मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
अलीकडेच मुंबईच्या 'पंचम पुरीवाल्या'विषयीचा व्हिडीओ पाहिला. त्यात दाखवलेली-अनेक रसदार आणि कोरड्या चटपटीत भाज्या तसेच वेगवेगळ्या प्रकारच्या पुऱ्या असलेली थाळी - वेड लावून गेली. मग डोसक्यात तीच थाळी, आज सकाळी मोकळा वेळ मिळाल्यावर त्या थाळीची घरगुती नक्कल करून पाहिली. अर्थात चार पाच भाज्या करणे शक्य नव्हते पण साध्या आणि पालक पुऱ्यांसोबत मटार-बटाटा गरम मसाला रस्सा, भोपळ्याची नारळाच्या रसातील भाजी, गुजराती कढी आणि गाजर-टोमॅटो कोशिंबीर असा मेन्यू ठरवला.
यातली भोपळ्याची नारळाच्या रसातील भाजी खास आवडून गेली. एका मित्राकडून ही रेसिपी नुकतीच कळली होती.
------------------------------------------------------------------------------------------
साहित्य :
भोपळा - सालासकट मोठ्या फोडी केलेला पाव किलो, एक मध्यम कांदा बारीक चिरून, जिरे - एक टी स्पून, हळद- पाव चमचा, तिखट एक टी स्पून अथवा चवीनुसार, कढीलिंब- सात आठ पाने, बिया काढून उभी चिरलेली एक छोटी हिरवी मिरची
वाटणासाठी: पाऊण वाटी खोवलेला ओला नारळ, अर्धा टी स्पून मोहरी, चार लसूण पाकळ्या, एक मसाला वेलदोडा, दोन तीन लवंगा, पाव इंच दालचिनी, तीन-चार मिरीदाणे, अगदी थोडी कोथिंबीर (ऑप्शनल)
कृती:
वाटणाचे पदार्थ थोड्या पाण्यासोबत मिक्सरमधून बारीक करून घ्यावे.
प्रेशर पॅन अथवा छोट्या कुकरमध्ये एक टेबलस्पून तेल गरम करावे, त्यात जिरे घालावे, कढीलिंब आणि हिरवी मिरची घालावी, कांदा घालावा. कांदा गुलाबी परतला की भोपळ्याच्या फोडी, हळद आणि तिखट-मीठ घालून चांगले परतावे.
दोन वाट्या पाणी घालून झाकण लावावे आणि एक शिट्टी काढावी.
वाफ गेल्यावर झाकण उघडून वाटण घालावे आणि गरज असल्यास थोडे पाणी वापरून भाजी हवी तितकी पातळ करून घ्यावी.
मंद आचेवर दोन तीन मिनिटे शिजवावी.
थाळीचा फोटो:
(गुजराती कढी नेहमीच्या महाराष्ट्रीयन कढीहून किंचित जास्त दाट आणि गोड असल्याने तिखट मसालेदार भाज्यांना छान संतुलित करते असे जाणवले. मटार-बटाटा रस्सा साध्या गोड्या मसाल्यातील वाटणाशिवाय आहे, दाटपणासाठी उकडलेला बटाटाच कुस्करून लावला आहे.
पुऱ्यांऐवजी वेगवेगळे मिनी पराठे करून ब्रंच पार्टीसाठी वगैरे जास्त हेल्दी ऑप्शन ठेवायचाही विचार करता येईल).
वॉव !!! तोंपासू दिसतय ताट
वॉव !!! तोंपासू दिसतय ताट
अरारारारा.. नका रे भूकेच्या
अरारारारा..
नका रे भूकेच्या वेळी असले थाळीचे जीवघेणे फटू टाकत जावू..कुट फेडसान पापं...
ताट मस्त दिसतय !!
ताट मस्त दिसतय !!
मस्त दिसतोय
मस्त दिसतोय मेन्यू.
भोपळ्याच्या भाजीतल्या वाटणाकरता मोहरी वाटायची? कडवट टेस्ट नाही येत?
फोटोत "लाल" भोपळा उर्फ ज्याला
फोटोत "लाल" भोपळा उर्फ ज्याला आमच्याकडे गंगाफळ अथवा काशीफळ म्हणतात ते आहे.
नाही होत कडवट, पण यावरून आधी
नाही होत कडवट, पण यावरून आधी मोहरीचे प्रमाण एक टीस्पून लिहिले होते हे लक्षात आले
ते अर्धा टी स्पून हवे, सुधारलेय
थोडीच घ्यायचीय मोहरी
मस्त आहे मेन्यू! ताट सही
मस्त आहे मेन्यू! ताट सही दिसतंय.
छान कृती. थाळी कलरफुल.
छान कृती. थाळी कलरफुल.
वॉव, वेगळीच आहे कृती..
वॉव, वेगळीच आहे कृती.. भोपळ्या ची बाखर भाजी आवडते, ही पण आवडेल बहुतेक..
Hayala jabaree disatey
Hayala jabaree disatey ThaLee!
Mala aadhee dudhee bhopalyachee bhajee vatalee. Na du madhalee dudhee chee bhajee pan jabaree lagate. HaLad takayachee nahee.
Ya bhoplyala aamhee dangar mhanato.
छान दिसत्येय.
छान दिसत्येय.
भारी दिसत आहे भाजी. करून
भारी दिसत आहे भाजी. करून बघण्यात येईलच
वा! केरळी पद्धतीचे नारळाच्या
वा!
केरळी पद्धतीचे नारळाच्या दुधातील रस्सा भाज्या : http://mariasmenu.com/vegetarian/vegetable-stew
परंतू आताच्या पंजाबी/चाइनिज पद्धतीचे पदार्थ खाणाय्रा पिढीला असले पदार्थ आवडत नाहीत.
थाळी मस्त दिसतेय.
थाळी मस्त दिसतेय.
थाळी मस्त दिसतेय. भोपळा
थाळी मस्त दिसतेय. भोपळा (आता) आवडीचा असल्यानं नक्की करून बघेन.
अमेय, तुमच्या पाककृती आवर्जून
अमेय, तुमच्या पाककृती आवर्जून करून बघते. छान असतात. आज ही भाजी केली. फारच मस्तं झालीय चवीला. एरवीच्या बाकरभाजीपेक्षा अगदी वेगळी चव आहे, पण खूप आवडली. कदाचित पुढल्या वेळी करताना प्रेशरकुक करण्यापेक्षा भोपळ्याच्या कापट्या सुट्या शिजवेन. वाटणात थोडी कोथिंबीर घेतल्यामुळे किंचित हिरवा रंग आला.
पाककृतीसाठी धन्यवाद!
धन्यवाद मृण्मयी, असं कुणी
धन्यवाद मृण्मयी, असं कुणी करून बघितलं आणि आवडलेलं सांगितलं की हायसं वाटतं.
हो, भोपळा जास्त शिजेल अशी भीती मलाही होती म्हणून शिट्टी आल्यावर मी लगेच वाफ काढून झाकण उघडून टाकले त्यामुळे फोडींचा आकार शाबूत राहिला, आणि फोडी थोड्या मोठ्याही केल्या होत्या.
असं कुणी करून बघितलं आणि
असं कुणी करून बघितलं आणि आवडलेलं सांगितलं की हायसं वाटतं. >> +१
मृण्मयी,
ग्रेट आहे तू..लगेच बनवून फोटो सुद्धा दिलायस..
लाल भोपळ्यासाठी नारळाच्य
लाल भोपळ्यासाठी नारळाच्य दुधाबरोबर कांदा-मोहरीचं वाटण घालायला जरा धाडस करावं लागेल. पण करून बघायला पाहिजे एकदा.
फोटो लई भारी आला आहे.
वा ,मस्त आहे पाककृती तोंडाला
वा ,मस्त आहे पाककृती
तोंडाला पाणी सुटलं
छान रंगीबेरंगी थाळी जमलीय.
छान रंगीबेरंगी थाळी जमलीय. भाजीही छान ( सात्विक म्हणू का ? )
सात्विक आमचा शब्द सर्वदूर
सात्विक
आमचा शब्द सर्वदूर पसरतो आहे म्हणजे!
काय दिसतंय ताट ! कातिल!!
काय दिसतंय ताट ! कातिल!!
व्वा! मस्त दिसतेय थाळी!
व्वा! मस्त दिसतेय थाळी! भाजीची कृती आवडली.
>>लाल भोपळ्यासाठी नारळाच्य
>>लाल भोपळ्यासाठी नारळाच्य दुधाबरोबर कांदा-मोहरीचं वाटण घालायला जरा धाडस करावं लागेल.
मंजूडे, तू रेस्पी पुन्हा वाच बघू! नारळाचं दूधही काढलेलं नाही आणि कांदापण वाटलेला नाही. कांदा छान परतायचा आहे आणि थोडासा खवलेला नारळ मसाल्यांबरोबर वाटायला घ्यायचाय.
मोहरीचा एक मस्त माइल्ड स्वाद येतो. तो भारी लागला.
पुन्हा एकदा वरचं फेस्टिव ताट डोळेभरून बघून घेतलं.
पुढल्यावेळी पालक्पुर्‍या, कढी आणि दोन्ही भाज्या असा मेनू करायला हवा.