डिजिटल सावली
काळी सावळी असली म्हणून काय झाले?
माझे, माझ्या सावलीवर बेहद्द प्रेम आहे.
कारण तीची-माझी पक्की सोयरीक आहे.
बर्या-वाईट दिवसात, रात्री-बेरात्रीही.
माझ्या मनात वादळ घोंघावते,
त्याच्या लाटा तीच्या अंगावर खळाळतात.
आमच्यातील अनुबंध कालातीत आहेत,
वादी-संवादी सुरांची जोडी जशी पुरातन आहे.
आताशा मात्र तीचे अगदीच बिनसलेय,
सारखी फुंरगटून बसते, चिड-चीड करते.
तीला कुरंगी रहायचा कंटाळा आलाय,
एव्हढेच नव्हे, तीला आता डिजिटल व्हायचेय.
"ब्लक अँड व्हाईटचा जमाना गेला,
त्यालाहि एक जमाना झाला," म्हणते.
कुणीतरी आपल्यावर लादलेला बेरंग झुगारून
करून पहावे मिक्स अँड मॅच, तिला वाटते.
"कसल्या संवेदना आणि स्पंदने घेउन बसलायस,
कुठल्या श्रद्धा अन मूल्यांसाठी डोळे ढाळतोयस?
आज-काल सायबर स्पेस मधे सारे काही मिळते,
डिजिटल फोर्मॅट मधे, रेकॉर्डेड असते.
'एडिट' होते, 'सेव्ह' किंवा 'डिलिट' ही होते
'कट अँड पेस्ट'हि सहज करता येते.
तुझी नव-निर्मिती एथे हवीय कुणाला?
जरा सायबर कॅफे मधे जाउन तर पहा.
आपण फक्त 'डायल अप' करायचे,
काय हवे ते 'डाऊन-लोड' करून घ्यायचे.
तुझे म्हणजे अगदीच जुनाट खोड झालेय,
तू तरी बदल, नाहीतर मला फारकत तरी दे."
-बापू करंदीकर
http://www.maayboli.com/hitguj/messages/119403/93167.html?1134123268
