काजूच्या ग्रेव्हीतली पनीर भाजी

Submitted by सायो on 3 November, 2015 - 20:49
प्रत्यक्षात लागणारा वेळ: 
१५ मिनिटे
लागणारे जिन्नस: 

पनीर- बोटाएवढे लांब तुकडे करून (नानकचं एक छोटं पॅकेट घेतलं), काजू (साधारण पाव वाटी) भिजवून त्याची पेस्ट, बारीक चिरलेला कांदा (पाव कांदा), आलं लसूण पेस्ट, लाल तिखट, रजवाडी गरम मसाला, हळद, जिरं, तेल, थोडी कसुरी मेथी, वरून थोडं क्रिम, चवीप्रमाणे मीठ, वरून कोथिंबीर.

क्रमवार पाककृती: 

काजू निदान तासभर तरी पाण्यात भिजवून पेस्ट करून घ्यावी. पनीर रूम टेंप.ला आणून बोटाएवढे लांब तुकडे करून घ्यावेत. कांदा अगदी बारीक चिरावा म्हणजे भाजीत दिसणारही नाही.

तेलाची जिरं घालून फोडणी करून त्यात कांदा चांगला परतावा. त्यावर आलं लसूण पेस्ट, रजवाडी गरम मसाला, लाल तिखट घालून आणखी परतावा. मग त्यात काजूची पेस्ट घालून मिक्स करावं. त्यातच थोडी हळद घालून चुरून कसूरी मेथीही घालावी (साधारण दोन चमचे पुरेल). मग त्यात पनीर घालून बारीक गॅसवर उकळी काढावी. वरून थोडं क्रिम घालून कोथिंबीर घालून सर्व करावं.

वाढणी/प्रमाण: 
दोन तीन जणांना पुरेल.
अधिक टिपा: 

पनीर कॅप्सिकम करायला भोपळी मिरच्या नव्हत्या आणि मखनी करायला टोमॅटो प्युरे नसल्याने ह्या झटपट भाजीचा जन्म झालेला आहे.
नेहमी घालता त्यापेक्षा किंचीत जास्त लाल तिखट घालून चालेल. काजू पेस्ट आणि क्रिममुळे माईल्ड होते तशी.
पनीरचं प्रमाण काजूची पेस्ट, क्रिम ह्याच्या तुलनेत थोडं कमी असावं नाहीतर भाजी ड्राय वाटते- स्वानुभव.

माहितीचा स्रोत: 
मीच ती.
आहार: 
शाकाहारी
पाककृती प्रकार: 
भाज्या
प्रादेशिक: 
पंजाबी
शब्दखुणा: 
काजू
पनीर
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

मस्त, एकदम रीच ग्रेवी झाली असणार पनीर + काजु + क्रीम.

काजुच्या ग्रेव्हीमुळे दाटपणाही येतो ग्रेव्हीला.

मस्त रेसिपी.

Submitted by आशिका on 3 November, 2015 - 23:51

वा मस्तच....तुमची पनीर मखनी आमच्याकडे एकदम हिट आहे...
आता ही भाजीदेखिल करुन बघणार नक्की...

Submitted by स्मिता श्रीपाद on 4 November, 2015 - 01:27

तुम्ही मलई बर्फी, मेथि मलई, काजू ग्रेव्ही अशा अनहेल्दी रेसिपच टाकता. बिनतेलाची कारल्याची भाजी वगैरे लिहा की.

Submitted by vijaykulkarni on 4 November, 2015 - 01:43

मी यात ताजी साय मिक्सरला फिरवुन, रजवाडी मसाला न वापरता घरगुती १६ मसाल्यांचे मिश्रण असलेला मसाला टाकतो.

Submitted by जेम्स बॉन्ड on 4 November, 2015 - 02:07

भाजी मस्त दिसतेय. पण प्रमाण सगळे अंदाज्पंचे Sad पनीर किती? आनि पाव कांदा म्हणजे इकडे जे नॉर्मल साइजचे कांदे असतात त्यातला पाव भाग? की अमेरीकन कांदा?

Submitted by सस्मित on 4 November, 2015 - 02:16

सस्मित, माझ्याकडे ४०० ग्रॅ. पनीरचं पॅकेट होतं ते सगळं वापरलं मी. पाव कांदा म्हणजे अमेरिकन कांद्याचा पाव भाग.
जनरली प्रमाण फॉलो करत नाही. खरंच सगळं अंदाजपंचे.

Submitted by सायो on 4 November, 2015 - 06:22

जनरली प्रमाण फॉलो करत नाही. खरंच सगळं अंदाजपंचे.>>>ह्म्म.

माझी आईसुध्धा रेस्पी सांगताना असंच सांगते. थोडं घे, थोडंजास्त घे, वरुन अंदाजाने घाल इइ. पण त्यामुळे यथातथाच स्वयंपाक ज्ञान असणार्‍या, माझी भांबेरी उडते.

पनीर ४०० ग्राम.>>> मग ठीक आहे. मुलीला पनीर जीव की प्राण असल्याने करुन बघेन.

Submitted by सस्मित on 4 November, 2015 - 06:28

रेस्पी आणि फोटो, दोन्ही आवडलं.

लवकरच करते. दिवाळी पार्टीत नॉनदेशी जनतेलापण आवडेल.

Submitted by मृण्मयी on 4 November, 2015 - 08:29

घरात असलेल्या काजुचा सदुपयोग करायची इच्छा होतीच. ही भाजी करून बघण्यात येईल. कदाचीत पनीर ऐवजी ग्रील्ड चिकन घालेन.

पाकृ एकदम भन्नाट आणि फोटो त्याहून भन्नाट !!

Submitted by धनि on 4 November, 2015 - 09:26

Pages