कविता ३ - tuzyaat buDaale aaNI

तशी मी नेहमीच तुझ्यापासून दूर दूर
पण तरिही कुठंतरी, माझ्या मनात दडलेला तू.
तुझा ओलसर स्पर्श, चिकटून राहणारा\
तुझा धीरगंभीर आवाज, कवेत घेणारा
तुझा विस्तार डोळे तृप्त करणारा.
तुझा गंध चित्त उल्हसित करणारा.

म्हणून मग एकदा वाटलं,
जवळ जाऊन पाहू, थोडं धाडस करून पाहू.
आणि तेंव्हा,
तेंव्हा खरंच, तुझ्यात बुडाले मी
आणि काही सुचेना,
कारण तुझ्या पाण्यात गुदमरले मी.
समुद्रा, तुझ्या त्या खार चवीने
घेतला माझा ताबा
आणि २१ दिवसांसाठी
टायफॉईड शरीरात राहून गेला.

एप्रिल २००९