प्लीज प्लीज नावे सुचवा ! २ कॉन्फरन्स रूम आणि ३ मीटींग रूम !

प्लीज प्लीज मदत करा. ईज्जतचा सवाल आहे.
हवे तर चार दिवस ईतर कोणता धागा काढत नाही, पण या चार दिवसांत मला एवढी मदत करा.

आमच्या ऑफिसमध्ये दोन कॉन्फरन्स रूम आणि तीन मीटींग रूम्स आहेत. त्यांच्यासाठी नावे सुचवा.

आजवर या खोल्या पहिल्या माळ्यावरची, ग्राऊंड फ्लोअरवरची, मोठ्या कॅंटीनच्या शेजारची, छोट्या टॉयलेट जवळची वगैरे वगैरे नावांनी पुकारल्या जात होत्या. मात्र आता त्यांना नावे द्यायची आहेत.

ज्या गिन्याचुन्या खांद्यांवर ही जबाबदारी टाकली आहे त्यात दोन खांदे माझेही आहेत. पण मी एकट्याने कितीही डोकेफोड केली तरी मला नाही जमणार हे नामकरण प्रकरण. म्हणून तमाम मायबोलीकरांची डोकी एकत्र येऊन काही सुयोग्य नावे सुचवतील या आशेने हात फैलावतोय.

इथे मोठमोठ्या ऑफिसात काम करणारे माबोकर आहेत. बरेच जणांच्या गाठी कित्येक ऑफिसांचे अनुभव असतील. कैक मीटींग्ज आणि कॉन्फरन्स ऊरकल्या असतील. त्यावरून अंदाज घेऊन एखादे नवे वा त्यापैकीच आवडलेली नावे सुचवा.

** दोन्ही कॉन्फरन्स रूमची, वा तिन्ही मीटींग रूम्सची नावे एखाद्या थीम मध्येच हवीत असे गरजेचे नाही.
** तसेच प्रत्येकी एक अशी पाच नावे सुचवा असेही नाही. कमी ही चालतील, जास्तही चालतील. सुटी सुटी, स्वतंत्र, जितकी सुचतील तितकी सुचवा.

** मुद्दामहून सांगण्यात आले नसले तरी ऑफिसच्या मंडळींना संस्कृतप्रचुर नावे नकोत तर बहुधा ईंग्लिश नावेच अपेक्षित आहेत.

प्लीज प्लीज प्लीज ... नावे सुचवा..
ज्यांना ईतरांची नावे आवडतील त्यांला प्लस १ करा ..
माझ्या कुठल्या जुन्यापुराण्या रुमाल धाग्याचा राग ईथे काढू नका..
जे नावे सुचवतील त्यांचेही देव भले करो, जे प्रयत्न करतील त्यांचेही देव भले करो..
तुम्हा सर्वांनाच ईन अ‍ॅडवान्स
कोपरापासून धन्यवाद,
ऋन्मेऽऽष