आता कशाला शिजायची बात- सायो- अवाकाडो स्मॅश

Submitted by सायो on 6 September, 2014 - 21:02
लागणारा वेळ: 
१० मिनिटे
लागणारे जिन्नस: 

१ अवाकाडो- मधे चिरून, बी काढून,
बेसील पानं- थोडी चिरून, थोडी अख्खी,
लिंबाचा रस- १ चमचा,
ऑलिव ऑईल- १ चमचा,
छोट्या टोमॅटोच्या चकत्या,
क्रंबल्ड फेटा चीज- लागेल तसे,
चवीपुरते मीठ, ताजी मिरपूड,
राय (Rye) ब्रेड स्लाईसेस- माणशी एक

क्रमवार पाककृती: 

अवाकाडोतील बी काढून, आतील गर एका बोलमध्ये काढून घ्यावा. त्यात चिरलेली बेसील पानं, ऑलिव ऑईल, लिंबाचा रस, मीठ, मिरपूड घालून काट्याने मॅश करावं.
हे मिश्रण आता ब्रेडच्या स्लाईसेसवर लावून वरून फेटा चीज भुरभुरवून टोमॅटोच्या चकत्या आणि त्यावर बेसीलचं पान लावून लगेच खायला द्यावं.

वाढणी/प्रमाण: 
माणशी एक स्लाईस- अंदाजे
अधिक टिपा: 

मुळ रेसिपीत ब्रेड ग्रील्/टोस्ट करून घ्यायचा आहे. इथे चालणार नाही म्हणून केलेला नाही. तसंच बेसील पानं मिळत नसल्यास मिंट घालूनही चालेल. नॉनव्हेज आवडणार्‍यांनी वरून चिकन्/हॅम स्लाईस घालूनही चालेल.

पास्ता, सॅलड, सूपबरोबर चांगलं लागेल.

माहितीचा स्रोत: 
एका मासिकात रेसिपी बघून फोटो काढला होता. तो फोटो बघून साधारण अंदाज आला.
पाककृती प्रकार: 
प्रादेशिक: 
Group content visibility: 
Public - accessible to all site users

>>१ अवाकाडो- मधे चिरून, बी काढून,
बेसील पानं- थोडी चिरून, थोडी अख्खी,
लिंबाचा रस- १ चमचा,
ऑलिव ऑईल- १ चमचा,
छोट्या टोमॅटोच्या चकत्या,
क्रंबल्ड फेटा चीज- लागेल तसे,
चवीपुरते मीठ, ताजी मिरपूड,
राय (Rye) ब्रेड स्लाईसेस- माणशी एक<<

वरील कृतीत, दोन प्रोसेस्ड पदार्थ. चीज आणि ब्रेड.

सही!

छान रेसिपी. फोटो भारी आलाय!!
मस्त ग्रील्/टोस्ट करून खाणार,.. .ह्या सोबत आवडीचे गरम गरम सूप . आहाहा

अगदी ग्वाकामोली म्हणता नाही येणार कारण त्यात कांदा, टोमॅटोही चिरून घालतात. मी काल डब्याकरता फेटाऐवजी मॉझरेल्ला घेऊन ग्रिल केलं सँडविच.

हो बरोबर, मीठ-मिरपूड आणि लिंबाचा रस ही चव आठवून वाटले तसे.
हॉटेलात मिळणारं ग्वाकामोली नेहेमी थोडं अळणी असतं असं नाही वाटत का कुणाला ? घरी करताना त्यामुळे मी अगदी व्यवस्थित मीठ आणि लिंबू घालायचे त्यात Happy

ग्वाकामोली नेहेमी थोडं अळणी असतं >>> मला तसंच आवडतं. अ‍ॅव्हाकाडोची क्रीमी टेस्ट बुजत नाही मीठ आणि लिंबु कमी घातल्यानं.