कविता १ - सृजन

Submitted by वेल on 3 September, 2013 - 04:19

त्या नऊ महिन्यांची,
सुरुवात अस्वस्थपणे,
शेवट वेदनेमधे
मधला काळ उत्सवाचा..

उत्सव सृजनाचा,
उत्सव सुखद जाणिवांचा,
उत्सव उमलण्याचा,
त्या नऊ महिन्यानंतर,
उत्सव नवीन जन्मांचा
उत्सव बाल्याचा मातृत्वाचा.
उत्सव ते नऊ महिने
जगण्याचा, भोगण्याचा..

हा मान फक्त मातेचा
मातेच्या मातृत्वाचा
आणि म्हणूनच
कधी कवीचा, लेखकाचा, चित्र-शिल्पकाराचा,
सार्‍याच कलाकारांचा....

२१ डिसेंबर २००९

विषय:

काव्यलेखन

शब्दखुणा:

वेलीचे लेखन

Groups audience:

गुलमोहर - कविता

Group content visibility:

Public - accessible to all site users

शेअर करा