कोलंबीचं बरटं

Submitted by मृण्मयी on 5 March, 2015 - 15:54
प्रत्यक्षात लागणारा वेळ: 
३० मिनिटे
लागणारे जिन्नस: 

वाटीभर स्वच्छ केलेल्या कोलंब्या
७-८ लसूण पाकळ्या. (भदाड्या लसणाच्या २-३)
भरपूर कोथिंबीर आणि झेपेल तितक्या हिरव्या मिर्च्यांचं वाटण- अर्धी वाटी
२ मोठे टोमॅटो (किंवा ३ टेबलस्पून टोमॅटो पेस्ट)
२ मोठे कांदे. (कॉस्टको कांदा -१)
हळद
तिखट
मीठ
पाव वाटी तेल (हिंम्मत असेल तर जास्त)

kolambeecha-barata-maayboli.jpg

क्रमवार पाककृती: 

-कोलंब्यांना हिरवं वाटण, हळद आणि मीठ लावून तासभर मुरत ठेवायचं.
-तेल कडकडीत गरम करून त्यात लसूण ठेचून घालायचा. लाल होऊ द्यायचा.
-यावर बारीक चिरलेला कांदा गळून जाईपर्यंत परतायचा. (गळणारा घटक- कांदा)
-आता बारिक चिरलेले टोमॅटो किंवा टोमॅटो पेस्ट घालून तेल सोडेपर्यंत परतायचं.
-तिखटपूड घालून थोडं परतून घ्यायचं.
-कांदा-टोमॅटो भरपूर शिजून एकजीव झाल्यावर, तिखट घालून परतल्यावर, कोलंबी घालून २-३ मिनिटं परतायचं.
-बरटं तयार आहे.

वाढणी/प्रमाण: 
१ माणूस
अधिक टिपा: 

-बरट्याला कुठलाही मसाला घालायचा नाही.
-आलं घालण्याचा विचारही मनात आणायचा नाही.
-कोलंबीच्या आकारानुसार शिजायला कमी अधीक वेळ लागेल. जास्तं शिजून चिवट व्हायला नको.
-पाणी घालून पातळ रस्सा करायचा नाही. पण अगदीच कोरडं वाटलं तर कोलंब्या परतून झाल्यावर, आच बंद करून, पाव कप कढत पाणी घालून मिसळायचं.

माहितीचा स्रोत: 
..पुन्हा एकदा मोनाडार्लिंग. (बहीण)
आहार: 
मांसाहारी
पाककृती प्रकार: 
मासे व इतर जलचर
प्रादेशिक: 
पारंपारीक मराठी
शब्दखुणा: 
कोलंबी
कोलंब्या
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

माझा प्रश्न सिंडीने विचारलाय. फोटो मस्त दिसतोय. पुढच्यावेळी भारतात आलीस की माझ्या लेकीसाठी वाटीभर बरटं डब्यातून घेऊन ये.

Submitted by मंजूडी on 9 March, 2015 - 00:26

फोटो पाहून एकदम तो.पा.सु.

मस्त झणझणीत रेसिपी.

Submitted by जागू-प्राजक्ता-... on 9 March, 2015 - 01:05

सॉरी उशीरा लिहितेय. रविवारी केलं होतं मस्त झालेले.
भरपूर कोथिंबीर आणि झेपेल तितक्या हिरव्या मिर्च्यांचं वाटण- अर्धी वाटी>>> यातला फक्त मिरच्यांचं वाटण-अर्धी वाटी वाचले. मिरच्या कमी टाकल्यामुळे मसाला टाकला.

Submitted by देवकी on 9 March, 2015 - 23:16

प्रतिक्रियांबद्दल आणि करून बघितल्याबद्दल मनःपूर्वक धन्यवाद!

>>यातला फक्त मिरच्यांचं वाटण-अर्धी वाटी वाचले. Lol
नाही हो नाही! अर्धी वाटी मिर्च्यांचं वाटण नाही. पण, "हॅ! हे कसलं तिखट! बरटं कसं कानातून वाफा काढणारं जहाल हवं. तरच मजा!" असं सुनवणार्‍यांच्या मज्जेखातर तसं योग्य प्रमाण आहे म्हणा!

Submitted by मृण्मयी on 10 March, 2015 - 09:39

काल संध्याकाळी बरटं केलं एकदाचं. रेसिपी प्रिंट करके रखो असं बाबाने, अन प्लीज राइट इट इन माय नोटबूक इन इन्ग्लिश असं बार्क्याने सांगितलंय ...

हेड ऑन श्रिम्प आणले होते चायना टाउनमधून , त्यामुळे जरा जास्तीच भारी झाले असावेत

Submitted by मेधा on 10 March, 2015 - 09:54

बरट्याने डोक्यात बरेच दिवस घरटं केलं होतं. शेवटी विकांताला सालं आणि व्हेन काढलेली कोळंबी आणून जीव शांत केला. बच्चे कंपनीसाठी नुस्तं हिरवं वाटण लावलेलं व्हर्जन केलं. माझ्याक्डच्या मिरच्या बेताच्या तिखट आणि बिया काढलेल्या असतात त्यामुळे त्यांनी चापलं. आमच्या बरट्यात लाल तिखट घातलं. सगळ्या सुचना तंतोतंत फॉलो केल्या फक्त सवयीप्रमाणे कोळंब्यांना थोडं अमसूल लावलंच Wink टेस्ट मे बेस्ट. नेक्स्ट टाइम तेल थोडं कमी करून पाहिन. पाव वाटीनाही पण मी नेहमी घातलं असतं त्यापेक्षा जास्त तेल वापरलं होतं.

फोटू बिफोर आणि आफ्टर दोन्ही प्लेट. कोथिंबीर श्रेय ताजी ग्रोसरी Wink इतर वेळी केली असती तर एखादी काडी खोचली असती. एंजॉय आणि आभार्स दोघी बहिणी (मृ आणि मो)

Barta2in1.GIF

Submitted by वेका on 6 April, 2015 - 13:38

आक्का वीकएंडला केलेला हा प्रकार, जबरी झाला. Happy चुकून स्वीट कांदा वापरला पण त्याने वेगळीच लज्जत आली असे धरतो.

Submitted by असामी on 6 April, 2015 - 13:49

वेका, फोटो झकास! दुसर्‍या फोटोत (हहनुसार) कोथिंबीर जास्त पसरल्यामुळे बरट्याशी नीट नजरानजर होत नाही. फोटोकरता धन्यवाद!

असामी, वेका, बरटं करून इथे कळवल्याबद्दल थँक्स!

Submitted by मृण्मयी on 6 April, 2015 - 15:54

कोथिंबीर पसरल्यावर लक्षात आलंच होतं. म्ह्णून त्या एका कोलंबीवरचा पडदा बाजुला करून नजरानजर व्हायची (थोडी) सोय केलीय पहा बरं नीट Wink

Submitted by वेका on 6 April, 2015 - 16:15

मृ..यापुढे '.... चं बरटं'... '...चे लोणचे' असे मुख्य साहित्य नसलेली पाककृती टाक. लोक त्यात 'रिकाम्या जागा भरा' म्हणत त्याना आवडेल ते भरतील....

उदा...
. उकडीच्या बटाट्यांचं बरटं.
. वेज मान्चूरियन बरटं...
. सेलरीचं बरटं...
. पेने पास्टाचं बरटं
. बर्फाचं बरटं

वगैरे वगैरे... Proud

Submitted by परदेसाई on 7 April, 2015 - 09:28

बर्फाचं बरटं Rofl
पण खरंच सांगू का, काल भाजी घेताना डोक्यात घोळ झाला. डोळ्यासमोर हा वरचा मृणने दिलेला फोटो आणि मेधाची नवी कारल्याची भाजी असं तरंगत होतं. आज पाहते तो ही दोन वेगळी जगं आहेत. आता कारल्याचं बरटं करून तिसर्या जगाचे प्रश्न सोडवावेत का विचार चालू आहे.

Submitted by आशूडी on 7 April, 2015 - 09:34

माने, नाठाळ धन्यवाद! Happy

>>मृ तै, हे बरटं चिकन वापरून केलं तर चालेल का ?
प्रति-ध्वनि, अगदी युनिकॉर्नचं शिंग घालून केलं तरी चालेल. फक्त आलं घालू नका. Happy

>>कोलंबीवरचा पडदा बाजुला करून नजरानजर व्हायची (थोडी) सोय
हे वाचून उगीचच 'रुख़ से जरा नकाब हटा़ लो..' आठवलं. Proud

गोगा, Lol
मग पुढलं पोस्ट येईलः कृपया व्हेज मंच्युरियनचं बरटं करताना मंच्युरियनमधलं आलं काढून टाकण्यासाठी काही खास टीप द्याल का? Proud

Submitted by मृण्मयी on 7 April, 2015 - 09:38

अगदी युनिकॉर्नचं शिंग घालून केलं तरी चालेल >>> इकडे युनिकॉर्नचं शिंग मिळणं अवघड आहे. त्याऐवजी दुसर्‍या कोणाचं शिंग घातलं तर चालेल का? Proud Wink

Submitted by rmd on 7 April, 2015 - 11:22

उकडता उकडता विनोद Proud
.
त्याऐवजी दुसर्‍या कोणाचं शिंग घातलं तर चालेल का? <<< कुणाचं घालाल? भाशिंग, रणशिंग, संताशिंग, की दाराशिंग. ?? Proud

Submitted by परदेसाई on 7 April, 2015 - 13:39

वा! तोंडाला पाणी सुटले...

कोलंबीचं लिप्तस असचं करतात. कांदा-टॉमेटो वर कोलंबीत अजिबात पाणी न घालता, जे होतं ते लिप्त.
मला असं वाटतं लाल कांदा, टॉमेटो, आलं लसुण गोळी, तिखट आणि वर कोलंबी असं एकत्र शिजवलं की लाल कांद्याचा रंग पालटतो व थोडा काळपट मिश्रण दिसतं.
कारण हेच साहीत्य घेउन थोडे घटक कमी जास्त केल्यास किंवा काढून टाकल्यास एवढा काळपट्पणा येत नाही असं माझं निरीक्षण आहे.

-कमळी.

Submitted by कमळी on 7 April, 2015 - 17:26

Pages