रात्र काळीभोर

रात्र काळीभोर तुझ्या डोळ्यात साठलेली ,
आणि वर पापण्यांची दारे, तू अगदी घट्ट मिटलेली....

अलगद उघड म्हंटल तू पापण्याची झालर तर ,
त्यावर तुझ्या नजरेची मशाल पेटलेली ....

सोबतीस असावी म्हणून मी रात्र थांबवलेली ,
तर तुझ्या ओठांवर अबोलीची लाली थाटलेली .....

वारयाची झुळक पण तुझ्या सुगंधात न्हाता ,
खट्याळपने,केसांची बट तू हवेवर लोटलेली ....

मी दूर जाता तू नकळत मला खेटलेली,
आणि अशा कित्येक आठवणीत मी “जिंदगी” काटलेली ....!
अलका डी भोसले (स्वपन वेडी )