Submitted by कविता क्षीरसागर on 24 January, 2016 - 01:16
बरे झाले ...
नव्याने भाग्य रेखू ... दैव देणे विसरले तर
कुणी काही करू शकते मनाने ठरवले तर
खुशाली पत्र केव्हाचे उराशी घट्ट धरले
खुळी अजुनी कशी रडते ... कितीही हसवले तर
सुईचे शस्त्रही होते, सुईने सांधता येते
कसा करशील वापर हृदय माझे उसवले तर
कुठे अन्याय होता .. फक्त बघतो, भ्याड आम्ही
लढू शकणार कैसे, हेच हृदयी ठसवले तर ?
बरे झाले मनाला घट्ट करणे जमत आहे
तरी पण व्हायचा तो त्रास होतो .. फसवले तर
मनाचा कौल मोठा, जात नाही, धर्म नाही
नका आणू मधे कोणी गणपती बसवले तर
कविता क्षीरसागर
विषय:
शब्दखुणा:
Groups audience:
Group content visibility:
Public - accessible to all site users
शेअर करा
सुईचे शस्त्रही होते, सुईने
सुईचे शस्त्रही होते, सुईने सांधता येते
कसा करशील वापर हृदय माझे उसवले तर>>व्वा
मतला, उसवले, फसवले ख़ास !!
मतला, उसवले, फसवले ख़ास !!
धन्यवाद … विलासराव , सुप्रिया
धन्यवाद … विलासराव , सुप्रिया
बरे की खोडण्याचा मार्गही
बरे की खोडण्याचा मार्गही उपलब्ध आहे
दगडरेषा नसे ही काव्य ओंगळ प्रसवले तर >>>>
हे जरा विनोदी वाटले
धन्यवाद
मलाही तो शेर एवढा नीट जमला
मलाही तो शेर एवढा नीट जमला नाहीये असेच वाटतेय ... बरे की खोडण्याचा मार्ग उपलब्ध आहे .... खोडून टाकते ...
प्रतिसादाबद्दल आभार जव्हेरगंजजी ...
छान
छान
वा, क्या बात है .....
वा, क्या बात है .....
अनेक चांगले खयाल आहेत.
अनेक चांगले खयाल आहेत. धन्यवाद.
मनापासून आभार शशांकजी ,
मनापासून आभार शशांकजी , जयदीपजी ...