मोह

Submitted by समीर चव्हाण on 15 May, 2013 - 02:28

रात्र होता आस बांधत स्वप्नतारा चमकतो ना
गंधवाही कल्पनांचा सोनचाफा उमलतो ना

एक वेडा रात्रभर का चाळतो पाने वहीची
अर्थ त्याच्या आवडीचा मग पहाटे गवसतो ना

घर कसे ओसाड वाटे, फार त्याची याद दाटे
चेहरा त्याचा मला अपरोक्ष त्याच्या रडवतो ना

मी किती ठरवून बघतो, हृदयही काढून बघतो
मोह होतो आंधळा की वाट कोणी उजळतो ना

प्रहर आहे जायचा अन ऐकते कोठे मुळी मन
राहिला मक्ता `समिर' जो कागदावर उतरतो ना

समीर चव्हाण

विषय: 
काव्यलेखन
शब्दखुणा: 
गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

Ek vedaa raatrabhar ka...

>> wwaahh... Affaat aavadlaay ha sher...

'Cheharaa aparoksh' ha sudha...

Avantar: paroksh means drushtiaad, aparoksh means najaresamor asa vachalyacha aathavtay.. cbdg..

Submitted by आनंदयात्री on 15 May, 2013 - 12:15

सगळ्यांचे आभार.

मुक्तेश्वरजी, आपण म्हणताय ते पटतेय.

धन्यवाद, आनंदयात्री.
आपण म्हणताय ते बरोबर आहे.
शब्दकोशीय अर्थ नजरेसमोर.
दृष्टीआड चुकीचा मात्र रूढ अर्थ आहे. खाप्रेंच्या शब्दकोशात संदर्भ मिळतो.
शेर लिहिल्यानंतर हे लक्षात आले.
शेर पोहोचला ही सुखद गोष्ट आहे.

धन्यवाद.

Submitted by समीर चव्हाण on 15 May, 2013 - 12:53

मी किती ठरवून बघतो, हृदयही काढून बघतो
मोह होतो आंधळा की वाट कोणी उजळतो ना

वा, हा विशेष आवडला

Submitted by प्रसाद लिमये on 15 May, 2013 - 13:10