वाढदिवस- ‘ट्रॅव्हल अराऊंड द वर्ल्ड’

वाढदिवस- ‘ट्रॅव्हल अराऊंड द वर्ल्ड’

जिथे प्रश्न... तिथे मायबोली. या उक्तीला अनुसरून मायबोलीकरांकडून एक मदत हवी आहे.
माझ्या मुलाचा ५वा वाढदिवस मोठ्या प्रमाणात साजरा करायचा आहे. आम्ही दोघांनी साधारण २ वर्षांपासून मुलाच्या वाढदिवसाची थीम ठरवली आहे आणि ती आहे ‘ट्रॅव्हल अराऊंड द वर्ल्ड’. ही थीम ठरवण्याचे खास कारण म्हणजे माझा नवरा एका नामांकित टूर कंपनीमध्ये इंटरनॅशनल टूर लीडर आहे आणि तो युरोप, अमेरिका, साऊथ इस्ट एशिया अशा अनेक टूर्स करतो आणि मी सुद्धा त्याच ट्रॅव्हल कंपनीमध्ये ऑफिस स्टाफ म्हणून कार्यरत आहे. साहजिकच कळत नकळत आमच्या ४ वर्षीय हिरोंना सगळ्या देशांची, त्यांच्या फ्लॅग्सची आणि तिथल्या मॉन्युमेंटस्‌ची उत्तम ओळख आहे. आमची सर्वांची आवड आणि मित्र परिवार हा पर्यटनक्षेत्राशी रिलेटेड आहे म्हणूनच आम्ही ‘ट्रॅव्हल अराऊंड द वर्ल्ड’ ही थीम निश्चित केली आहे.

गुगलबाबांची मदत घेतल्यावर डेकोरेशन, केक, इन्व्हिटेशनचे शेकडोंनी पर्याय समोर आले (अर्थात परदेशातले) पण आम्हाला नेमकं काय आणि कसं करावं हे समजलं नाहीए. भारतात मिकी माऊसपासून पायरेटस्‌पर्यंत आणि कार्सपासून ते जंगलपर्यंत अनेक पर्याय उपलब्ध आहेत, पण ‘ट्रॅव्हल अराऊंड द वर्ल्ड’चे कुठेही काही नाही. पार्टी सप्लायर्सचे डिटेल्स शोधून झालेत पण ‘ट्रॅव्हल अराऊंड द वर्ल्ड’ कोणाकडेही नाही. एखाद्या इव्हेंट कंपनीची मदत घ्यायची ठरवली तर ४-५ जणांनी ही थीम जमणार नाही म्हणून हात वर केले आहेत.

‘ट्रॅव्हल अराऊंड द वर्ल्ड’ या थीमशी रिलेटेड माबोकर काही उपयुक्त आयडियाज्‌ देऊ शकतील का? नेमक्या कशा पद्धतीने वाढदिवस साजरा करावा. (बजेटचा इश्यु नाहीए पण प्रत्येक गोष्ट उत्तम झाली पाहिजे याकडे आमचा कटाक्ष आहे)

मुलाचा वाढदिवस एप्रिल मध्ये आहे. तसा खूप वेळ आहे पण काहीच सापडले नाही तर नवरा मुंबईमध्ये असतो तेवढ्यात तयारीला लागावे हा उद्देश. डेकोरेशन किंवा इतर काही गोष्टी विकत मिळाल्या नाहीत तर हॅण्डमेड बनविण्याची सुद्धा तयारी आहे आणि हातात वेळही राहिल. मात्र योग्य मार्गदर्शन लागेल.

मी आणि नवर्याने शोधलेल्या काही आयडियाज्‌

डेकोरेशन -
बोर्डिंग पास पर्सनलाईज बर्थडे इन्व्हिटेशन
विविध देशांचे फ्लॅग्ज्‌च्या पताका
लिनिंग टॉवर ऑफ पीसा आणि अजून एक मॉन्युमेंटचा थ्री डी स्टँडी - ज्याच्या बाजूला उभं राहून लोकं फोटो काढू शकतील
फोटो बूथ विथ पार्टी सोव्हिनिअर्स

गेम्स -
गेस द कंट्री/ फूड/ अॲनिमल्स
अजून २-३ विचार करतोय

केक -
याबाबतीत आयडियाज्‌ अगदी क्लिअर आहेत.

खाणं -
पास्ता- इटली
डोसा- इंडिया
ज्यूस- जमाईका
अजून वेगळ्या कॉन्टिनेंट मधलं काय खाणं ठेवावं?
थाळी किंवा ठरलेला मेनू नको पण पोटभर हवा. मुलांना आणि मोठ्यांनाही आवडेल असं

रिटर्न गिफ्ट -
अज्जिबात सूचत नाहीए

नोंद-
१) वाढदिवस एखादा ए.सी हॉल घेऊन संध्याकाळी करणार आहोत.
२) साधारण १५० लोकांना बोलावणार आहोत
३) १२ वर्षा खालील मुलांना रिटर्न गिफ्ट देणार आहोत. मुलांची संख्या ५० पर्यंत जातेय.
४) मा.बो.कर कोणी ह्या इव्हेंटची जबाबदारी घेऊ इच्छिणार असाल तर आपलं स्वागत आहे.

प्लीज कोणाला काही सुचत असेल तर इथे नक्की कळवा. काही अंग्लसने आम्ही कदाचित विचार केला नसेल किंवा एखादी गोष्ट कुठे चांगली आणि रिजनेबल रेटमध्ये मिळते त्याबाबत सांगितल्यास बरं होईल.