लाल भोपळ्याची भाकरी

Submitted by हर्ट on 2 November, 2015 - 02:15
लागणारा वेळ: 
१५ मिनिटे
लागणारे जिन्नस: 

पाव किलो लाल भोपळा
गोडा मसाला
तेल
ज्वारीचे पिठ
मीठ

क्रमवार पाककृती: 

१) भोपळ्याची पाठ आणि बिया काढून घ्याव्या आणि मग भोपळ्याच्या छोट्या फोडी कराव्या.

२) चार चमचे तेल तव्यावर घालावे आणि तेल थोडे तापले की त्यावर भोपळ्याच्या फोडी पसराव्या.

३) भोपळा अरत परत करुन त्यावर मिठ आणि गोडा मसाला घालावा.

४) वर एक झाकण ठेवावे आणि पाच मिनिटे ठेवून फक्त एकच वाफा आणावी. दुसरी वाफ आणली की पाणी आटतेच.

५) झिजलेल्या फोडी लगेच पिठात कालव्यात. त्यासाठी फुलपात्रासारखे एखादे भांडे वापरता येईल.

६) भाकरी थापावी आणि ती खरपूस होऊ द्यावी. मी तवा नंतर धुतला नाही म्हणून असेल पण कधीच न जळणारी भाकरी थोडी जळली माझ्याकडून पण खाताना काहीच जाणवले नाही.

अधिक टिपा: 

मीठ आणि गोडा मसाला थोडा अधिक घालावा जेणेकरुन त्याची चव जाणवेल.

पाककृती प्रकार: 
प्रादेशिक: 
शब्दखुणा: 
Group content visibility: 
Public - accessible to all site users

पेरु, ज्या भाजीवाल्यांकडून तुम्ही भाजी घेता त्यांना विनंती करा.

धन्यवाद मंडळी.

हो मला भाकरी छानच जमतात Happy

सालकाढण्याने निघेल ना.. क्रुती आवडली. गोडसर चवीची बनेल भा. असे वाटल्याने माझ्यासाठी करणार नाही. तरी इतरांसाठी करून पाहिएन.

पेरु, माझ्याकडे मजबुत सुरी आहे मी ती वापरली.

तू एक काम करु शकतेस. आधी लहान आणि पपयीच्या फोडीसारख्या लांब फोडी कर. मग फक्त त्यातला गर कापायला सोपे जाईल. एकदम पाव किलोवर चाकू वा विळी चालवू नकोस.

इथे जे लाल भोपळे मिळतात त्यांची पाठ काकडीच्या सोलटण्याने निघते. परदेशातल्या भोपळ्याची काही माहिती नाही. आमचे भोपळे बरे आहेत, गुपचुप सोलुन घेतात. Happy

इथे जे लाल भोपळे मिळतात त्यांची पाठ काकडीच्या सोलटण्याने निघते. परदेशातल्या भोपळ्याची काही माहिती नाही. आमचे भोपळे बरे आहेत, गुपचुप सोलुन घेतात >> +१ हेच लिहीणार होते. Happy परदेशी भोपळे निगरगट्ट दिसतात Wink

कित्ती सुबक दिसतेय पोलपाटावरची भाकरी. छान आहे प्रकार नक्की करुन बघणार.
मला कधी जमेल एवढी सुंदर भाकरी थापायला!

मस्त!
आम्ही याला ज्वारीचे थालिपिठ म्हणतो. Happy मी नेहेमी करते फक्त फरक असा की भोपळ्याची राहिलेली भाजी ढकलते पिठात. Happy परदेशातील भोपळ्याच्या पाठींबद्दल अनेक अनुमोदन Proud

हे घ्या. अवनमध्ये कसा भोपळा शिजवावा.

Cut the pumpkin in half and discard the stem section and stringy pulp. Save the seeds to dry and roast. In a shallow baking dish, place the two halves face down and cover with foil. Bake in a preheated 375 degrees F (190 degrees C) oven for about 1½ hours for a medium-sized sugar pumpkin, or until tender.

Pages