Submitted by गण्या. on 31 August, 2014 - 03:26
तुझ्या घरातून हल्ली
रातराणीचा गंध येत नाही पहाटे
ना मोगरा दरवळतो सकाळी
दुपारच्याला पारीजातकाखाली
सावली येत नाही
म्हणायला यातलं राह्यलंय काय ?
उध्वस्त बाग आणि रानगवत
पाऊल टाकलंच आत
तर चुरगळलेल्या मोग-याचा उग्र दर्प
आणि तुझ्या भकास चेह-याने
वाहीलेल्या लाखोल्या
हेच दरवळतंय इथं आताशा
सभ्य लोक हल्ली
टाळू लागलेत हा रस्ता
तू बदनाम झालीहेस बयो
पुन्हा एकदा
गण्या
Groups audience:
Group content visibility:
Public - accessible to all site users
शेअर करा
कविता आवडली.
कविता आवडली.