Submitted by profspd on 2 June, 2014 - 12:53
जाहले कैसे पराभव, शोध आता कारणे!
शीक थोडेसे तरी सत्यास तू स्वीकारणे!!
एकमेकांनाच ते ओवाळती, नावाजती.....
पाहिले जवळून मी त्यांचे अरे, सत्कारणे!
त्रस्त ते झाले भयाने संपण्याच्या केवढे....
झुंडशाही, दांडगाई, चालले धिक्कारणे!
स्वप्न दाखवलेस तू मजला बिलोरी देखणे.....
तूच शिकवावे अता, ते स्वप्नही साकारणे!
मी भिडस्तासारखा जात्याच आहे जन्मलो.....
धैर्य दे थोडे मला अन् शिकव मज नाकारणे!
सांडतो आहे बहर माझ्या सुरांचा चौकडे.....
या मुक्या, बहि-यांमधे माझे सुरू झंकारणे!
-------प्रा.सतीश देवपूरकर
फोन नंबर: ९८२२७८४९६१
विषय:
Groups audience:
Group content visibility:
Public - accessible to all site users
शेअर करा
जाहले कैसे पराभव, शोध आता
जाहले कैसे पराभव, शोध आता कारणे!
शीक थोडेसे तरी सत्यास तू स्वीकारणे!!<<<
प्राचार्य साहेब,
ता कारणे आणि स्वीकारणे आल्यावर अलामत भंगली ना? पुढचे काफिये कसे काय बसवायचे? नाही, भटसाहेबांचा परीसस्पर्श तुमच्या गझलेला झाला आहे म्हणून विचारतोय! माफी असावी.
होय इथे अलामत भंगते आहे
होय इथे अलामत भंगते आहे माझ्या लक्षात योजतानाच आले पण तरीही लिहिले! लिहावेसे वाटले म्हणून! अनावधानाने हे झाले नाही
अनावधानाने हे झाले नाही<<< हे
अनावधानाने हे झाले नाही<<<
हे तुम्हाला शोभते का साहेब?
अलामत म्हणजे काय ते सांगाल
अलामत म्हणजे काय ते सांगाल का?
अलामतच जर भंगत असेल तर गझल
अलामतच जर भंगत असेल तर गझल कशी लिहावी वाटली ?
आश्चर्यच वाटतय
अलामत म्हणजे काय ते सांगाल
अलामत म्हणजे काय ते सांगाल का?
<<<<<<<<<<<<
माझी गझलेबद्दलची माहिती शून्य म्हणावी इतकी आहे. मात्र बेफिकीर यांनी म्हटल्याप्रमाणे मला असं वाटतंय कि 'ता' कारणे च्या नंतर 'स्वी' आल्यामुळे ते झालं असावं. ता आले असेल तर गा, धा, यायला हवं होतं असं मला वाटतंय. मात्र तसं काही न मिळाल्यामुळे त्यांनी वाक्याला अर्थपूर्ण करण्यासाठी स्वीकारणे हा शब्द घातला असावा. मात्र तसं केल्याने जर ती गझल होत नसेल तर त्यास गझल म्हणू नये हे योग्य.
... थोडक्यात अलामत म्हणजे असं काही कि जी भंगली कि काहीतरी बिलामत येते हे नक्की.
गंमतीचा भाग वगळता, अभ्यासूंनी योग्य ती माहिती द्यावी.
सुप्रियाताई, >> अलामतच जर
सुप्रियाताई,
>> अलामतच जर भंगत असेल तर गझल कशी लिहावी वाटली ?
>> आश्चर्यच वाटतय
इथली पहिली ओळ पहा. कदाचित संगती लागेल.
आ.न.,
-गा.पै.
अ/इ/उ अलामत मतल्यात वापरले तर
अ/इ/उ अलामत मतल्यात वापरले तर चालते मग आ/ई/ऊ/अं.....का चालू नये असा एक विचार मनात आला!
काफियातील बदलणारे अक्षर,जे न बदलणा-या अक्षरांच्या आधी येते ते गुरू ठेवून पाहू यात कसे वाटते ते असा विचार आला जेव्हा मतल्याच्या दोन ओळी लिहिल्या तेव्हा! असे चालत नाही हे मला माहीत आहे! पण निव्वळ प्रयोग म्हणून लिहिले! स्वरकाफियांची गझल लिहितात, मग असे लिहिले तर कसे वाटेल हे मला पहायचे होते!
या रचेनेला गझल न म्हणता गझलसदृश रचना असे मी म्हणेन!
अलामतीच्या स्वरातील गोडवा व शेरातील एकंदर दम पाहून मी हे तसेच ठेवले!
...............प्राचार्य सतीश देवपूरकर
मुळ प्रश्नाला कोणी उत्तर च
मुळ प्रश्नाला कोणी उत्तर च देत नाहीये. अलामत म्हणजे काय?
धन्यवाद
धन्यवाद