तुझे घन आजही बरसून माझी आसवे गेले

कशाने शुकशुकाटाची अवस्था लाभली आहे
उडुन माझ्या मनातुन काय इच्छांचे थवे गेले

तुला भेटावयाचा आजसुद्धा मूड झालेला
मनाचे मूढ मांजर आजसुद्धा आडवे गेले

विनवले चंद्र्भागेला..जरा भिजवून जा.. तेव्हा
शिवारातून देहाच्या व्यथांचे कालवे गेले

खुळ्या आशेवरी केल्या किती आषाढवार्‍या मी
कुठे झरला तुझा श्रावण हजारो भादवे गेले<<<

व्वा वा, सुंदर

छान

व्वाह!

वैवकु, शेवटचा खास!
आ.न.,
-गा.पै.

कशाने शुकशुकाटाची अवस्था लाभली आहे
उडुन माझ्या मनातुन काय इच्छांचे थवे गेले

मुळीही जात नसते विठ्ठला ती जातही गेली
तुझ्या डोहामधे उतरून माझे जानवे गेले

विनवले चंद्र्भागेला..जरा भिजवून जा.. तेव्हा
शिवारातून देहाच्या व्यथांचे कालवे गेले

खुळ्या आशेवरी केल्या किती आषाढवार्‍या मी
कुठे झरला तुझा श्रावण हजारो भादवे गेले >>> हे शेर विशेष आवडले

कशाने शुकशुकाटाची अवस्था लाभली आहे
उडुन माझ्या मनातुन काय इच्छांचे थवे गेले...... क्लासिक !

मुळीही जात नसते विठ्ठला ती जातही गेली
तुझ्या डोहामधे उतरून माझे जानवे गेले.........वा वा !

तुला भेटावयाचा आजसुद्धा मूड झालेला
मनाचे मूढ मांजर आजसुद्धा आडवे गेले.......क्या बात !!

विनवले चंद्र्भागेला..जरा भिजवून जा.. तेव्हा
शिवारातून देहाच्या व्यथांचे कालवे गेले.........आह !!

खुळ्या आशेवरी केल्या किती आषाढवार्‍या मी
कुठे झरला तुझा श्रावण हजारो भादवे गेले.........निशःब्द !!

जियो !! खुप दिवसांनी काहितरी अस्सल वाचायला मिळाल.
धन्यवाद !!

मुळीही जात नसते विठ्ठला ती जातही गेली
तुझ्या डोहामधे उतरून माझे जानवे गेले

व्वा. उतरून की बुडून असा एक विचार मनात आला.
शंकावून, भादवे हे वापर फार आवडले. मूढ-मूड हा शेरसुध्दा छान झालाय.
सांगीतले खटकले. तसेच उडुन माझ्या मनातुन ह्यातील सुटी टाळता येतील असे वाटते.
हवा आनंदली, खुळ्या आशेवरी सारखे वापरून वापरून चोथा झालेले शब्द-प्रयोग टाळता यायला हवे.
शुभेच्छा.

छान.

वाचताक्षणीच 'विशेष' वाटतील असे ट्रिकी शेर आहेत.

@समीरजी =वाहून असे नंतर सुचलेले पण आधीचे उतरून असेच बरोबर वाटले ते दोनही तर्‍हेने वापरता येते>> मी तुझ्या डोहात उतरून (उतरल्याने) माझे जानवे गेले ...&..तुझ्या डोहात माझे जानवे उतरून गेले (परिधान केलेले वस्त्र उतरते तसे ) <<< एकच शब्द दोन प्रकारे वापरता येतो आणि जानवे उतरणे/उतरून जाणे हा एक छान वाक्प्रचारही तयार होतो

आता लक्षात आले. आपले बरोबर आहे.

आपण असे शब्दप्रयोग वापरत नसाल म्हणून ते चावून चोथा झाल्यासारखे वाटत असतील वास्तवात ते किती मधुर आहेत हे आपण स्व्तः एकदा चघळून बघावेत अशी मी आपल्याला सुचवणी करू इच्छितो . अ‍ॅक्च्युअली ह्या गझलेची जी शब्दकळा आहे तिला ते मॅच होताहेत असे मला वाटते किंबहुना ते तसे आहेत म्हणूनच रचनेतील त्या ओळी मला हव्यातश्या मी खुलवू शकलो आहे

वापर मधुर असणे नसणे आवडी-निवडीवर आहे. चावून चावून चोथाचा अर्थ इतकाच की प्रचलित, वापरले गेलेले.
निम्म्या मराठी कवितात लोकांना खुळी आस असते, का कुणास ठाऊक. खरेतर लोक खुळे असतात, आस नाही (गंमतीत घ्याल). अश्या वापरांना मी शब्दांच्या कुबड्या म्हणतो, मात्रापूर्तीसाठीच्या.

मुळात असे शब्दप्रयोग चावून चोथा झाले आहेत वगैरे मते आजमितीला अनेक लोक इतरांचे ऐकून / प्रभावाखाली बनवत आहेत असे मला वाटते . अश्यांनी स्व्तःच्या आधी रचनांमध्ये ते वापरून तरी पहावेत मग मते बनवावीत असे मला वाटते .

No thanks.

समीर

आपण वाटेल ते म्हणू शकता
थोडा बदल सुचवासा वाटतो. वाटेल ते नाही, वाटलं ते.

ती आपल्याला आवडली नाही आहे इतकाच निष्कर्श मी आतापर्यंतच्या चर्चेवरून काढला आहे .

चुकीचा निष्कर्श.
बाकी, गणिताचे आपले विधान वाचून देवपुरकरांची आठवण झाली (हा हा हा).

तृटी तुमच्याही गझलेत असू शकतीलच शोधल्यावर मला सापडतीलच बघूच
माझ्या गझलांत जास्त सुटी असतात, -हस्व-दीर्घच्या, व्याकरणाच्या, एकवचन-अनेकवचनाच्या.
तुम्ही फार सफाईदार लिहिता, थोडी-फार चांगलं होण्याची शक्यता वाटली म्हणून लिहिले.
जो कलाकार टीका गंभीरपणे घेतो त्याचा प्रोगेस होतो हे मी शिकत आलोय.
मी माझ्या गझलांवरचे प्रतिसाद अधून-मधून काळजीपूर्वक वाचतो.
क्षणिक निराशा होते टीका वाचून पण त्यावर अमल केला तर लांब पल्ल्यात फायदाच होतो

बाकी चर्चेत पडत नाही, पण आय आय टी आणि आय टी आय मध्ये फरक आहे इतके मात्र नमूद करावेसे वाटले.

वैभव , गझल छान जमलिये.. थव्याचा शेर उच्च.

अवांतर- प्रत्येक मत / मुद्दा मनावर घेतलाच पाहिजे असे नाही. काही विचाराधीन ठेवायला हरकत नसावी. समीर यांचे प्रतिसाद संयत आणि सकारात्मक असतात असा अनुभव आहे.. आणि आपण आपले गझल लिहून मोकळे व्हावे... चांगले ते टिकणार असतेच. त्यासाठी रसीक महत्वाचा ... बाकी दुनिया झूठ है!!!

शाम + १

ह्याच अर्थाचे विधान मी आत्ताच ह्याच गझलेवर सुरेश भट ह्या स्थळावर नोंदवून येथे आलो.

आता मला खुन्नस आलीय. तरीही सांगतो की गझल जमलीय.
तुम्ही नम्र नाही आहे हे पण माहिती आहे.
तरीही फाटे फोडत आहे. काय करता ?

काय आहे, खूप स्ट्रेस असला की काहीतरी हवेच.
चांगले लिहिता (प्रतिसाद सोडून). मनापासून शुभेच्छा.

वैभव अगदी खिळवून ठेवतोय प्रत्येक शब्द. उच्च. भक्ती-प्रेमरसात भिजलेली भावभूमी.

मी वसूल करणार . भेटाच तुम्ही !!
पुण्यात आलो की कळवीन.

सगळीच आवडली.

कशाने शुकशुकाटाची अवस्था लाभली आहे
उडुन माझ्या मनातुन काय इच्छांचे थवे गेले
े
तुला भेटावयाचा आजसुद्धा मूड झालेला
मनाचे मूढ मांजर आजसुद्धा आडवे गेले

मुळीही जात नसते विठ्ठला ती जातही गेली
तुझ्या डोहामधे उतरून माझे जानवे गेले

वा वा व्वा ! हे जास्त आवडले . छान गझल .

वाचताक्षणीच 'विशेष' वाटतील असे ट्रिकी शेर
आहेत. >> सहमत कणखरजींशी ...

गझल आवडली.

व्वा…

सुरेख गझल…

थवे , कालवे, आडवे हे शेर बेस्ट…

'काजवे' आणि 'आडवे' हे सर्वात छान.