्स!! फ्रॉस्टिंग खूप क्यूट दिसतंय

घरात ड्राय यीस्ट , ब्रेड ईम्प्रोवर आणि मैदा सोडून सग्गळ्ळं सग्गळ्ळं आहे .
अगदी स्प्रिन्कलर्स आणि चॉकलेट सॉस ( व्हाईट आणि दार्क ) सुद्धा आहे .
फक्त मुहुर्त नाही .

एक प्रश्न आहे : जर ब्रेड इम्प्रोव्हर नाही वापरला तर काय फरक पडतो ???

घरात ब्रे. इ. शिवाय सगळ आहे,अगदी ड्राय इस्ट सुध्दा . तर बन्तील का

अधिक टीपा लिहीलेल्या वाचा ना लोकहो.
विनार्च, सुपर डुपर डोनट्स.

ब्रे.इ. नसेल तर फुगत कमी असतील.. असो, कुठे मॉलमधे मिळाले तर पहाते.

विनार्च, सुपर डुपर डोनट्स +१

एक प्रश्न आहे : जर ब्रेड इम्प्रोव्हर नाही वापरला तर काय फरक पडतो ???>> ब्रेड इम्प्रोव्हर वापरायचे नसेल तर पिठ जास्त वेळ रेज करायला ठेवायला हवे तसेच डोनट्स तळण्यापुर्वी जरा रेज होऊ द्यायचे .
मी सिनॅमन रोल्ससाठी तयार केलेल्या पिठाचे तळून आणि भाजून दोन्ही प्रकारचे डोनट्स करून पाहिले. चवीला दोन्ही छान झाले होते. भाजलेले जरा आकाराने कमी झाले होते.

अधिक टीपा लिहीलेल्या वाचा ना लोकहो. >>>> वाचल्या की आशुतै .
म्हणूनच विचारलं की नाही वापरलं तर काय फरक पडेल ??
वापरलं नाही तर चालेलं का ? असा प्रश्न नाही आहे .

विनार्च, तुमचे डोनट्स अगदी प्रो दिसत आहेत. मस्तच.

मस्त दिसताहेत डोनट्स.. करुन बघेन.
अगो, त्या चांदण्या मुंबईत असाल तर क्रोफ़र्ड मार्केटला मिळू शकतील.

मी नाही वापरलं ब्रेड improver ... मिळालंच नाही कुठे ... बाकी कृती सेम टू सेम केली ...
क्रोफ़र्ड मार्केटलाच मिळाल्या चांदण्या
धन्यवाद! कौतुका बद्दल __/\__

काय दुकानस्टाईल डोनटस दिसत आहेत.

मी नाही वापरलं ब्रेड improver ... मिळालंच नाही कुठे ... बाकी कृती सेम टू सेम केली ...
>>>> धन्स विनार्च . हुरुप वाढला . गुड फ्रायडेचा मुहुर्त धरावा म्हणते .

ब्रेड इम्प्रूव्हर नसेल तर खाण्याचा सोडा घाला. >> छान. करून बघतेच आता.

या विकांताला करणे झाले . सोप्या क्रुतीला , अवघड करणे आम्हाला चांगलेच जमते .
थोडक्यात , डोनटस चवीला चांगले झाले होते . पण काही म्हणता फुगले नाहीत .
घारग्यांसारखे दिसत होते . दूसरं म्हणजे खुसखुशीत झाले नाहीत .
ताटात पडल्यावर लगेच मान टाकली त्यांनी .

माझं RCA :
पूनमनी पाव किलोच्या प्रमाणात , १६ चे प्रमाण दिले होते .
मी निम्मी सामग्री घेतली . त्या हिशोबाने ८/१० च करायला हवे होते . मी १४/१५ केले , आकार थोडा कमी ठेवला .
बहुतेक जाडी कमी झाली लाट्यांची .
अजून थोड्यावेळ 'रेज' करत ठेवायला हवे होते . लवकर तळायला घेतले.

पण जाणकार आणखी काही प्रकाश टाकू शकतील का?
एक-दोन आठवड्यात परत एक प्रयत्न करायचा विचार आहे .

लॉकडाऊन मध्ये कोणी केले की नाही डोनट्स. यीस्ट नाहीये घरात. तूनळीवर असंख्य व्हिडीओ आहेत बिना यीस्ट वापरून अमुक नी ढमुक, बघितले नाहीत अजून. काय पर्याय आहे का यीस्टला आणि तसेच फुगतील का. ब्रेड इम्प्रोवर तर अर्थातच नाहीये.