पिठलं ... आणि तोंड मिटलं

सुंदर लेख

मी १-२ वेळा केलं होतं कुळथाचं पिठलं पण मला शिंगोळेच आवडतात.

सिंडरेला, शेंगोळे हा प्रकार मी तुमच्या श्रीरामपूरमधेच खाल्ला प्रथम. आवडला मला पण पिठलं जास्त आवडतं.

मी आमच्या मालकांकडे पिठलं नेऊन दिलं अशी देवाण-घेवाण झाली. त्यांनापण आवडलं पिठलं. :). त्यांच्याकडे जिलबी म्हणायचे शेंगोळयांना.

जसं शेंगोळे विविध पद्धतीने करतात तसंच पिठल्याच्या पण विविध पद्धती इथे दिसल्या.

भारी पिठलं. खूप आवडतं.

माझी आत्या देवगड जवळच्या नारिंग्र्याची. तिच्याकडे लहानपणी रोज तो मौमौ लालसर भात आणी ही पिठी हा नाष्टा घरच्या सगळ्यांना आणि गडी माणसांना.

खूप दिवसात खाल्ली नाही पिठी.

देवगड म्हणजे जिथे जगातला सर्वात बेस्टेस्ट हापुस पिकतो ते देवगड?

मस्त मस्त मस्त ! भूक लागली आता .
जेवणं झाली की उरलेलं पिठलं छोट्या पातेल्यात ओतून ठेवायचं आणि मग ते मोठं पातेल्याला चिकटलेलं पिठलं आडव्या अंगठ्याने नीट कोरून काढायचं आणि मग बोटं चाटत चाटत मटकावायचं .

येस स्वाती, माझंपण सासर देवगड तालुक्यात.

शुम्पी माझी चुलत नणंद नारीग्र्यात राहते. आतेसासुबाईन्चे सासर पण नारीन्ग्रे.

देवगड म्हणजे जिथे जगातला सर्वात बेस्टेस्ट हापुस पिकतो ते देवगड?>> लो ये भी कोइ पूछने की बात है?

अन्जू

टेष्टी टेष्टी लेख! पण कुळीथ च बघितलं नाही मी कधी आता हा लेख वाचुन कुळथाचं पीठलं काय आहे ह्याबद्दल उत्सुकता वाढलीय. खायलाच पाहिजे असं झालंय!

पिठलं म्हटलं की कुळथाचच, कधी चण्याचं केलं तर तसं सांगायचं.
>>>>>>>
हा हा .. मला तर लहानपणी कुळथाचेच पिठले किंवा पातळ वर्जन पिठी माहीत होते.
शाळेतले मित्र आणखी कश्याला म्हणजे चण्याच्याला पिठले का म्हणतात हे कळायचे नाही.. ते गंडले आहेत की माझ्या घरचे गंडले आहेत हे समजायचे नाही..

पिठी भात वा पिठले भाकरीबरोबर लाल ठेचा आणि भाजलेले सुके बोंबील मी कच्चाकचा चावून खातो.. दोन्ही वास एकमेकांना पूरक वेड लावणारे.. खास करून बाहेर मस्त रिमझिम पाऊस पडत असेल तर आई हमखास हा बेत आखणार

बाकी मनीमोहोर आपण नियमित कोकणावर काहीबाही लिहित राहा... बरे वाटते वाचून

मस्त लेख!
देशावरचे असल्याने कुळथाचे नेहमी शेन्गोळेच खाल्लेत, पिठल खायला हव कधी योग आला तर..
(बाय द वे सणासुदी पिठल,खिचडी करु नये अस म्हणतात)

कुळथाचं पिठलं विशेष आवडत नाही, रादर पिठलंच आवडत नाही. >>>>> सायो अगदीच अनुमोदन ! अपवाद फक्त सिंहगडावरच्या पिठल्याचा.

लेख आवडला पण

लेख वाचून राहवलंच नाही. कालच रात्री बेत केला हा :

सिंडीनं लिहिलेले शेंगोळे अजून करायचे राहिलेतच.

छान लेख लिहिलाय मनीमोहोर.

कुळीथ माहिती नाही म्हणुन पिठलेही माहिती नाही. आता शोधायला हवं.
आमच्याकडे पिठले म्हणजे फक्त चण्याच्या पिठाचेच. पपांना मुळीच आवडायचे नाही पिठलं त्यामुळे पिठलं भाकरीचा स्वयंपाक असला की ते "पिठलं , डोके उठलं" म्हणायचे.

प्राजक्ता, कोंकणात घरचं कुणी 'गेलं' की त्या संध्याकाळी घरात चूल पेटत नाही आणि शेजारपाजारचे पीठलं भात आणून देतात.
म्हणून सणासुदीला/चांगल्या दिवशी/पाहुणचाराला पीठले भात करत नाहीत.
(पण आम्ही हॉस्टेल मधून किंवा सासरहून सणासुदीलाच सुट्टी असली की घरी जाणार आणि आमच्यासाठी आईला ते करावेच लागणार अशी परिस्थिती आहे. )

साती, देशावरही हिच पद्धत आहे, सणावारी, लग्नघरी पिठल, खिचडि, भाकरी ही बनत नाही, असो अगदिच विशयान्तर होइल
लेख चान्गला लिहलाय.

किती सुंदर लिहिलेय. कुळथाच्या शेतीचे फोटो टाक गं.

आमच्या घरीही कुळथाच्चे पिठले हिट्ट आहे. मी गावी गेले की गगनगिरी कुळीथ पिठीची पाकिटेच घेऊन येते. गावच्या दुकानदारालाही आम्ही दिसल्यावर कुळथाच्या पाकिटांची आठवण येते

मामी, ते ताट पुढ्यात घ्यावसं वाटतयं, काय झकास दिसतयं

सोनु फोटो बद्द्ल थान्कु. कुळीथ मुम्बइ मधे कुटे मिलेल

सर्वसाधारण, कोणत्याही वाण्याकडे कुळीथ आणि कुळीथ पिठ मिळतं मुंबईत. जास्त मराठी वस्ती असलेल्या ठिकाणी तर नक्कीच मिळेल.

आमच्याकडे रायगड पट्ट्यात चण्याचं/बेसनाचं पिठलं करतात त्यामुळे कुळथाचंही पिठलं असतं हे थेट लग्नानंतरच समजलं... एनीहाऊ नाही आवडलं कुळथाचं पिठलं फारसं! बेसनाच्या पिठल्यात कांदा मिरचीवर लसूण ठेचून जीरे-मोहरी-हिंग-कडीपत्त्याची खमंग फोडणी हवीच! वर आमसूल व कोथींबीर!! कधी शेवग्याच्या शेंगाही पुरवठ्याला! आणि वर साजूक तुपाची धार!! तळाशी लागलेलं खरपूस पिठलं खरवडून खायला विशेष आवडतं.

दिवसभर धावपळीचा कार्यक्रम/पूजा असेल तर रात्रीचा बेत म्हणून, अचानक पाहुणे आले, पावसाळ्याचे दिवस आहेत व घरात बाकी भाज्या नाहीयेत तर झटपट होणारा पदार्थ म्हणून पिठलं मेन्यू असतोच!!

पण मनी, तू लिहील्याप्रमाणे कोकणात मात्र कुळथाचं पिठलं अगदी हिट्ट प्रकार आहे! गावी गेलं की चिंचगोळे, आमसूलं व घरी केलेली कुळथाची पिठी आणतेच! बाळ अगदी चवीनं जेवतं!

त्यामुळे कुळथाचंही पिठलं असतं हे थेट लग्नानंतरच समजलं... एनीहाऊ नाही आवडलं कुळथाचं पिठलं फारसं!
>>>>

कुळथाच्या पिठल्याबाबत हे असे होण्याची शक्यता जास्त असते. कारण काही पदार्थांबाबत टेस्ट बडस लहानपणापासून डेवलप होणे गरजेचे असते अन्यथा अचानक खाल्ले आवडले/झेपले असे नाही होत.

सुंदर लेख!!!

कुळथाची पिठी आणि भात आणि बाहेर धो धो कोसळणारा पाऊस ह्या आठवणीनेच बैचेन व्हायला होतेय.

मामी, फोटो पाहून तोंपासू.............

कुळथाचे पिठले आतेबहिणीकडे आधी खाल्ले होते. तेव्हा फारसे आवडले नव्हते, पण शेजारच्या काकुन्कडे शेन्गोळे खाल्ले तेव्हा मात्र अफाट आवडले. ऋन्मेष म्हणतो तसेच आहे. बेसनाला सरावलेल्या जीभेला कुळथाची टेस्ट डेव्हलप व्हायला वेळ लागतो.

मामी फोटो का टाकलात्?:अरेरे: पटकन ताट ओढुन जेवायला बसावे असे वाटतेय.:फिदी:

मामे, भाकरी पण मस्त झालीय !!

यम यम.
कुळथाचं कधी खाल्लं नाही पण नॉर्मल पिठलं भाकरी एकदम आवडता मेनु.
(पिठलं भात्/भाकरी आवडीने खाणारी लहान मुलं कुठे मिळतील?)

मला काल नाही करता आले . आता पुढच्या आठवड्यात करेन.

मामी पूर्ण डिश मस्तच. आज उपास आहे पण.