"चित्रचारोळी क्र.७"

Submitted by संयोजक on 22 September, 2015 - 14:16

असं म्हणतात की, चारोळी हा कवितेतला सर्वांत सोपा प्रकार आहे. एका लयीत बसणार्‍या चार ओळी जमवा, 'र'ला 'र', 'ट'ला 'ट' करत दोन यमके जुळवा अन् झाली की चारोळी तयार.
Happy

पण जातिवंत चारोळी अर्थवाही असते. कमीत कमी शब्दांत अचूक आशय पोहोचवायचा म्हणजे खायचं काम नाही.
खरं म्हणजे चारोळी हे नेमक्या शब्दांत केलेलं 'मार्मिक' भाष्य! कुठल्याही ओळी जेव्हा मनात जन्म घेत असतात तेव्हा त्यामागे एक कल्पनाचित्र असतं. त्या चित्राचा अर्थ उमगत जातो तसा तसा एक आशय जन्म घेतो आणि मग त्याला शब्दांची महिरप चढवली जाते.

आता समजा या कल्पनाचित्राच्या ऐवजी एक प्रकाशचित्र दिलं आणि 'रचा' म्हटलं चार ओळी तर? सोप्पं आहे ना?
तुम्हांला फक्त एवढंच करायचंय, एरवी तुमच्याभोवती पिंगा घालत बसणार्‍या, पण गरज असते तेव्हा गाव भटकायला जाणार्‍या शब्दांना हुडकून आणून एकेका ओळीत अचूक बसवायचंय!

तुमच्यासाठी हे अवघड नाहीये... एरवी बिनविषयाच्या विषयावरसुद्धा चारोळ्यांचे रतीब घालतो आपण. Wink इथेतर विषय तुमच्यासमोर मूर्तिमंत उभा आहे!

तुमच्यासारख्या चारोळीकारांना काही नियम लावणं बरोबर नाही, पण काही किमान अपेक्षा आहेत!

१) चारोळीचा विषय प्रकाशचित्राला धरूनच असावा.
२) शब्दमर्यादा नसली तरी ओळीमर्यादा पाळावी.
३) एका आयडीला कितीही चारोळ्या लिहिता येतील. फक्त त्या वेगवेगळ्या पोस्टमध्ये पोस्ट कराव्यात.
४) दरदिवशी एक नवीन चित्र देण्यात येईल.
५) तुम्हाला तुमच्या आवडत्या चारोळीला 'लाइक' करायची सोय दिलेली आहे.
६) ही स्पर्धा नाही, एक खेळ आहे.

तर होऊन जाऊ द्या.... छायाप्रकाशाच्या चित्रलिपीला लेखणीच्या शब्दलिपीचा इंगा दावा!

आजचे चित्र:
Slide10.JPG

Group content visibility: 
Public - accessible to all site users

चल धरून तू ठेव; तूझ्या अंगाशी हा दोर
झोत हवेचा घुसतो; फुग्यामधे घोंघावतो
हवेच्याच लाटेवर तरंगतो माझा जीव
हिंदोळे कसे क्षण; सवे पाण्याचे तुषार!

हा प्रकार मी अनुभवला आहे.. तेंव्हा सुरुवातीला धडकी भरलेली पण उंच आकाशातून भिरभिरताना खाली सभोवार पाहीले तेंव्हा मस्त वाटलं होतं!! आता चारोळी लिहीते! Happy

पाण्यावरी तरंगे जैसी मजेत

पाण्यावरी तरंगे जैसी मजेत नौका
उडताच अंबरी मी वाटेल मौज ती का?
भरली उरांत धडकी झाला प्रसंग बाका
उडता अशी विसरले मागील सर्व हाका...

कै च्या कै..

वेध आकाशी गवसणी घालायाचे
भय तिळमात्र नाही वाऱ्याचे
आहे मनी हा विश्वास
तिथे कोणी आहे सावरण्यास

अगदीच ट ला ट प्रकार झाला आहे. पण आपणही भाग घ्यावा ही इच्छा शांत बसू देईना.

समाजापासून दुर दुर पळून जाऊया
जवळ एक बलून ठेवुया
पकडलेच जर कुणी तर
फिल्मी स्टाईल उंच उडुया Happy

वार्यासंगे जाई वरती
सखे तुझा ग फुगा
पाय हवेत ते लोबंकाळती
घालु नको तू झगा

काहिच्या काही लिहीलय ....पण स्वस्थ बसवेना Happy

बोटीतून जाते मी उंच,
रंगीबेरंगी फुग्यात,
माझ्या ह्या भरारीला,
हिरवाई आणि निळाईची सुरेख साथ.