Submitted by मानस६ on 26 November, 2013 - 21:50
तू किती लपणार आहे शेवटी?
आरसा दिसणार आहे शेवटी..!
धाडसी गमज्या जरी मी मारतो..
नोकरी करणार आहे शेवटी !
चालु द्या, तुमच्या नृपांनो वल्गना!
राम ती वरणार आहे शेवटी!
शेवटी बघशील तू देवाकडे...
अन कुठे बघणार आहे शेवटी..?!
बांध रे बिनधास्त मजले आणखी..
वैधता मिळणार आहे शेवटी!
शेवटी उरतात वेडे मोजके..
मी तिथे रमणार आहे शेवटी
थांब ना थोडी, जरा प्रतिमेमधे..
रंगही भरणार आहे शेवटी
कोळसा आहे तरी, पाहून घ्या..
मी हिरा बनणार आहे शेवटी!
मी जरी नाकारतो मृत्यो तुला
सामना घडणार आहे शेवटी
शेवटी जगशील तू माझ्याविना,
मी कसा जगणार आहे शेवटी?
मी असो, वा हा दिवा खोलीतला
एकटा जळणार आहे शेवटी!
वेड हे परिपूर्णतेचे केव्हढे..!
व्यंगही हसणार आहे शेवटी!
विषय:
Groups audience:
Group content visibility:
Public - accessible to all site users
शेअर करा
हीच रचना वेगळ्या मतल्यासह
हीच रचना वेगळ्या मतल्यासह फेसबुक मकस वर इतक्यातच प्रकाशित केलीय..
तू किती लपणार आहे(स) शेवटी
तू किती लपणार आहे(स) शेवटी असं असायला हवं...
खूप शेर आवडले...
धन्यवाद
वाह काय एकसे बढकर एक शेर आहेत
वाह काय एकसे बढकर एक शेर आहेत.
>>
शेवटी उरतात वेडे मोजके..
मी तिथे रमणार आहे शेवटी ......................... कहर!!
थांब ना थोडी, जरा प्रतिमेमधे..
रंगही भरणार आहे शेवटी .............................. वाह!
आवडले !
आवडले !
छान!
छान!
शुक्रवारचा शेर
का खातोस इतरांची कवटी
मागव कॅटीनमधून शेव टी!
शुक्रवारचा शेर >> : हहगलो:
शुक्रवारचा शेर >>

मस्त....
मस्त....
किती सुरेख!!!
किती सुरेख!!!
>>>>>>चालु द्या, तुमच्या नृपांनो वल्गना!
राम ती वरणार आहे शेवटी!
वाह वाह!!!
>>>शेवटी उरतात वेडे मोजके..
मी तिथे रमणार आहे शेवटी
क्या बात है!
मानस, मस्त जमलेय गझल छोट्या
मानस, मस्त जमलेय गझल छोट्या बहरात!
@उचलली जीभ
तोंडातून "शीss" आणि हसू एकत्रच बाहेर पडले
प्लीज 'शीSSS' असा उद्गार असे
प्लीज 'शीSSS' असा उद्गार असे लिहा.
सामो
सामो
सामो..
सामो..
आवडली...
मानस६, गझ़ल खूप आवडली...
शेर आवडले. सामो
शेर आवडले.
सामो
@सामो, took me a minute to
@सामो, took me a minute to realize

बरं आहे प्रतिसाद एडिट करता येत नाही ते, नाहीतर मला मोह आवरला नसता आणि या विनोदाला यापुढचे वाचक मुकले असते
(No subject)