पणजी आज्जीच्या रेसिपिज - तिखटा-मिठाचा सांजा, जनसेवा स्टाईल (फोटोसकट)

Barr

अवनी

सविस्तर पाककृतीसाठी अत्यंत आभारी आहे. इथे फोटो टाकता येत नाहीये, पण मी शनिवारी करुन पाहिला हा सांजा .
उत्तम चव आली होती.

खूप खूप धन्यवाद. लोखंडी कढईत केल्याने खरंच फरक वाटला चवीत.

अशा मऊसूत सांज्याच्या फार दिवस (वर्षं) शोधात होते. तुमच्या मुळे हा भाग्ययोग आला.

आमच्याकडे तर सणावाराला गावाहून आलेली लोकं जमली घरची आणि कांदालसूण खायचा नसेल तर हा सांजा असतोच.

नाही. तिन्हीसांजा बनवतात म्हणून तर तो सांजा.>>>

आमच्याकडे तर सणावाराला गावाहून आलेली लोकं जमली घरची आणि कांदालसूण खायचा नसेल तर हा सांजा असतोच.>> म्हणजे कांदालसूण हा एक फरक आहे उपम्यात आणि सांज्यात? कारण मी उपम्यात कांदा आणि (आल-लसूण पेस्ट) वापरतो.

दुर्दैवाने जनसेवा आता बंद झाले. >>>> डेक्कनवर आहे ना चालु जनसेवा संभाजीपुतळ्याजवळ. नुकतीच जेवलेय तिथल..

३-४ मिनिटांनी एक दणदणीत वाफ आली की >>> माझ्या माहेरचा शब्दप्रयोग आणि रेसिपी पण तिकडचीच. साबा पूर्वी करायच्या पण आमचे चुलत सासरे त्याला आमटीतल उप्पीट म्हणुन चिडवायचे. मग त्यांच्या साबांनी त्यांना वेगळ्या पद्धतीने शिकवला आता त्या तसा करतात.

डेक्कनवर आहे ना चालु जनसेवा >> ते जनसेवा वेगळं. तिथे थाळी मिळते. लक्ष्मी रस्त्यावर जनसेवा दुग्धालय असं दुकान होतं, ते उपहारगृह होतं. मोजकेच पण उत्तम महाराष्ट्रीयन पदार्थ इथे मिळायचे. आता त्याच जागी वामन हरी पेठेंचं दुकान सुरू झालं आहे.

ऑथेंटिक रेसिपी. आई, सासूबाई कशाला, मीही अगदी अशीच करते. यात दाणेही घालते. आलं आणि लिंबाचा स्वाद मस्त येतो याला.

पण या तिखटमीठाच्या सांज्यापेक्षा उपमा अधिक आवडतो

तिन्हीसांजा बनवतात म्हणून तर तो सांजा.>>> खरं की काय?

मॅगी, ते नजरेतून सुटले माझ्या.

अमित, भा.रा. तांब्यांनी व्याकरणात चुक केली. 'तिन्हीसांजा सखे मिळाल्या' च्या ऐवजी 'तिन्ही सांजा सखे मिळाला' असे हवे होते ते.

मेधे कधी येऊ खायला?
तु माझ्या घरी केलेल्या उपम्यात वाटिभर ताक घातलं होतंस.

जनसेवा दुग्धालय - साखि, साव, खरवस, आंबावडी, दूध तर होतेच, सगळेच सुंदर चवीला.
खिचडी संपली, असा बोर्ड लावायचे सुरुवातीला आणि नंतर फक्त सोमवार गुरुवार शनिवार संपेपर्यंत असा काहीसा बोर्ड लावायचे.

भाआआआरी रेस्पी:-)

काय मस्त लिहिलं आहे.

करुन बघणार आहे लवकरच. चिमूटभर तीळ, ओवा आणि सुकं खोबरं हे घटक उपम्यात खाल्ले नाहीयेत. त्याची चव इमॅजिन करुन छान वाटतंय.

हायला माधव खरंच की!!!
ते गाणं सांजा मिळाल्यावर प्रियकर तो कसा हृदयाला जीवे अधिक हवाय ते सांगतोय. पुढेही बघा की, 'कनकगोल हा' म्हणजे गोल दाणेदार मोहोरी आणि 'मरीचिमाली' म्हणजे मिरची मारून 'जोडी जो सुयशा' म्हणजे असा तिन्ही गोष्टी घालून सांजा केला (इथे शेल्षही आहे बरंका) की त्यात यश हे आलंच म्हणून समजा.
पुढेही रस जसा द्राक्षात, पाणी जसे मोत्यात इ. मधून त्यात साखर, पाणी त्याचं प्रमाण सगळं सगळं सांगितलं आहे. द्राक्षासवाबरोबर घ्यावा असाही गर्भितार्थ आहेच. वा वा.
तांबे माफी करा. (इतके दिवस हे समजलंच नाही म्हणून)

मस्त रेसिपी ! नक्की करणार.

लिहीण्याची पद्धत एकदम आवडली. आजीच्या तोंडून रेसीपी ऐकतेय असंच वाटलं. काल रेसीपी वाचल्यावर लक्षात आलं की कित्येक दिवसात सांजा केला नाहीये. लगेच घरी गेल्यावर करून खाल्ला.
पूनम म्हणाली तसं मी पण दाणे घालून केला.

जसा आहे तसा केला फक्त मीठ चढं घाला ही टीप फॉलो केली नाही. ती केली असती तर अजून छान झाला असता.
पुढच्या वेळी आणखी नीट वाचून कुठेही लक्ष न देता केला पाहिजे.

एंजॉय.

हो सांजा छानच दिसतोय ..

पण मला वाटलं होतं की ही रेसिपी मऊसूत, ओल्या उपम्याची/सांज्याची असेल .. वेका, तुझा सांजा छानपैकी खमंग भाजून जरा मोकळा मोकळा दिसतो आहे ..

क्वेरी क्विन आत्ता आठवलं मी शेवटचं तूप घालायला (भुकेमुळे) विसरले आहे. लिहिलं आहे नं वरती की पुढच्या वेळी कुठेही लक्ष देणार नाही

आभार्स मेधावि पुन्हा एकदा ही रेस्पि माझ्यापर्यंत पोहोचवल्याबद्द्ल. मला आठवत पण नाही मी या चवीचा सांजा खाल्ला आहे का? आमच्याकडे अशा नाश्ता आयट्म्स मध्ये कांदा आणि भाज्यांमध्ये बटाटा घालून वाढवावाढवी केली नाही तर फाउल असावा

वेका.. व्वा..मस्तं दिस्तोय सांजा... स्लर्प!!

मस्त दिसतो आहे चिनी वाडग्यातला सांजा.

वेका, मस्त दिसतोय सांजा.

हळद नाही का घातलीस?

हल्लीच्या हल्ली हा सांजा दोनदा करुन पाहिला. मुलीला उपमा अज्ज्जाबात आवडत नाही पण ह्या सांज्याचा पहिला घास तोंडात जाताच मान हलवुन म्हणाली 'शाळेत अगदी अस्साच उपमा मिळायचा'. पदार्थ तिच्या शाळेत मिळायचा तसा झाला म्हणजे पदार्थ चांगला झाल्याचे शिक्कामोर्तब झाले बाकी तिला खाण्याशी मतलब, सांजा, उपमा, उप्पीट हवे ते मह्णा, तिला फरक पडत नाही. मी हा सांजाच असे ठासुन सांगितले.

खुप खुप आभार पणजी आज्जीची रेसिपी आवर्जुन इथे दिल्याबद्दल.

करायला पाहिजे.

कित्येक वेळा नुसते माय्बोलीवर पदार्थ आलेत पाहूनच अगदी विस्मरणात गेलेले पदार्थ केले जातात.

बरीच मोठी लिस्टाहे.

मउ लुसलुशीत सांजा आजीच्या हाताचा मिळणं हे नशीबच आहे तुमचं.

खूप वर्षे झाली हा खावून. आठवतही नाही चव. आता फक्त उपमाच करतो चणाडाळ व उडीदडाळ घालून.

डी, ही सुचना बघ. मी हाच रंग असेल अशी कल्पना करत होते.
>> हळद फार नाही घालायची. जर्द पिवळ्या रंगाचा सांजा चांगला दिसत नाही. हळद जरा बेतानंच घालायची,

बीराव, गुड कँच कुणीतरी भारतीय मातीच्या वाडग्यातला फोटु टाका बरं

बरोबर खायला मिरगुंडं तळून द्यायची...अहाहा आत्ताच तोंडाला पाणी सुटलंय... yummi..

मेधावि, धन्यवाद ह्या रेसिपीबद्दल. फार मस्त होतो. शाळेतले चटपटीत जेवण जेवायला सरावलेल्या माझ्या मुलाला हल्ली आपले साधे पदार्थ आवडेनासे झालेत. आज नाश्त्याला काय करु असे विचारल्यावर त्याने तो त्या दिवशीचा उपमा कर असं सांगितलं चक्क